M̀ɛni-lɛɛi 22:16 - Yálá laawoo hɛɓɛ (dc)

¹⁶ «Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

Yálá laawoo hɛɓɛ

¹⁶ «Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

Bible

¹⁶ “Ńyãa Zîsɛ, ŋá ŋákelai tɛ̀ɛ ípɔ naa a zere-faai ŋí Kôrai-toli-kpɔŋ-ŋai mɛni ma. Ŋ́gaa a Deeƃé ŋɔsame, ŋ́gɛ ƃo a ŋɔsuui-su-nuu, ńyãa ƃe ŋ́gaa a ŋele-wala pɛmɛlɛŋ-kao-foloɔi.”

M̀ɛni-lɛɛi 22:16 ပူးပေါင်းရင်းမြစ်များ

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 14:12

Ə́ kulɔ pələ kɛ ləi yələi yɛ́ too yələ kwəi hvələ hɛn gɛnɛ̨, yələɓɔi lon? Di ə́ pili pələ kɛ ləi, yɛ́ too lɔi ɓa, yɛ́i lɔiɠaa lɔ ə́ yee mui?

Zakari 6:12

'Yɛ́ mą: ‹Yai-Laa Mɛ̨nį Kəlee ŋą Hééɓomun woo ka, yɛ: «‹Nu ta ka ŋɛ̨i, naa ɓaa wulu ɓɔn, yɛnɛ̨ɛ̨ kaa pai ɓɔn ɉii gɔwɔ pɔɔ hu. Gaa pai Yai-Laa hvɛli pɛlɛ́ tɔɔi.

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.

Maafîu 1:1

Jesus Kristə galapɔlɔni laa ka, ə gɔwɔ tɔɔ Abrahamə ɓa, ə həli la tɔɔmun Davidə ɓa:

Maafîu 2:2

Di mąąni kɛ kɛ, diɛ mą: «Ɉuifəɠaa di wɔ tɔɔmun nįnɛ̨i daa gaa, gaa mį? Mąąhɔlɔɓo kwaa nwɔ pɛmɛ̨lɛ̨n gɔw kaa voló kulɔi pələ. Ku pa kwɛli hvilɛn ɉi mą.»

Maafîu 22:42

«Ka kɛ ka kiliɉaniɛ ləi Nwun mąąɓomun Yálá ə naakwɛlanmo mąą mɛ̨nį ɓa? Ka gaa, gaa a gbɛɛ huwu hu mun da?» Di nwoo ŋąąpənə diɛ mą: «Davidə lon ɉulɔnu li!»

Maafîu 22:45

«Akɛ Davidə a kɛ Nwun mąąɓomun Yálá ə naakwɛlanmo mą, ‹Námu›, Nwun mąąɓomun Yálá ə naakwɛlanmo a pɛli kɛi ləi a Davidə huwu hu mun?»

Lukə 1:78

Mąąhɔlɔɓo, ɲɛ̨imąąwɛli kaa kɛnɛ̨ kaa kuɔ Yálá yəi. Ya ɓə pai kɛɛ pono kɛnɛ̨ yɛɛi ku mɛ̨i yɛ pələi yələ wala pɔ hvóló liɛn gaa la.

Lukə 20:44

«Davidə kpinįi a kɛi kɛ Nąmu Kristə ɓa: ‹Ną́mu› yili a pɛli kɛi ləi a non da?»

Lomaŋ 15:12

Esai yaa kpɛli yɛ mą: «Ɉɛse lon gaa pai, gaa pai tɔɔlaa kɛi hįi kəlee nwun na; ɛlɛɛ, hįi kəlee yɛ gilitɔimą.»

Lomaŋ 9:5

di kaa a di kalaɓɔlɔni lonnii, di kaa pələ hu, diɛ ɓə Kristə ə hɔlɔɓo di huwu hu, yai hee ni hɛn gəlee nwun mɛ̨i. Lúwɔ́ kɛ mą a yələ kəlee da nwɔɔ, kɛi a mo tii Yálá ə kɛ! Mįiną!

Piɛrə veelɛ 1:19

Yili ɓa, nwoo ŋɛ̨i Yálá kwəi mɛ̨nį hukulɔ nuą di mo, ku laai na kpɔ nwɔ̨nɔ̨ kɛnɛ̨. Mąąhɔlɔɓo, gaa yɛ labon yii gaa lən ɉi kɛɛnąą kpinɛ̨ɛ̨ ɓa, ə lɛɛ la ɉu, yələ ɓoi pɔ, pɛmɛ̨lɛn gɔw yɛ hvóló ka nii hu.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

M̀ɛni-lɛɛi 2:11

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, haa veelɛ nąą ŋą mɔ̨nɔ̨ hva həli mą.»

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 22:11

Túwɔ́ pələ ɲɔ̨n gulɔmun, ə kɛ lɔ tuwɔ pələ ɲɔ̨n gulɔi, hvulumun, ə kɛ lɔ hvulu kɛi, mąąliɓimun ə kɛ lɔ mąąliɓi mɛ̨nį hu, kɛlɛɛ, tələnmomun ə kɛ lɔ nwɔ̨nɔ̨ tələnmo tuwɔ kɛi, ɛlɛɛ mąąhəɠəmun ə kɛ lɔ nwɔ̨nɔ̨ mąąhəɠə mɛ̨nį kɛi.»

M̀ɛni-lɛɛi 22:20

Nui mɛ̨nįi tii ɓoi, yɛ diɛ: «A tɛ̨ą, gáá pai ɉu hvo kwɛa li.» Amįįną! 'Pá, ku Nąmu Jesus!

M̀ɛni-lɛɛi 22:6

Yili pulu, yɛ mą́ą́: Nwooɠaai ŋɛ̨i kaa a neelee, ɛlɛɛ, a tɛ̨ą; gu Nąmu Yálá, yai a gwəi mɛ̨nį hukulɔ nuą kili, ya ɓə ŋą malakai tɔɔ, əgɛ, mɛ̨nįi pai kɛi ɉu hvo kwɛa li, ə nɛ ŋą tínuą diɛ.

M̀ɛni-lɛɛi 3:13

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 3:22

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 3:6

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

M̀ɛni-lɛɛi 5:5

Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»