M̀ɛni-lɛɛi 22:10 - Yálá laawoo hɛɓɛ (dc)

¹⁰ Yili pulu, yɛ mą́ą́: «Yálá kwəi mɛ̨nį hu wooɠaai ɉɛɓɛ́i ŋɛ̨i hu, 'hvó noo, mąąhɔlɔɓo, ɲələ aa lɛɠɛ.

Yálá laawoo hɛɓɛ

¹⁰ Yili pulu, yɛ mą́ą́: «Yálá kwəi mɛ̨nį hu wooɠaai ɉɛɓɛ́i ŋɛ̨i hu, 'hvó noo, mąąhɔlɔɓo, ɲələ aa lɛɠɛ.

Bible

¹⁰ È mò mâ, nyɛɛi, “Ŋ̀óo-ŋai díkaa gɔlɔi ŋí sui, ífe dímɛni-lɛɛi lòo, kpɛ́ni fêi, tãi a lɛɣɛ.

M̀ɛni-lɛɛi 22:10 ပူးပေါင်းရင်းမြစ်များ

Azaya 13:6

'Ka haa wɔlɔ ɓo, a gboo təliɛ, Yai-Laa nwɔ hvólói həli hiɛ ka, a kɛɛ kala hvóló, yɛ həɠə kɛɛ kaamun bɔ.

Azaya 8:16

Ɉɛɓɛ́i ŋɛ̨i laa kpulu, mąąkwɛli wooi ŋɛ̨i loo ɲéépɔ nuą diɛ.

Izikiɛ 12:23

'Mo diɛ yɛ́ diɛ, Mɛ̨nį kəlee ŋą Hééɓomun Yálá woo ka: Gáá ɉanwon ti kulɔi ka la, di hva kɛa mo Israɛlə lɔi hu. Kɛlaa, 'kɛ́ diɛ: ‹Ɉįįɠaai di gaa, di bɔ mɛ̨nį kɛ yələ yɛ həli.›

Danîa 12:4

Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Danîa 12:9

Ə mo mą́ą́, yɛ mą: «Daniɛlə, yili hvo ə́ liihɛlɛn, nwɛlɛɛ tii mąąnɛ̨ɛ̨ kpɔ ə lɛɛ a noɔ ə lɛɛ la ɉu, ŋaakpɛɛi lɔwai.

Danîa 8:26

Ɉįi tii ə́ gaa yɛ hvilɛn na yələ wuliiɠaa da yələwalaɠaa diɛ, yili kaa a tɛ̨ą. Ə́ wɛi, mąąnɛ̨ɛ̨ ə́ mɛ̨nįɠaai tii lɛɛ ə́ kwəi, mąąhɔlɔɓo, vilɛn ŋaai mɛ̨nį hu kwɛa ɓa, yii gaa pai kɛi.»

Maafîu 10:27

Yii ŋą mo kpinįi, ka mo hvóló ŋą. Yii da mo kaa a ɲįį-ɲįį woo, ka mo a lolo.

Lomaŋ 13:11

'Ka ka keeni wɛli la kɛ, mąąhɔlɔɓo, nɔwai ŋɛ̨i gu kaa ɉu ka gɔlɔn. Ká ɲįnąąɓoi lɔwai ka. Hvó gaai, nwun mąąɓo mąą aa kpuɔ guɔ yiihu, ə tɛɛ la ɲələi gu laa la Kristə la, ɲələ ɓa.

Lomaŋ 13:12

Kwiihɛ̨ą aa tɛɛ, yələ ɓɔi lɔwai aa lɛɠɛ. 'Ká gu lənə kpinį hu mɛ̨nįɠaa diɛ, ká guɔ kɛɛpono nwɔ kúláá hɛnŋaa kɛ guɔ.

Tɛsalonikə veelɛ 2:3

Nu ta hvo kɛ gaa ká ɲąahɛn ɉii a pələi lɔpee gəlee; hvo kɛli ni nuą di lənə laa na pələ ɓa, ɛlɛɛ, hvo kɛli Yálá mɛ̨nį Mɛlɛtoomun, ə gbɛa gbɔwɔ lɛ, yai a nwun na pili-lon,

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 1:3

Nwun na nɛ̨ɛ̨mun maa, nui a ɉɛɓɛ́i ŋɛ̨i ɓo, ɛlɛɛ da nuąi da di wəli tɔɔ ɉu woo ɓa, ɛlɛɛ, mɛ̨nįɠaai bɛ̨ɛ̨ ɉu, diɛ di yee kąnąn mą, gbala ə tɔɔ, guu mąą aa kpuɔ.

M̀ɛni-lɛɛi 10:4

Yii kɛa tii ɲələgbąnąąɠaa woo ə tɔɔ, ŋą́ kɛ bɔ ŋą́ bɛ̨ɛ̨, ŋį́ woo ta mɛ̨n ɲələi, yɛ kɛ mą́ą́: Nwɛlɛɛi ɲələgbaąnąą mɛ̨ihveelɛi di mo, nɛɛ ə́ kwəi a loo mɛ̨nį, 'hvó bɛ̨ɛ̨.

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

M̀ɛni-lɛɛi 22:18

Ɲą́ą́ ɓə moi kpɔ a tɛ̨ą, mɛ̨nįɠaai ɉɛɓɛ́i ŋɛ̨i hu, nui a da pɛlɛ mą, mɛ̨nį ɲąąnwąnąąɠaai ɉɛɓɛ́ hu, Yálá a nwɛi ta pɛlɛ mą.

M̀ɛni-lɛɛi 22:20

Nui mɛ̨nįi tii ɓoi, yɛ diɛ: «A tɛ̨ą, gáá pai ɉu hvo kwɛa li.» Amįįną! 'Pá, ku Nąmu Jesus!

M̀ɛni-lɛɛi 22:7

«'Ɓɛ kaa, Gáá pai ɉu hvo kwɛa li. Nwun na nɛ̨ɛ̨mun maa a nui, a ɲee kąnąn ɉɛɓɛ́i ŋɛ̨i hu wooɠaa diɛ.»

M̀ɛni-lɛɛi 22:9

Kɛlaa, yɛ mą́ą́: «'Hvó kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii a Yálá kwəi mɛ̨nį hukulɔ nuą di mąą mɛ̨nį ɓa, ɛlɛɛ, da nuąi da di yee kąnąn ɉɛɓɛ́i ŋɛ̨i hu wooɠaa diɛ. Yálá ɓə mąąnɛ̨ɛ̨i di gwɛli hvilɛn mą.»

M̀ɛni-lɛɛi 5:1

Ɛlɛɛ, nui tii kɛ heeni dɔɔkpəlin ɉu, ŋą́ hɛɓɛ́ ta kaa mamįiyee ɲą, gbinįn gɛɛ, a hɛɓɛ́i ɉu pələ pɛ̨ɛ̨, ɛlɛɛ, gɔlɔ ɓa pələ pɛ̨ɛ̨, kɔ́lɔn ɉɛn mɛ̨ihveelɛ ə ɓo mą.