M̀ɛni-lɛɛi 20:4 - Yálá laawoo hɛɓɛ (dc)

⁴ Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.

Yálá laawoo hɛɓɛ

⁴ Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.

Bible

⁴ Ǹaa pôlu mà, ŋá kâloŋ-see-sãa kàa, ǹyaŋ diai kɛ̀ see ni díŋai, dia ƃe kɛ̀ a ǹûai dí wala-wala-laa tɛ̀ɛ dípɔ a gɛɛ dí mɛni ŋá tee. Diai dí díŋuŋ têe Zîsɛ maa-sere-faa kɛ-mɛni ma da Ɣâla ŋɔwóoi, ŋá dímɔ̂leŋ kâa da diai dífe zuai fɛli nii, kpaa máŋ dífe zua-pɔɔkɔ̂ŋ fɛli nii, zuai pɔ́ɔ fé tela dítôŋ lá, kpaa máŋ díyee ŋái. Dí pà pôlu ŋɔ́nɔ fulu-laa su, da Kôrai-ni dí kɛ-mɛi-laa kɛ́ a kóraŋ wála tɔnɔ (1,000).

M̀ɛni-lɛɛi 20:4 ပူးပေါင်းရင်းမြစ်များ

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 7:18

Kɛlaa, Yálá Yii Gaa Hɛn Gəlee Nwun Mɛi, nonnii kaa pai tɔɔlaa həɠəi, di wɔ tɔɔlaai kpɛɛ hva kɛ ma.»

Danîa 7:22

ə lɛɛ la ɉu, ɉulɔgolo pɔlɔ-pɔlɔ tii ə pa, Yálá yii gaa hɛn gəlee nwun mɛ̨i, ə nwɔ nuą da mįnɛ̨i tii ni, di lɔwai tɔɔ. Nąąlɔwai tii hu ɓə, Yálá nwɔ nuą di dɔɔlaa həɠə la.

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Danîa 7:9

Ɲɛ́i ə lɛɛ lɔ laa, di tɔɔ kpəlinŋaa hvilɛn, hulɔgolo pɔlɔ-pɔlɔ. Ta ə pa ə hee ɉu. Ɉulɔgoloi tii mąą həɠə kwəlɛɛ kɛ yɛ wee kwələ, nwun nəɠa yɛ ɓo yɛ yee hunwɔ. Nwɔ tɔɔ kpəlin yɛ ɓo yɛ nwɔ̨n nən. Gɔwɔɠaa diɛ ɓo yɛ nwɔ̨n dəŋą.

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

Maafîu 24:10

Nąąlɔwai, nu tamąą kaa pai lənəi mą́ą́, diɛ di kee ni wɛli kpɛɛ diɛ.

Markə 6:16

Nwooɠaa tii mɛ̨n Herodə ə moi, ə mo yɛ diɛ: «Ɉaan-Batistə ŋɛ̨i ŋą nwun dee ŋą, ya ka tii aa nwun aa kulɔ haa yəi!»

Markə 6:27

Herodə ə nɛ̨ɛ̨mą ə nwɔ gaho pɛlɛ́ lamun dɔ̨nɔ̨ tɔɔ ə li ə Ɉaan nwun dee ŋą ə paa la. Gaho pɛlɛ́ la mun tii ə li gaho pɛlɛ́ mu ə Ɉaan nwun dee ŋą.

Markə 9:11

Yili pulu, di pənə di Jesus mąąni kɛ, diɛ mą: «Lə mɛ̨nį ɓa, tɔ́n galamɔ̨ɔ̨ɠaa, da kɛ kɛi diɛ: ‹Hvo kɛli Eli a gbɛa pa tɔwɔ?›»

Lukə 1:17

Gaa pai hiɛi Yálá ɲɛ̨i ɓa, Yálá nwɔ huwalawalaa da nwɔ Kilii ŋɛ̨i kɛ gwəi mɛ̨nį hukulɔ mun Eli yəi, a kɛ yaa kpɛli mąn ɲai. Gaa pai lon da gaa mun di yee lɔi gee hu. Yiiɠaai di hva liɛwoo mɛ̨n, ə di liɛwoo ɓo di kɛ a kilimąą nuą. Pələ ɓə gaa pai nuą kɛ pələ pɛli la, əgɛ, di Ną́mu Yálá mąą kpɔn.»

Lukə 14:14

Akɛ yá yili kɛ, nwun na nɛ̨ɛ̨mun maa a yɛ́. Mąąhɔlɔɓo, hɛn da hvo di yəi, di hvo gwələ kulɔi. Kɛlaa da gwələ kulɔ yɛ́ a telmo nuą nwun ɲələ, diɛ kulɔ haaɓɛlaa lɔwai.»

Lukə 22:30

Ka káá pai ka laa mįi, kaa ka kpələ, ŋį́ tɔɔlaai hu, ka ɓo heeni tɔɔkpəlinŋąa hu, kaa Israɛlə lɔi pow kɔ́w hveelɛi ɲąąwooɓo.»

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Lomaŋ 11:15

Yaan, akɛ di mąą tɛi ŋɛ̨i di mo pulu, yili ɓə gɛ Yálá da yɛnɛ̨ɛ̨ nuą di yee yɛ lɔ gee hui, akɛ da pənə da di mąą lɛɠɛ Yálá ɓa, lə ɓə kɛa a kɛ? Yii a kɛ kɛa ya ɓaa: Nuąi kɛ mąąnɛ̨ɛ̨ di haa, da yɛnɛ̨ɛ̨ hɔlɔɓo.

Lomaŋ 8:17

Yii kani gu kaa a nonnii, gu kaa kani a gwɛlin ɉɔlɔɓo nuą, gwa Kristə ta ni gu kaa a Yálá kwɛlin ɉɔlɔɓo nuą; gbala ə tɔɔ, yii gu gu wɔɔ hɔlɔɓo nwɔ mɔ̨nɔ̨i hu, gu kaa lɔ pai gu wɔɔ nąą hɔlɔɓoi mąąɲįnɛ̨n ɉu.

Timote veelɛ 2:12

Gwa diɛni gwa mɔ̨nɔ̨ mįi gee ɓa, gwa diɛni gu kaa pai tɔɔlaa kɛi gee ɓa. Akɛ gwa lənə mą, yaa kpɛlimąn a lənə guɔ.

M̀ɛni-lɛɛi 1:2

yai moi yɛ ə gɛɛ tii kaa, hɛa hvo ɉu, Yálá laa woo li, ɛlɛɛ, gaa a Jesus Kristə ŋą kɛla woo.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 11:11

Kɛlaa, voló haaɓa da gbulɔi tii a kulɔ ɉu, yɛnɛ̨ɛ̨ kɛ hvaŋą a həɠə Yálá-taa ə pu diɛ, ɛlɛɛ, di haŋąn di tɔɔ. A kɛ lɔ tii, nuąi kɛli di kaa, ɲɔw kɛnɛ̨ ta a di hon.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»

M̀ɛni-lɛɛi 11:7

Kɛlaa da pa kpɛɛi a gɛla woo ɓoɔ, ɉuwɔi tii pai kulɔi nowa kpon gwɛaa hu, gaa pai kɔ pɛlɛi diɛ, ɲee ə tɛɛ diɛ, ɛlɛɛ, ə di paa.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

M̀ɛni-lɛɛi 14:11

Di mɔ̨nɔ̨ɓo nwɔ̨n nulu a tɛ, ɲɛ̨n deei hvo mą, ɛlɛɛ, hvįi tɔɔ hva kɛ diɛ kpinį pɛlɛɛ hvóló ɓa, a diɛi tii da kɛ kwɛli hvilɛn ɉii ɉuwɔi tii ɓa da mąąnįnįn, ɛlɛɛ, da nui lɔpee naa ŋą kɔlɔn ɉɛn gaa mą.»

M̀ɛni-lɛɛi 15:2

Ɛlɛɛ, ŋį́ gboloyá ta kaa ə ɓo yɛ pɛ̨nɛ̨n, ɉumoɔ a nwɔ̨n. Nuąi tii di yee ə tɛɛ ɉuwɔi tii ɓa, da mąąnįnįn, da naa nwɔ kwɛdɛn ɉɛɓɛ́ kɔw di mɛ̨i, di ɓo tɔɔni bɛ̨nɛ̨n galan gboloyái tii mɛ̨i, Yálá ŋą gwɛnįnŋaai ə ɓo di yee ɲą.

M̀ɛni-lɛɛi 17:8

Ɉuwɔi tii ə́ gaa, ə wɔlɔ kɛ laa, kɛlaa hvo kɛa laa. Gaa pai kulɔi nowa kpon gweaa hu, ə li nwun napili hu. Ɛlɛɛ, lɔi mɛ̨i nuąi di laa hvo kɛ pɛ̨ɛ̨ li ɓalo hva kpɛɛ hɛɓɛ́ hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa, di kwəi kaa pai pilii diɛ, da ɉuwɔi tii kaai da mo, mąąhɔlɔɓo, ə kɛ laa, hvo kɛa laa, kɛlaa, gaa pənəi ə pa.

M̀ɛni-lɛɛi 2:26

«Nui ɲee a tɛɛ mɛ̨nįɠaa tii kəlee ɓa, yai a ɲee kąnąn nwɔ́ kólóɠaai diɛ, ə lɛɛ ɉu ɲąąkpɛɛ yələi, ŋą́ hvaŋą tɛɛ pɔ hįi lɔi kəlee mɛ̨i,

M̀ɛni-lɛɛi 20:6

Nwun na nɛ̨ɛ̨ nuą, da mąąhəɠə nuą ɓaa, diɛi pai kɛi nwun mo dɔlɔɔ tii hu. Di nwɛi, haa ŋą yee pɛli mąą hvo diɛ; di kaa pai kɛi a Yálá da Kristə di wɔɔ haláá laa hɛli nuą kpɛa-kpɛaa, da diɛni da tɔɔlaa kɛ gwɛlan nwaa tɔ̨nɔ̨i tii yee mu.

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

M̀ɛni-lɛɛi 6:9

Ɓɛlɔwai ə gɔlɔn ɉɛn nɔɔlinąą holoon na. Ŋą́ nįiɠaa kaa ɉaláá kulɔi kɔwɔ mu, di kɛ a nuąi daa di kulɔ a haláá, Yálá laa woo mąą mɛ̨nį ɓa, ɛlɛɛ, da gɛla hvaai di mo mąą mɛ̨nį.

M̀ɛni-lɛɛi 7:3

«'Ká hvo mɛ̨nį ta laa lɔi ɓa, gboloyá, ə mą kɛ, wuluɠaa diɛ, hvo kɛli ni, kwa ku kɔlɔn ɉii kɛ Yálá ŋą tínuą tɔwɔla.»