M̀ɛni-lɛɛi 20:2 - Yálá laawoo hɛɓɛ (dc)

² Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.

Yálá laawoo hɛɓɛ

² Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.

Bible

² È ǹyao-maa-suai sôŋ, nyíi kɛ̀ a ŋwɔlɔ-wɔlɔ-kálii. Ŋwɔlɔ-wɔlɔ-kálii ŋí ƃe kɛ̀ a Dɛ̂ƃele, nyíi ǹáa è kɛ̀ a Sêtɔŋ, é ŋ̀iri kóraŋ wála tɔnɔ (1,000) mɛni ma,

M̀ɛni-lɛɛi 20:2 ပူးပေါင်းရင်းမြစ်များ

Zɛnɛse 3:1

Ɉuwɔɠaa ŋɛ̨i Yai-Laa ə bɛli, kaalə ɓə kɛ gbąnąą di lɔwai, gaaləi tii ɓə nɛ̨ɛ̨nu mąąnikɛ, yɛ mą: «Akɛtii, Yálá ə kɛ kpɔ diɛ: ‹Nwuluɠaai gaa ɓɛ ɲɛa, ka hvə gəlee ɓa mį́i?›»

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Zôo 1:7

Yai-Laa yɛ ɓilihi ɓa: «Ə́ həɠə mį pələ?» Yili ə nwoo pulu pənə yɛ mą: «Ŋą́ həɠə gɔ́wɔ hu hiɛi lɔi mɛ̨i, gɛ́ nąą mąątinɛ̨n.»

Azaya 24:22

Di kaa pai di pui di kee mɛ̨i nowa hu, di ɓo a luwɔɠaa; diɛ di lɔ gaho ŋą, ɛlɛɛ, ɉu a kwɛa, di di kiti tee.

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Izikiɛ 47:5

Yili pulu ə yee tɔɔɉu waa tɔ̨nɔ̨ kɔ́ɔn; ɲa ə kɛ kɛa a ya hvɛɛ, vá pɛli deen ɉi, vɛɛ pələ ɓa; ə kɛ kɛa a yái mąąnɛɛ nu ə gɛlɛ, a yáleei nu hva pɛli deen ɉi ə́ kɔwɔ ɲąi.

Maafîu 19:29

Ə lɛɛ, nui lɔpee a nwɔ pɛlɛ́i lɛɛ, ə nąn nonni hinąą da nąn nonni nɛ̨ą lɛɛ, ə nąn a wala kɛ tii ə nee lɛɛ, ə nonni da nwɔ hihɛn ɉaa kəlee lɛɛlaa náá mąą mɛ̨nį ɓa, a gbulu kɛnɛ̨ hɔlɔɓo, ə yɛnɛ̨ɛ̨ kpɛɛ hvo mą hɔlɔɓo Yálá yəi.

Maafîu 8:29

Jesus kaai di mo, di tómą diɛ kɛ mą: «Ee ku Yálá Lon, lə ɓə yɛ ə́ gɛ a kuɔ? Akɛti, ə́ paa li kɛa, ə gɛ, ə́ ku nwun na pili nɔwai tɔwɔ?»

Markə 4:15

Nu taɠaa kɛ pələ kaa yɛ: bələ kwɛlɛ, ɓɛi nwoo tii a too laa. Ɓɛlɔwai nuą tii da Yálá laawoo mɛ̨n na, ɓilihi a pa ə nwoo tii kulɔ di lii hu.

Markə 5:7

ə tómą kpɔ a nwoo kɛnɛ̨ yɛ mą: «Lə ɓə yɛ ə́ gɛ a ɲą́ą́, Jesus, Yálá yaai gaa yələkɔlɔn ɉu non? Gáá nɛ̨ɛ̨mąą hvəə yɛ́, 'gɛ Yálá ɓa, hvó náánɔ̨nwɔ̨ ɓo.»

Ɉaan 12:31

Yiihu, ɲɛnɛ̨ɛ̨ ŋɛ̨i kiti teei lɔwai a həli, di kaa pai gití kalai ɉu tɔɔmun ma, di gbɛ.

Ɉaan 16:11

Yii hvilɛn na gití mɛ̨nį ɓa, ɲɛnɛ̨ɛ̨ ŋɛ̨i hu tɔɔmun nwɛi, gití a gbɛa tee.

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Piɛrə veelɛ 2:4

Akɛ malakaɠaa ŋɛ̨i hɔn ɲɔ̨n gɛ, Yálá hvo di ɲɛ̨i mąą wɛli kaa, ə di pili kpinį hu, lɔwa kpon gweaa hu ɉahanąmą, di ɓo laa diɛ kiti teei lɔwai mąą kpɔn.

Zûu 1:6

Ɛlɛɛ, ka kili kaa ɉu kaa, malakaɠaai Yálá ə tɔɔi kɛnɛ̨ tɛɛ di pɔ, di lənə mą; di həɠə Yálá-taa ɓɛi kɛ a di heei kpɔ-kpɔ. Yili ɓə gɛ Yálá ə di yili a yɔwɔn, ə di pili kpinį hu, di lɛɛ laa diɛ giti kpəli tee yələ mąąkpɔn.

M̀ɛni-lɛɛi 12:13

Yii kɛa mąąɲɔw-hɛn tii kili ə pu ɉu yɛ daa bili lɔi mɛ̨i, ə hvilɛn gɛa nɛ̨ɛ̨nui tii naayɛɛ a lon ɉulɔnu, bulu yɛ gbɛ.

M̀ɛni-lɛɛi 12:15

Ya ɓə, gaaləi tii ə ɓaɠi a yálee kɛnɛ̨ ta, ə vilɛn nɛ̨ɛ̨nui tii pulu, ə gɛ, ɲá hvaŋą ə ɉəɠə.

M̀ɛni-lɛɛi 12:17

Niikələn bələ gwəi nɛ̨ɛ̨nui pɔ, gaaləi ə pənə ə li ə kɔ pɛlɛ, nɛ̨ɛ̨nui lon gbəliɠaai lɛɛ laa diɛ, a diɛi tii di yee kąnąnŋąą kɛ Yálá ŋą tíɓoɠaai diɛ, ɛlɛɛ, da Jesus mąą kɛla hvaa.

M̀ɛni-lɛɛi 12:3

Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.

M̀ɛni-lɛɛi 12:4

Yələ kwəi pɛmɛ̨lɛ̨n-gɔwɠaa ɓɛlaɓoɔ ɉu haaɓa, nwon ə bələ tɔ̨nɔ̨ tuluun, ə bu nɔi ɓa. Mąąɲɔw-hɛn tii ə kɛ tɔɔni gwəinwąną kɛ nɛ̨ɛ̨nui liila, yɛ a naayɛɛ lɔ, ə nokolo mįi.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:2

Ɉuwɔi tii ŋį́ gaa, gɛ pələ ə kɛ yɛ kwɛ́li, gɔwɔɠaa diɛ ɓo yɛ yáwolo, ɛlɛɛ, naaləi ə ɓo yɛ yala. Ɛlɛɛ, mąąɲɔɔ-hɛn tii ə nwɔ yəi kɛnɛ̨laa tɛɛ bɔ, ə bɛlɛ nwɔ tɔɔkpəlin ma, ɛlɛɛ, da ɲąąwooɓolaa kɛnɛ̨ɛ̨ ta.

M̀ɛni-lɛɛi 13:4

Ɛlɛɛ, diɛ kɛa kwɛli hvilɛn mąąɲɔw-hɛn tii ɓa, gbala ə tɔɔ, aa kɛ ɲąąwooɓolaa tɛɛ ɉuwɔi tii pɔ, ɛlɛɛ, diɛ kwɛli hvilɛn ɉuwɔi tii ɓa, diɛ kɛ mą: «Gbɛɛ ɓə gaa yɛ ɉuwɔi ŋɛ̨i, ɛlɛɛ, yɛ pɛli kɔ pɛlɛi mą?»

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

M̀ɛni-lɛɛi 20:7

Gwɛlan nwaa-tɔ̨nɔ̨i tii laa a pa kulɔi, di kaa pai ɓilihi kulɔi gaho ɲą.

M̀ɛni-lɛɛi 9:11

Di nwun nąmui kɛ diɛ, ya ɓaa a nowa kpon ɉu gweaa malakai da kɛ mą Hebreu woo hu: Abadɔn, ɛlɛɛ, Grɛkə woo hu di kɛ mą: Apɔliɔn. (Naai tii mukulaa ɓaa: «Kɛɛ kalamun»).