M̀ɛni-lɛɛi 2:14 - Yálá laawoo hɛɓɛ (dc)

¹⁴ Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

Yálá laawoo hɛɓɛ

¹⁴ Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

Bible

¹⁴ Kɛ́lɛ, mɛni da-ni káa naa ńdɔɔ̂i la yâ. Maa-mɛni-ŋai ƃa núu da-ni káa naa íyeêi nyíi-ŋai da Beelaŋ ŋɔsɛŋ-lɛɛi sòŋ a gbanaŋɔɔ̂i, nyíi sɛŋ lɛ̂ Bara ma a gɛɛ é Eezuɛ ǹônii perêi kpáaŋ a gɛɛ dí mii-sɛŋ mii da gùla a sâla ŋ̀âla-pɔɔkɔ̂ŋ-ŋai diai, dí wulu-wulu-kɛ́ɛ maa kɔ̂ri.

M̀ɛni-lɛɛi 2:14 ပူးပေါင်းရင်းမြစ်များ

Azaya 57:14

Di kaa pai kɛi diɛi: 'Ka bələ pɛli, 'ka ɲąą kɛnɛ̨, 'ka hɛn gəlee həɠə nwɔ́ nuąi tɛɛ pələ hu.

Ɉeremi 6:21

Yili mąą mɛ̨nį ɓa! Yai-Laa woo ka, yɛ diɛ: Gáá hɛn da laai nu huwui ŋɛ̨i tɔwɔ, di kaa pai kalin ɉii la, lon da nąn, heeyɔwɔ da di ɓɛlaa, gəlee di haa kpɔ kpai.

Izikiɛ 3:20

Tələnmomun a bulu tinɛ̨n ŋą tələnmolaa ɓa, yɛ hvulu mɛ̨nį kɛ, gáá pai gɛi ə kalin; gaa pai haai; gili ɲą pɔ̨nɔ̨i hvó pai moi, yili ɓə pai gɛi yɛ haa la a nwɔ nɛ̨ŋɛ̨nŋąąi, dələnmo yíi ə mo, di hvo kɛa pai di kili lɛɛi ɉu; kɛlaa, yɛ́ ɓə gáá pai ɲąmą wulu lɛɛi ə́ nwuɔ̨.

Izikiɛ 44:12

Mąąhɔlɔɓo, di kɛi di mąą mɛ̨nį ɲɛ̨i kulɔ haliɠaa ɲɛ̨i ɓa; ɛlɛɛ, di Israɛlə nwɔ pɛlɛ́i yee lɔ nɛ̨ŋɛ̨n ɉu; yili mąą mɛ̨nį ɓa, gáá di hutɔɔi diɛ di wɔ nɛ̨ŋɛ̨n ɉu mɔ̨nɔ̨ mįi. Mɛ̨nį kəlee ŋą Hééɓomun Yálá woo li.

Lonon mo 24:14

Yii gaa tii, ní hiɛ ka tii nwɔ́ nuą pɔ; kɛlaa, 'pá, mɛ̨nįi nu huwui ŋɛ̨i kaa pai naai ə́ wɔ lɔi ɓa tɔwɔ pələ, ŋį́ ɉukulɔ yɛ́.»

Lonon mo 31:16

Kɛlɛi diɛ ɓə gɛ Israɛlə lonnii diɛ kulɔ Yai-Laa woo mu; Balaamə nwɔ liɛwoo pɔ, Peɔrə mɛ̨nįi hu, lɔi wolo ɲɔ̨n yɛ pɛlɛ Yai-Laa nwɔ nu kanɠaa diɛ.

Lonon mo 31:8

Hvo lɛɛ lɔ a yili, di Madian tɔɔɓɛlaa paa, diɛ ɓaa: Ewi, Rɛkɛmə, Surə, Hurə da Rɛva; Madian tɔɔɓɛlaa lɔɔli. Di Beɔrə lon Balaamə paa a ɓɔwa kwɛa.

Maafîu 18:7

Yɛnɛ̨ɛ̨ nwun na ɲɔ̨nwɔ̨ɔ̨ ɓə, yai gaa gɛi nu tamąą diɛ lán, diɛ too nɛ̨ŋɛ̨n ɉu. Mɛ̨nįɠaa tii kaa pai kɛi kɛi, nui a kɛ a nuą lán mɛ̨nį nwun, kpalo kaa mąą nui tɔwɔ.

Gɛlaɠaa 15:29

'Ká hvo túnwɔ̨n hálaa huwɔ ɓa, 'ká hvo ɲąmą mįi, huwɔi di hvo nwun dee li, ka hvo mįi, ɛlɛɛ, da wɛli mɛ̨nį. 'Ká tɔɔ a ká nwąnąi, ka mɛ̨nįɠaai ti mąą laa, akɛti, káá mɛ̨nį lɛlɛɛ kɛ. Ká yələwala.»

Gɛlaɠaa 21:25

Yii ɓaa nuąi di hvo a Ɉuifəɠaa di wɛi, diɛi daa kɛ a Kristalɛa, mɛ̨nįi ku gbən dee, ku bɛ̨ɛ̨ hɛɓɛ́ hu, ku dɛɛ diɛ kuɔ diɛ: Huwɔ yii daa gulɔ hali ɓa a haláá, mąą hvo nɛ̨ɛ̨li di hvo mįi, ə mą kɛ a ɲąmą, da huwɔi di hvo nwun dee li. Mąą hvo nɛ̨ɛ̨li di kɛ a wɛli hon nuą.»

Lomaŋ 11:9

Davidə yaa kpɛli ə mo yɛ diɛ: «Di kpɔɔ kɔ̨nɔ̨n a kɛ diɛ a hɛlɛn, a di hon dúmɔ̨, a di too hɛn, di di hutɔɔ tii tələnmolaa hu.

Lomaŋ 14:13

Ka gu kpəla gu kee ni la ɓoɔ ɓa. Kəlee yaamun, yii mąąnɛ̨ɛ̨ gu gu kiliŋąhiɛ mą ya ɓa: Mąą hvo nɛ̨ɛ̨li gu túwɔ́ pələ hvo nu ta həɠə Yálá pələ mɛ̨i.

Lomaŋ 14:21

Yii nɛlɛɛ ya ɓaa: Nu hvó huwɔ mįi, hvo lɔɔ kpɛlɛ, ɛlɛɛ, da hɛn nɔpee a nu həɠə Yálá pələ mɛ̨i.

Lomaŋ 9:32

Lə mɛ̨nį ɓa? Mąąhɔlɔɓo, di hvo dələnmolaa tii kwɛli li laa na laa hu, di kɛ bɔ di ɉɔlɔɓo di túwɔ́ pələ hu, di kalin a di kɔwɔ kwɛni

Korɛntə dɔlɔɔ 1:23

kɛlaa ku wɛi, Ɓalomun di gbanwo kolɔwa ɓa, ya ɓə ku kaa mąą mɛ̨nį laa həlii, yai a nu kɔwɔ tuwɔ kwɛnį Ɉuifəɠaa diɛ, yɛ ɓo a ɓowo mɛ̨nį huwu takpɛliɠaa ɲɛ̨i ɓa.

Korɛntə dɔlɔɔ 7:2

Kɛlaa, ə gɛ, túwɔ́ pələ ɲɔ̨n hvo kɛ, hulɔnu nɛ̨ą ə kɛ tanɔ̨n, ɛlɛɛ, nɛ̨ɛ̨nu ɉilɛ ə kɛ tanɔ̨n.

Hebreu 13:4

Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Zasua 24:9

Moabə tɔɔmun Balakə Sipɔrə lon, ə muhəɠə yɛ kɔ́ pɛlɛ Israɛlə ɓa. Ə Beɔrə lon Balaamə wɛlɛɛ tɔɔ, ka nɛ̨ŋɛ̨n naa mɛ̨nį ɓa.

Piɛrə dɔlɔɔ 2:8

gaa nwɔ̨nɔ̨ a nu kɔwɔ tuwɔ kwɛnį, a kwɛni kpuwui a nu too. Da di kɔ́wɔ tuwɔi mą, mąąhɔlɔɓo, di hvo gɛ li di hvo laa Yálá laa woo la, ɛlɛɛ, yili ɓə kɛ naa di tɔwɔ.

Piɛrə veelɛ 2:15

Daa həɠə tɛ̨ą pələ mɛ̨i, daa hvilɛn lan bələ mɛ̨i. Bosɔrə lon Balaamə nwɔ pələi ɓə daa hvilɛn mɛ̨i. Hɛn nwɛli laa mąą mɛ̨nį ɓa, Balaamə ə túwɔ́ pələ ɲɔ̨n gɛ, ə gɛ. Ə wali hɔlɔɓo.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.

M̀ɛni-lɛɛi 2:4

Kɛlaa, gwə́i hvo nɛ̨ɛ̨ li ə́ pɔ, nwɛlikɛmąą laa tɔlɔɔ kɛ ə́ yəi, yáá nɛɛ laa.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!