M̀ɛni-lɛɛi 19:6 - Yálá laawoo hɛɓɛ (dc)

⁶ Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

Yálá laawoo hɛɓɛ

⁶ Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

Bible

⁶ È kɛ̀ tí, ŋá wóo mɛ̀ni gɛɛ yɛ̂ɛ kpɔŋ kɛ́tɛ wóo, gɛɛ yɛ̂ɛ yá támaa súluŋ-tiŋ, gɛ̀ ƃò yɛ̂ɛ ŋele-gbana-tiŋ kɛ́tɛ gɛ̀ lâɣi, nyɛɛi, “Aleeluya! Kpɛ́ni fêi, Kúnuu-namui Ŋ̀wála-wâla kelee-Ɣalai káa sɛŋ kélee mɛi.

M̀ɛni-lɛɛi 19:6 ပူးပေါင်းရင်းမြစ်များ

Zôo 40:9

Huwalawala kaa ə́ yəi yɛ Yálá? Ə́ woo kaa yɛ yələ gbąląąn yɛ nwɛ́i.

Mąątɛ̨nɛ̨ 47:2

Nu kanŋaa, 'ka ka yee lɔwa, 'ka tómą Yálá pɔ pələ a kwəinɛ̨ɛ̨.

Mąątɛ̨nɛ̨ 47:7

'Ka wələ too Yálá ɓa, 'ka doo! 'Ka hvɛli kɛ gu wɔ tɔɔmun ɓa, 'ka gɛ kpɔ!

Mąątɛ̨nɛ̨ 77:18

Tulɔ kpinįnŋaa di tulɔ pu, tulɔ yɛ duwɔ, ə́ wɔ mɛ̨ɛ̨kɔwɠaai diɛ kulɔ pələ kəlee.

Mąątɛ̨nɛ̨ 93:1

Yai-Laa ɓə a Heeɓomun, mąąɲįnɛ̨n mə a mąąhəɠə! Yai-Laa aa mąąyili, aa ɉuyili a huwalawalalaa. A tɛ̨ą lɔi tɔɔi kpɔ tin tumun və mą.

Mąątɛ̨nɛ̨ 97:1

Yai-Laa kaa a tɔɔmun. Lɔi, 'pili yələi a kwəinɛ̨ɛ̨, Gboloyá hɛ̨ąi kahinŋaa kəlee, 'di kwəinɛ̨ɛ̨ kulɔ!

Mąątɛ̨nɛ̨ 97:12

Tələnmo nuą, 'ka kwəinɛ̨ɛ̨ kulɔ, Yai-Laa mąą mɛ̨nį ɓa, 'ka Naa tɛ, 'kaa nwɔ mąąhəɠəlaa kili too ka ŋą.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Azaya 52:7

Nuąi wɛlɛɛ woo lɛlɛɛ laa həli, di kɔ́wɔ lɛlɛɛi di mu, ɲeeɠaa ton na, diɛi di kaa liilaa woo laahəlii, diɛi da kɛ mɛ̨nį lɛlɛɛ woo laa həlii, diɛi da kɛ nwun mąąɓo loloɓoi; diɛi da kɛ kɛi Siɔn ɓa: Ə́ wɔ Yálái kaa tɔɔlaa kɛi.

Ɉeremi 51:48

Mąą yələ, yələkɔlɔn da lɔi, da di hu hɛnŋaa, di kaa pai kɛi wələ tooi Babilonə mɛ̨i, a kɔ́ nɛ̨ɛ̨ mąą wələ. Mąąhɔlɔɓo, ɉu wolo nuą kaa həɠəi ɲələi pələ. Ɲą́ą́ Yai-Laa nwóó li!

Izikiɛ 1:24

Ɛlɛɛ, da kɛi hiɛ, di koonŋaa tin ə kɛi kulɔ, gɛ́ mɛ̨n; gulaa kɛ ya hvɛɛ tin ma. Ə ɓo yɛ Yai ɲee a pɛli mɛ̨nį kəlee ɓa nwoo, yɛ nu kpulu tin; ə ɓo yɛ kɔlaɠa kɔ́wɔ mu tin. Da tɔɔ kɛ, di kɛi di koonŋaa pɛlɛ ma.

Izikiɛ 43:2

Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

M̀ɛni-lɛɛi 1:15

gɔwɔɠaa diɛ ɓo yɛ da ɓala-kwɛli hu waa a huluun nwɔ̨n, ɛlɛɛ, nwoo ə ɓo yɛ gboloyá huluun dín.

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

M̀ɛni-lɛɛi 12:10

Yili pulu, ŋį́ woo kɛnɛ̨ ta mɛ̨n yələ kwəi, yɛ kɛ mą: «Nu ɓalo yələ ka, gu wɔɔ Yálái ŋą tɔɔlaa yələ ka, da ŋą yəi kɛnɛ̨laa, ɛlɛɛ, Kristə ŋą Hééɓolaa yələ ka; mąąhɔlɔɓo, nui kɛ a gu nąn nonnii kálámąɓomun, daa bili, a yai kɛli di kálámąɓo Yálá ɓa a kpinį da hvóló.

M̀ɛni-lɛɛi 14:2

Ɛlɛɛ, ŋą́ woo ta mɛ̨n yɛ həɠə yələ kwəi, yɛ yálee kɛnɛ̨ huluun din, yɛ tulɔ tuwɔ tin gɛnɛ̨, ɛlɛɛ, nwooi tii ŋą́ mɛ̨n, ə kɛ yɛ hvɛ́li kɛ nuą da di yee pu di wɔɔ gwɛnįnŋaai ɲą, diɛ ɲɔw.

M̀ɛni-lɛɛi 19:1

Yili pulu, ŋį́ tín da mɛ̨n yɛ nu kpulu kɛnɛ̨ɛ̨ huluun nwoo yələkɔlɔn ɉu, diɛ kɛ mą: «Kánįkookwəi! Ɓalo mɛ̨nį, mąąwiɛlaa, ɛlɛɛ, da huwalawalalaa kaa a ku wɔɔ Yálái nwɔɔ.

M̀ɛni-lɛɛi 19:4

Galanɉon pow-hveelɛ-kɔw-nąąn tii, ɛlɛɛ, da ɉuwɔ nąąn tii, di pu di kpəlin na, di gwɛli hvilɛn Yálá ɓa, yai heeni dɔɔkpəlin ɉu, ɛlɛɛ, diɛ kɛ mą: «Kánįkookwəi! Amįįną!»

M̀ɛni-lɛɛi 21:22

Kɛlaa, və́ Yálá hee pɛlɛ́ kaa daai tii hu, mąąhɔlɔɓo, Hééɓolaa Kəlee Nąmu Yálá, ɛlɛɛ, da Mɛlaa Lon, diɛ ɓə kɛ a bɛlɛ́.

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

M̀ɛni-lɛɛi 6:1

Yá ɓə ŋį́ ɲɛ̨́i hee, ɓɛlɔwai Mɛlaa Lon ə kɛli pai gɔ́lɔn ɉɛn mɛ̨ihveelɛi tii dɔlɔɔ holoon ɉii lai, ŋą́ ɉuwɔ nąąn tii dɔlɔɔ tomą woo mɛ̨n kpɔ kɛnɛ̨, yɛ kɛ mą: «'Pá!»

M̀ɛni-lɛɛi 8:5

Malaka ə lansan kələn ɉɛn tii həɠə, ə nwɔ̨n ɉəɠə ɉaláá kulɔi ə naahvɛɛ la, ɛlɛɛ, ə bili lɔi mɛ̨i, ə kɛ a yələgbąnąą, a wooɠaa, a mąnąmąnąɠaa, da lɔi kpɛlinŋąą.