M̀ɛni-lɛɛi 19:18 - Yálá laawoo hɛɓɛ (dc)

¹⁸ əgɛ, ká tɔɔɓɛlaa huwɔ, kɔlaɠa nwun nąmįną huwɔ, ɲąąwooɓo kɛ nuą huwɔ, hooɠaa huwɔ, ɉoo mɛ̨i nuą huwɔ, nu kanŋaa huwɔ, nuąi di kpɔwɔ yee kɔnma da luwɔɠaa, lɛapɛlɛɛ, ɛlɛɛ, da nu kpɛa-kpɛa, di huwɔ mįi.»

Yálá laawoo hɛɓɛ

¹⁸ əgɛ, ká tɔɔɓɛlaa huwɔ, kɔlaɠa nwun nąmįną huwɔ, ɲąąwooɓo kɛ nuą huwɔ, hooɠaa huwɔ, ɉoo mɛ̨i nuą huwɔ, nu kanŋaa huwɔ, nuąi di kpɔwɔ yee kɔnma da luwɔɠaa, lɛapɛlɛɛ, ɛlɛɛ, da nu kpɛa-kpɛa, di huwɔ mįi.»

Bible

¹⁸ a gɛɛ ká kâloŋ-ŋai-luu mii, ká gɔkuluƃa mɛi-ƃelai-luu mii, ká wala-wala ƃelai-luu mii, ká soo-ŋai-luu mii da zoo-sia-ƃelai. Ka núu kelee-luu mii, ŋuŋ-ma-ƃo-ƃela da luɛ-ŋa, nîa-pɛlɛɛ da núu kpaya-kpaya.”

M̀ɛni-lɛɛi 19:18 ပူးပေါင်းရင်းမြစ်များ

Ɉeremi 16:4

Pulu kaa pai di mɔ̨nɔ̨ ɓoi, diɛ haa ɉu, di hvo pai wɔlɔi di powa mɛ̨i, di hvo pai kámą hɔlɔɓoi, di kaa pai lɛɛi nɔi mɛ̨i, di kɛ a tulun bɔlɔ. Kɔ kaa pai di paai, pulu ə di paa, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 19:7

Gáá pai Ɉuda da Ɉerusalɛmə taa di wɔɔ nwun dɔɔ hu woo kɛi a kpɛli kpɛli gɛɛnąą ŋɛ̨i ɓa. Ŋą́ hvaa mą, di yowoɠaa diɛ kɔ́ pɛlɛ diɛ, diɛ di paa, nuąi diɛ di di wɔ yɛnɛ̨ɛ̨ kulɔ di yəi, ŋį́ di tɛɛ yiliɠaa pɔ. Ɛlɛɛ, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 34:20

gáá di tooi di yowoɠaa yee kɔ́nma, nuąi di kaa bɔ di di paa, di yee kɔ́nma; di powa a lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 7:33

Di kaa pai nu kpulu kɛnɛ̨ paai nuą ŋɛ̨i lɔwai, di lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n, ə lɛɛ nu hvo pai hɔlɔɓoi, yɛ di kpɛ.

Izikiɛ 29:5

Gɛ́ ə́ pili nɔi pun ɉu, ka ə́ wɔ Nilə hu hɔ̨ŋɔ̨leeɠaa kəlee. Ə́ kaa pai tooi nɔi ɓa, tiiɠaa hu; yɛ́ taɠa-taɠa; ɛlɛɛ di ə́ yɛɠɛ, di hvá ə́ kpɔn ə́ gee ɓa; ŋį́ ə́ tɛɛ lɔwɔ huwɔɠaa da yələi nwɛ́niɠaa pɔ, a di kɔ̨nɔ̨n.

Izikiɛ 39:17

Ə́ wəli tɔɔ, hulɔnu lon, Mɛ̨nį kəlee ŋą Hééɓomun Yálá woo ka: 'Mo nwɛ̨niɠaa diɛ, huwɔi lɔpee a koon, lɔwɔ huwɔɠaa kəlee, yɛ́ diɛi: 'Ka ka ɲąą kpɔn, 'ka pa, 'ka həɠə pələ kəlee, 'ka pɛlɛ kee ɓa, ɉaláái gáá pai gulɔi ka mąą mɛ̨nį ɓa, a halaa ɲɛ̨́i kɛnɛ̨, Israɛlə yeeɠaa hu. Ka káá pai huwɔ mį́į́, kaa ɲąmą kpələ.

Maafîu 24:28

Ka kili kaa ɉu, ka diɛ ɓɛi huwɔ powa kaa laa, nąą ɓə gwąą-gwąąɠąą da di ɲąąkpɔn naa.»

Lukə 17:37

Galan nɛa di Jesus mąąni kɛ, diɛ mą: «Mįnɛ̨ ɓə yili kaa pai kɛi laa?» Ə di woo pulu pənə yɛ diɛ: «Ɓɛi lɔ hɛn da powa kaa laa, nąą ɓə gwąą-gwąąɠaa da di ŋąąkpɔn naa.»

Dutɛrɔnome 28:26

Ka powa a lɛɛ a yələi nwɛ̨niɠaa da ka pɔ yɛa huwɔɠaa kɔ̨nɔ̨n; nu hvo pai hɔlɔɓoi yɛ di kpɛ.

M̀ɛni-lɛɛi 11:18

Hįi lɔiɠaa daa di kpɔwɔ liikələn di kwəi, kɛlaa, ə́ wɔ liiɲąnwąną aa too pono ɲą. Haa nuą kiti tee yələ ka, yɛ́ tínuąi a ə́ kwəi mɛ̨nį hukulɔ nuą, di hvɛla kulɔ yələ ka, ə pɛlɛ la nu mąąhəɠɛɛɠaa diɛ da nuąi da ɲɔw ə́ laa ɓa, bɛlɛɛɠaa da mąn gbɛa-kpɛaa mąn, a nuąi daa yɛnɛ̨ɛ̨ kala, di kala yələ.»

M̀ɛni-lɛɛi 13:16

Nu kəlee kpɔ, lɛapɛlɛɛ mąn, nu kpɛa-kpɛaa mąn, hɛn gɔw nąmu, yeehvowolomun, nui gbɔwɔ yee kɔnma, ɛlɛɛ, luwɔ, ə hɔlɔhima laa di mɛ̨i, ə gɛ, ə gɔlɔn ɉii kɛ di ɓa-mįi-yee ɓa, awala kɛ tii, di tɔwɔla.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.

M̀ɛni-lɛɛi 19:5

Ya ɓə, woo ta ə tɔɔ, yɛ həɠə dɔɔkpəlin ɉu, yɛ kɛ mą: «'Ká gu wɔɔ Yálái mąątɛ̨nɛ̨, káái a ŋą tínuą, káá ka ɲɔw mą, lɛapɛlɛɛ da nu kpɛa-kpɛaa!»

M̀ɛni-lɛɛi 6:15

hééɓolaaɠaai lɔi mɛ̨i, nu kpɛa-kpɛaa, kɔlaɠa nwun nąmįną, hɛn gɔw nąmįną, ɛlɛɛ, da hvaŋą nąmįną, luwɔɠaa, ɛlɛɛ, nuąi di kpɔwɔ yee kɔnmą, di kɛli di loo kwɛni woloɠaa hu, ɛlɛɛ, kwɛniɠaa lɔwai ɲeeɠaa ɓa.

Samuɛlə dɔlɔɔ 17:44

Yɛ Davidə ɓa: «'Pa ɓɛ! Ŋą́ ə́ huwɔ tɛɛ yələi nwɛ̨niɠaa da lɔwɔ huwɔɠaa di pɔ.»

Samuɛlə dɔlɔɔ 17:46

Háákələi kpɔ-kpɔɔ, Yai-Laa kaa ə́ lɔi ɲə́ə́ ŋą. Gáá ə́ paai, ŋą́ ə́ nwun dee ə́ ŋą. Háákələi kpɔ-kpɔɔ, Filisti nuą di wɔ kɔlaɠai powa kaa lɛɛ a yələi nwɛ̨niɠaa da lɔwɔ huwɔɠaa kɔ̨nɔ̨n. Hį́i kəlee kili kaa pui ɉu diɛ kɛ Yálá kaa Israɛlə yəi.