M̀ɛni-lɛɛi 19:1 - Yálá laawoo hɛɓɛ (dc)

¹ Yili pulu, ŋį́ tín da mɛ̨n yɛ nu kpulu kɛnɛ̨ɛ̨ huluun nwoo yələkɔlɔn ɉu, diɛ kɛ mą: «Kánįkookwəi! Ɓalo mɛ̨nį, mąąwiɛlaa, ɛlɛɛ, da huwalawalalaa kaa a ku wɔɔ Yálái nwɔɔ.

Yálá laawoo hɛɓɛ

¹ Yili pulu, ŋį́ tín da mɛ̨n yɛ nu kpulu kɛnɛ̨ɛ̨ huluun nwoo yələkɔlɔn ɉu, diɛ kɛ mą: «Kánįkookwəi! Ɓalo mɛ̨nį, mąąwiɛlaa, ɛlɛɛ, da huwalawalalaa kaa a ku wɔɔ Yálái nwɔɔ.

Bible

¹ Nyíŋi pôlu ma, ŋá wóo su kpanaŋɔɔ mɛ̀ni é kúla Ɣâla-taa, gɛ́ɛ yɛ̂ɛ kpɔŋ kɛ́tɛ, díkɛ lâɣi, díyɛɛi, “Aleeluya! Ƃálo-laa, fólo-laa, da wála-wala-laa díkaa a Kúɣâlai pɔ́ɔ.

M̀ɛni-lɛɛi 19:1 ပူးပေါင်းရင်းမြစ်များ

Kɔlɔnikɔ Maa-ŋuŋ 29:11

Heeɓolaa, huwalawalalaa, lɛlɛ, mąąɲįnɛ̨n, mąąwiɛ, di kaa Ə́ yəi, gbala ə tɔɔ, hɛn lɔpee yələ kɔ́lɔn ɉu, da lɔi ɓa, Ə́ wɔɔ ɓaa a gəlee. Ə́ wɔ tɔɔlaa da ɲąąwooɓolaa pɛlɛɛi hɛn gəlee mɛ̨i.

Mąątɛ̨nɛ̨ 104:35

Nɛ̨ŋɛ̨n ɉəɠə nuą 'di kpɛɛ lɔi mɛ̨i, nuąi di hva kulɔ di woo ɓa, 'di hvo lɛɛ yɛnɛ̨ɛ̨! 'Lúwɔ́ kɛ Yai-Laa ɓa, nį́į́ wolo! 'Kánikookwəi!

Mąątɛ̨nɛ̨ 106:1

'Kánikookwəi! 'Ka Yai-Laa laa tɛ, mąąhɔlɔɓo nwɔ mɛ̨nį lɛlɛɛi nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 111:1

'Kánikookwəi! Gáá Yai-Laa laa tɛi a níi kəlee, Tələnmolonnii lɔwai, ɲąąkpɔn gɛnɛ̨ɛ̨ hu.

Mąątɛ̨nɛ̨ 115:18

Kɛlaa ku wɛi, kuɔ ɓə kwa Yai-Laa mąąwiɛ, yiihu da yələ kəlee. Mąąwiɛ ə kɛ Yai-Laa ɓa! 'Kánikookwəi!

Mąątɛ̨nɛ̨ 146:1

'Kánikookwəi! Nį́į́ wolo, Yai-Laa mąątɛ̨nɛ̨.

Mąątɛ̨nɛ̨ 148:1

'Kánikookwəi! Yələ kɔ́lɔn! 'Ka Yai-Laa mąątɛ̨nɛ̨! 'Ka mąątɛ̨nɛ̨ yələi pələ kpɔ ləɠə ləɠə!

Mąątɛ̨nɛ̨ 149:1

'Kánikookwəi! 'Ka wələ nįnɛ̨ too Yai-Laa ɓa! 'Ka mąątɛ̨nɛ̨ nwɔ nuąi di wɔ ɲąąkpɔn ɉu!

Mąątɛ̨nɛ̨ 150:1

'Kánikookwəi! 'Ka Yálá mąątɛ̨nɛ̨ nwɔ pɛlɛ́ mąąhəɠɛɛi mu, 'ka mąątɛ̨nɛ̨ yələ kɔ́lɔn ɉu, ɓɛi a vaŋą hee pɛlɛ́.

Mąątɛ̨nɛ̨ 3:8

'Ə́ muhəɠə, Yai-Laa! 'Málo, yɛ́i a nwɔ́ Yálá! Yɛ́i yá ɲówóɠaa kəlee laa lɔwa, ɛlɛɛ, yɛ́ nwąnąlɔ nuą ɲįn ɲali.

Mąątɛ̨nɛ̨ 62:11

'Ka hvo ka kili lɛɛ nwąnąlɔ ɓa, 'ka hvo kɛ lɔ gilɛ ŋą, toomɛ̨i kɛ mɛ̨nį ɓa. Hɛn ə mą kɛ̨nɛ̨ ka yəi, 'ka hvo ka kili lɛɛ mą.

Ɉeremi 51:48

Mąą yələ, yələkɔlɔn da lɔi, da di hu hɛnŋaa, di kaa pai kɛi wələ tooi Babilonə mɛ̨i, a kɔ́ nɛ̨ɛ̨ mąą wələ. Mąąhɔlɔɓo, ɉu wolo nuą kaa həɠəi ɲələi pələ. Ɲą́ą́ Yai-Laa nwóó li!

Zôna 2:9

Nuąi di hvilɛn ŋąąi hali kpɛli-kpɛliɠaa pulu, daa di kpɔwɔ mąą kwɛa ə́ wɔ mɛ̨inɛ̨ɛ̨ ɓa.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 12:10

Yili pulu, ŋį́ woo kɛnɛ̨ ta mɛ̨n yələ kwəi, yɛ kɛ mą: «Nu ɓalo yələ ka, gu wɔɔ Yálái ŋą tɔɔlaa yələ ka, da ŋą yəi kɛnɛ̨laa, ɛlɛɛ, Kristə ŋą Hééɓolaa yələ ka; mąąhɔlɔɓo, nui kɛ a gu nąn nonnii kálámąɓomun, daa bili, a yai kɛli di kálámąɓo Yálá ɓa a kpinį da hvóló.

M̀ɛni-lɛɛi 19:6

Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.