M̀ɛni-lɛɛi 18:6 - Yálá laawoo hɛɓɛ (dc)

⁶ 'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

Yálá laawoo hɛɓɛ

⁶ 'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

Bible

⁶ Ka dɛɛ bɔ yɛ̂ɛ berei ǹyaa kpîŋ è dɛ̀ɛ lai, ka véla fé ŋɔtûa-perei mɛni ma gîei feerɛ. Kɔ̂pui è zálei sûmo zui, ka zálei sûmo zu gîei feerɛ m̀ɛni ma.

M̀ɛni-lɛɛi 18:6 ပူးပေါင်းရင်းမြစ်များ

Mąątɛ̨nɛ̨ 137:8

Babilonə nɛ̨ɛ̨gbɛla, ə́ hu kala mɛ̨nį hɛlɛnŋąąi ə́ mɛ̨i, nui pai ə́ hon ɉii, yɛ bələi ə́ ku hon na, nwun na nɛ̨ɛ̨i.

Mąątɛ̨nɛ̨ 28:4

'Di hon yɛ bələi di túwɔ́ pələ kaa lai, da di wɔ kɛɛ kala pələ; 'di hon yɛ bələi da mɛ̨nįɠaa kɛ lai, di kwəi kili gulɔmąą kɛ diɛ.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Azaya 61:7

Gɛɛ ka ɲɛ̨i paa mɛ̨nį ta ə pɛlɛi mą, ka lalan nwoo yɛ too nu kəlee la kɛɛnąą kəlee ɓa, yaamun, ka káá pai hɔlɔɓoi di wɔ lɔi hu geemɛ̨i hveelɛ, ɛlɛɛ gwəinɛ̨ɛ̨ tii wɔlɔ ka kɛi gulɔ, kaa pənə kaa gulɔ.

Ɉeremi 16:18

Daa nwɔ́ lɔi laa pu, a di wɔ túwɔ́ pələ ɲɔ̨n, da di kɛ nɛ̨ŋɛ̨nŋaa di gɛ, ə mą kɛ, a di wɔ hɛn mąąliɓiɛ powaɠaa, a gwɛ́lin nɔi laahvɛɛi di mo a di wɔɔ hɛn ɲɔ̨nwɔ̨ɔ̨ɠaa. Gáá nɛ̨ŋɛ̨n veelɛi tii mąą kwələ kulɔi diɛ.

Ɉeremi 17:18

Nuąi di hvilɛn ŋąą bulú, di ɲɛ̨i ə paa a nwumɛ̨, hvo kɛ tii a ɲą́ą́, hee di hu, kɛlaa hvo kɛ tii a ɲą́ą́, kpalo ɓɛla diɛ, di hu yali gee hu pow lee pow.

Ɉeremi 50:15

'Ka tomą mɛ̨i gwɛlɛ kəlee, aa pɛlɛ, 'Ka ɉon. Mąąkɔ̨nwɔ̨ pɛlɛ́ɠaa daa wolo, mąąkpɛɛ hįiɠaa daa pu, Yai-Laa ka tii nwąną kulɔi. 'Ka ka nwąną kulɔ mą, 'Ka naa mą, yɛ bələi ə naa la kaa.

Ɉeremi 50:29

'Ka kilɛn bili nuą kəlee ɲąątɔɔ Babilonə ɓa, 'Ka mąą tinɛ̨n a kɔlaɠaɠaa ka doo gee hu, nui lɔpee ta hvo kulɔ a ka yee wolo. Bələi ə túwɔ́ la, ka gwələ kulɔ mą. 'Ka naa mą, yɛ bələi ə gɛ la. Ə tɛɠɛɓoɉu laa kulɔ a Yai-Laa, a Israɛlə nwɔ Yálá mąąhəɠɛɛ.

Ɉeremi 51:24

Mɔ̨nɔ̨ɠaa kpɔ Babilonə da Kalde nuą di naa Siɔn ɓa, gáá gəlee kwələ kulɔi diɛ ka ɲɛ̨i ɓa. Ɲą́ą́ Yai-Laa nwóó li!

Ɉeremi 51:49

Babilonə aa yɛnɛ̨ɛ̨ nuą tamąą nwun napili, Babilonə yɛ́ kpɛli ə́ nwun napili hiɛ li, Israɛlə nuą tamąąi di nwun na aa pili, di mąą mɛ̨nį ɓa.

Woolaa 3:64

Yai-Laa! Di túwɔ́ pələi tii kwələ kulɔ diɛ.

Zakari 9:12

'Ka pənə ka lɔ daa kɛnɛ̨ɛ̨ hu, kaai a gɔluwɔɠaa, ka ɲɛ̨i ə ɓo bələi. Háákələi kpɔɔ kpɔɔ, gáá moi yɛ́: Gáá pai ə́ wɔ mɔ̨nɔ̨ɠaai mąą hvɛla tɛɛi ə́ pɔ, gee mɛ̨i hveelɛ.

Timote veelɛ 4:14

Alɛsandrə, gwɛli-yɔwmun, aa túwɔ́ kpɔ a ɲą́ą́ a ɲɔ̨nwɔ̨ɔ̨, gu Ną́mu Jesus kpinįi kaa pai vɛla kulɔi yɛ pələi dúwɔ́ pələ kaa la.

M̀ɛni-lɛɛi 13:10

Nui mąąnɛ̨ɛ̨ ə li luwɔlaa hu, gaa pai lii luwɔlaa hu. Nui mąąnɛ̨ɛ̨ di pa baa a ɓɔwa kwɛaa, ɓɔwa kwɛa lɔ ɓə pai baai. Nu mąąhəɠɛɛɠaa kąnąn mɛ̨nį laa na laa ɓa, ɲələ ka.

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.

M̀ɛni-lɛɛi 17:2

Yaa tii ɓə lɔi mɛ̨i tɔɔɓɛlaa daa di kpɔwɔ too bɔ nwɛlikɛɛ tii hu, ɛlɛɛ, nwɔ wɛlikɛ lɔɔ tii aa lɔi mɛ̨i nuą, hon.»

M̀ɛni-lɛɛi 17:4

Nɛ̨ɛ̨nui tii mąą yiliɛ a nįnį-kɔlɔ həɠə kpɔluɔ gbələtətə, mąą puɔ, a hɛni, a kúwɔ-kwɛnį lɛlɛɛɠaa. Hɛni kpələkɔwɔ ə kɛ yee ɲą, naahvɛɛ a mɛ̨nį kɔhɔɓoɔɠaa: a ŋą wɛlikɛ mąąliɓi túwɔ́ɠaa.

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.