M̀ɛni-lɛɛi 18:23 - Yálá laawoo hɛɓɛ (dc)

²³ Labon hva kɛa lən ə́ pɔɔli, hilɛtai nɛ̨ą da mɛlaa; di hva kɛa kwəinɛ̨ɛ̨ kulɔ ə́ pɔɔli, gbala ə tɔɔ, ə́ wɔɔ yɔw-kɛ nuą ɓə kɛ di kpulu hu kɛnɛ̨ɛ̨ yɛnɛ̨ɛ̨ nąą kəlee, gbala ə tɔɔ, ə́ wɔɔ pənən gɛ nuąi di hįi tamąą ɲąąhɛn.»

Yálá laawoo hɛɓɛ

²³ Labon hva kɛa lən ə́ pɔɔli, hilɛtai nɛ̨ą da mɛlaa; di hva kɛa kwəinɛ̨ɛ̨ kulɔ ə́ pɔɔli, gbala ə tɔɔ, ə́ wɔɔ yɔw-kɛ nuą ɓə kɛ di kpulu hu kɛnɛ̨ɛ̨ yɛnɛ̨ɛ̨ nąą kəlee, gbala ə tɔɔ, ə́ wɔɔ pənən gɛ nuąi di hįi tamąą ɲąąhɛn.»

Bible

²³ Laŋpo fé ŋɔ́nɔ pâi sonîi ísu. Nɛnî-kula-surɔ̂ŋ da ǹɛnîi díwoo fé ŋɔ́nɔ pâi tɛ̂i ísu. Kpɛ́ni fêi, ípɔni-tɔɔ-ƃelai ƃe kɛ̀ a ǹɔii su-nuu kpaya-kpayai. Í lɔii-ŋuŋ kélee pɛ́lɛ a íwulu-tuai.

M̀ɛni-lɛɛi 18:23 ပူးပေါင်းရင်းမြစ်များ

Tɔɔɓɛlaa veelɛ 9:22

Yii lɔ Yoramə ə Ɉehu kaa, yɛ mą: «Ɉehu! Liilaa mɛ̨nį ɓəi?» Ɉehu yɛ mą: «Akɛ pələ kɛ ləi a liilaa mɛ̨nį? Ya pa, ə́ lee Ɉezabɛlə nwɔ túwɔ́ pələ ɲɔ̨nŋaa, da nwɔ tɔlikpɛ mɛ̨nį daną-danąi di kaa lɔ ni ɉu.»

Zôo 21:17

A kɛ ti, yələ kəlee ɓə mɛ̨nį ɲɔ̨n gɛ nuą di wɔ kpalan a luwun na? Di wɔ mɛ̨nį ɲɔ̨n gɛɛ a too di mɛ̨i? Yálá nwɔ liiholii a di yəi hɛn gəlee hukala?

Hanwon 24:20

Mąąhɔlɔɓo, mɛ̨nį ɲɔ̨n gɛ nuą di tinąą hvo diɛ; ɛlɛɛ, mɛ̨nį ɲɔ̨n gɛ nuą di wɔ nwɔ̨n a luwun.

Azaya 23:8

Gbɛɛ ɓə mɛ̨nįi tii mąą nwun dɔɔ kɛ a Tirə laa? A Tirə ŋɛ̨i kɛi tɔɔɓɔ́lɔ́ɠaa ɲąąkwɛlɛ? Tirə nwɔ yɔwɓɛlaa di kɛ a lɔi ɲąąwooɓo nuą, nwɔ lɔwɔtɔɔ nuą di ɓo a lɔi mɛ̨i nu kpɛa kpɛaɠaa

Azaya 47:9

Mɛ̨nį ɲąąnwąnąą hveelɛi tii kaa laai yɛ́, a yələ tɔ̨nɔ̨, hvóló tanɔ̨n yee mu, yá hvɛɠɛ a ə́ lonnii, kalaninnaa ə laa ə́ mɛ̨i, gəlee kaa pai həlii yɛ́, bələi mąn tɔlukpɛ pələ tamąą la ə́ yəi, ɲɛ̨ąkpɛ nuą kpulu kɛnɛ̨ la ə́ yəi, dɛɛ gɛi ɓa.

Ɉeremi 16:9

Mąąhɔlɔɓo, mɛ̨nįi Yai-Laa Mɛ̨nį Kəlee ŋą Hééɓomun, Israɛlə nwɔ Yálá ə mo, ya ka, yɛ diɛ: Kwɛinɛ̨ɛ̨ kulɔ woo, yola kulɔ woo, da hvúlúlɔ wələɠaa, gáá pai gəlee kpɛɛi nɔi ŋɛ̨i hu, ka hvulú kɔ́wɔ ŋą, kaa kpinįi ka ɲɛ̨i kwələən ma.

Ɉeremi 25:10

Gáá kwəinɛ̨ɛ̨ da lono nɛ̨ɛ̨ kpɛɛi di pɔ lɔi, gáá hilɛtaa wələ, da dooɲəi wələ kpɛɛi, ə mą kɛ, kwənąi hiɲɛ tin, ŋį́ nwulɔ nwɔ̨n nuwun.

Ɉeremi 7:34

Gáá kwəinɛ̨ɛ̨ woo da yɛlɛ́ wooɠaa kpɛɛi Ɉuda taaɠaa hu, da Ɉerusalɛmə gwəliɠaa pɔ. Hilɛtaa wələ hva too, hilɛtaa kɛ Nɛ̨ɛ̨nu hva wələ hvaa. Mąąhɔlɔɓo, nɔi kaa pai lɛɛi a lɔi pun.

Nahumə 3:4

Dúwɔ pələ ɲɔ̨n gulɔ nɛ̨ɛ̨nui nwɔ nɛ̨ŋɛ̨nŋaai laa pɔɔ li, nwəlɛɛ kɛ nuą ɲɛ̨i kwɛlii, nɛlɛɛi kɛ kɛnɛ̨, ə kɛi hee lɔiɠaa mɛ̨i a nwɔ túwɔ́ pələ ɲɔ̨n, yɛ hee nuą mɛ̨i a nwɔ tɔlukpɛ mɛ̨nį.

Gɛlaɠaa 8:11

Di kanąnŋąąi ti kɛ mą, mąąhɔlɔɓo, aa kɛ lamun di kwəi pilii diɛ a nwɔ pənən gɛɛ.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 17:2

Yaa tii ɓə lɔi mɛ̨i tɔɔɓɛlaa daa di kpɔwɔ too bɔ nwɛlikɛɛ tii hu, ɛlɛɛ, nwɔ wɛlikɛ lɔɔ tii aa lɔi mɛ̨i nuą, hon.»

M̀ɛni-lɛɛi 17:5

Laa ta pɛ̨ɛ̨ dɔwɔla, a mɛ̨nį hu kpinįɛ, diɛ kɛ mą: «Babilonə daa-lee kɛnɛ̨i, yai a nwɛlikɛ nɛ̨ąą, ɛlɛɛ, da mąąliɓi túwɔ́ɠaai kpɔ lɔi mɛ̨i, di lee.»

M̀ɛni-lɛɛi 18:22

Ɛlɛɛ, gwɛnįn ɲɔw nuą di wɔɔ wələ woo, da vɛ́likɛ nuą, mɔ́ɔ́-tulu hvɛɛ nuą, dulu hvɛɛ nuą, di hva kɛa da woo mɛ̨n ə́ pɔɔli. Yɛlɛkɛmun da lɔpee, yɛlɛ kóló ta lɔpee, di hva kɛa gaa ə́ pɔɔli. Ɛlɛɛ, kwənąi hiɠɛ tín, hva tɔɔ ə́ pɔɔli.

M̀ɛni-lɛɛi 18:3

Mąąhɔlɔɓo, ə ŋą wɛlikɛ lɔɔ kpəɠiɛi tɔɔ hįi lɔi kəlee la; lɔi mɛ̨i tɔɔɓɛlaa di too bɔ ŋą wɛlikɛɛ tii hu, ɛlɛɛ, yɔw kɛ nuąi lɔi mɛ̨i, di hɛn ɉɔlɔɓo nwɔ ŋąąnɛ̨ɛ̨ háálai.»

M̀ɛni-lɛɛi 18:9

Nąąlɔwai, lɔi mɛ̨i tɔɔɓɛlaai kpɔ di kpɔwɔ tɛɛ bɔ, da diɛni diɛ wɛlikɛ, ɛlɛɛ, diɛ ɲąąnɛ̨ɛ̨ kulɔ, da pa gələn nwɔ̨n nului tii kaai, da wɔlɔ diɛ di woolaa a mąą mɛ̨nį.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.

M̀ɛni-lɛɛi 6:15

hééɓolaaɠaai lɔi mɛ̨i, nu kpɛa-kpɛaa, kɔlaɠa nwun nąmįną, hɛn gɔw nąmįną, ɛlɛɛ, da hvaŋą nąmįną, luwɔɠaa, ɛlɛɛ, nuąi di kpɔwɔ yee kɔnmą, di kɛli di loo kwɛni woloɠaa hu, ɛlɛɛ, kwɛniɠaa lɔwai ɲeeɠaa ɓa.

M̀ɛni-lɛɛi 9:21

Nuą tii di hvo gɛ, di hvo kpɛla, nu paa ɓa, di wɔɔ wulu mɛ̨nįɠaa, di wɔɔ wɛlikɛɛ, ə mą kɛ, di wɔɔ nwuɔ̨ kɛ mɛ̨nįɠaa.