M̀ɛni-lɛɛi 18:20 - Yálá laawoo hɛɓɛ (dc)

²⁰ Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

Yálá laawoo hɛɓɛ

²⁰ Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

Bible

²⁰ Óo Ɣâla-taa, ka m̀aa-lii-nɛ̃ɛ kula. Óo ŋ̀âla-ƃelai, da zia-ƃelai, é pɛ́lɛ Ɣâla ŋɔlóno-kɛ-ƃelai dîa, kpɛ́ni fêi, Ɣâla a tɔŋ-kpɛ́-maa tɛ́ɛ bɔ̂ kámɛni ma!

M̀ɛni-lɛɛi 18:20 ပူးပေါင်းရင်းမြစ်များ

Mąątɛ̨nɛ̨ 107:42

Tələnmo nuą di yili nąą kaa, diɛ pili yələi a kwəinɛ̨ɛ̨, ɛlɛɛ, yili yɛ kili ɲɔ̨n gwəi nuą laa pɛlɛ mą.

Mąątɛ̨nɛ̨ 109:28

Di wɛi, da nɛ̨ŋɛ̨n naa kɛ, ə́ wɛi, yɛ́ lúwɔ́ kɛ. Di di muhəɠə náá ɓa, yili ə kɛ a di nwumɛ̨ mɛ̨nį, Kɛlaa mąą ə pənə a yɛ́ tímun kwəinɛ̨ɛ̨ mɛ̨nį.

Mąątɛ̨nɛ̨ 18:47

Mąąwiɛ ə kɛ Yai-Laa ɓa, lúwɔ́ ə kɛ mą́ą́kɔ̨nwɔ̨ kwɛni ɓa, yai a nwɔ́ yeetɛɛmąą kɛ Yálá.

Mąątɛ̨nɛ̨ 48:11

Yálá, Ə́ mąątɛ̨nɛ̨ woo da ə́ laa, a lɔi nąą kəlee kulɔ ə́ ɓa-mįi-yee laahvɛɛi a tələnmolaa.

Mąątɛ̨nɛ̨ 58:10

Gɛɛ ka wɔ ləɠiɠaa di hvo nwɔ̨n nən daŋą, ka kɛ nii a ka nwunu, ka pɔlɔ, líiholi kɛnɛ̨ɛ̨ a ka hu kala!

Mąątɛ̨nɛ̨ 94:1

Yai-Laa! Nwąną kulɔ Yálá! 'Ə́ kpɔwɔ lɛ! Nwąną kulɔ Yálá!

Hanwon 11:10

Kili a kɛ yɛ́, mɛ̨nį kɔ́lɔn ŋąą yɛ kwəinɛ̨ɛ̨ tɛɛ ə́ pɔ. Ə́ nwun a kɛ ə́ hu, hva lan.

Azaya 26:21

Mąąhɔlɔɓo, Yai-Laa ka ɲɛ̨́i kulɔi ɲəi bɛlɛ́n yɛ lɔi mɛ̨i nuą kəlee mąąni kɛ di hɔn mą. Ɛlɛɛ lɔi kaa pai ɓaɠii a ɲąmą, nuą di di paa, hva kɛa di loo.

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Azaya 49:13

Yələ kɔ́lɔn, 'tómą a kwəinɛ̨ɛ̨, lɔi, 'ə́ mąną, yeeɠaa, 'ka tómą kpɔ a kwəinɛ̨ɛ̨ kɛnɛ̨, mąąhɔlɔɓo, Yai-Laa kaa nwɔ nuąi lii laai, di mąąwɛliɛi kɛ, aa di ɲɛ̨imąąwɛli kaa.

Sofoni 3:15

Giti ŋɛ̨i too ə́ mɛ̨i, yɛ wiɛ yɛ́, Yai-Laa aa ɉəɠə ə́ mɛ̨i. Aa ə́ yowo ɲɛ̨i haŋą pələ takpɛli. Israɛlə nwɔ tɔɔmun Yai-Laa yaa kpinįi, gaa ə́ pɔ; hvó kɛa pai kɛi ɲɔwi mɛ̨nį ɲɔ̨n da həli mɛ̨nį ɓa yɛ́.

Ifisiɛŋ 2:20

Daa ká lɔ bɛlɛ́i tii tɔɔ mɛ̨nį hu, yai gɔwɔ hvilɛn ɉɛn ɓaa: Gɛlaɠaa, Yálá kwəi mɛ̨nį hukulɔ nuą, ɛlɛɛ, da Jesus Kristə kpinį lee, yai a nwun ɉon gwɛnį.

Ifisiɛŋ 3:5

Mɛ̨nį loɔ ti Yálá hvo ɉu pono tɔwɔ-tɔwɔ nuą ɲɛ̨i ɓa, yɛ bələi aa nɛ la kɛa yiihu nwɔ Kilii háálai nu mąąhəɠɛɛɠaai a gɛlaɠaa da gwəi mɛ̨nį hukulɔ nuą diɛ.

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Dutɛrɔnome 32:42

Nwɔ́ kɔ́ kɔ́ ɓɔwai kaa pai pilɛi huwɔ hu. Nwɔ́ mɛ̨ɛ̨kɔwɠaa diɛ di kpələ a ɲąmą, yɛ di kɛlɛ yɛ lɔɔ, diɛ pilɛ a nuąi daa haa di ɲąmą, da gɔ́kulááɠaa, da ɲówo nwun gbilɛɛɠaa, nwun galən ɲąmą.»

Piɛrə veelɛ 3:2

Gáá bɔ ka ka kiliŋąhiɛ Yálá kwəi mɛ̨nį hukulɔ nuą woo ɓa, da gu Ną́mu Jesus Kristə nwɔ liɛwooɠaa diɛ, yiiɠaai Jesus nwɔ tiɓo kə nuąi di ka kalan na.

Zûu 1:17

Kɛlaa, nwɛ́likɛmąą nuą ka wɛi, nwooɠaai gu Ną́mu Jesus Kristə nwɔ tínuą di mo kaa, ka ka kili lɛɛ ɉu.

M̀ɛni-lɛɛi 12:12

Yili ɓə gaa mą, yələkɔlɔn, 'ká kwəinɛ̨ɛ̨ kulɔ, ə mą kɛ, káái laa heeni. Kpalo aa ɓɛla lɔi da gboloyá diɛ, mąąhɔlɔɓo, nąnį aa yɛɛ di pɔ, niikələnŋąą gwəi, gili aa pu ɉu, yɛ kɛ, ŋą lɔwai hu hvo kwɛa li.»

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»

Nwun mąąɓo 5:31

«Yai-Laa, pələ ɓə ə́ yowoɠaa kəlee nwun na a pili la, Kɛlaa, ə́ wɛlikɛmąą nuą, da lən yɛ hvóló a tɛ nwun ma.» Bələ ɓə Israɛlə lonnii di líilaa hɔlɔɓo la, kwɛlan bow nąąn ɲee mu.