M̀ɛni-lɛɛi 18:13 - Yálá laawoo hɛɓɛ (dc)

¹³ a kanɛlə wulu kɔlɔ, hɛn gun-nɛ̨ɛ̨ɠaa, wulɔ kun-nɛ̨ɛ̨, mirə wulɔ, ɛlɛɛ lansan, lɔɔ da wulɔ, lɛɠɛ hunwɔ̨ ɛlɛɛ mɔ̨nun gɔw, nįŋɛ̨ɠaa da ɓɛlaaɠaa, hooɠaa da wotoloɠaa, luwɔɠaa, da gaho nąmįną.

Yálá laawoo hɛɓɛ

¹³ a kanɛlə wulu kɔlɔ, hɛn gun-nɛ̨ɛ̨ɠaa, wulɔ kun-nɛ̨ɛ̨, mirə wulɔ, ɛlɛɛ lansan, lɔɔ da wulɔ, lɛɠɛ hunwɔ̨ ɛlɛɛ mɔ̨nun gɔw, nįŋɛ̨ɠaa da ɓɛlaaɠaa, hooɠaa da wotoloɠaa, luwɔɠaa, da gaho nąmįną.

Bible

¹³ Da-ni dí kɛ̀ a sinimɔŋ, kiyɛ̂ŋ, kéreŋ-sɛŋ kúŋ nɛ̃ɛ, wúlɔ kúŋ nɛ̃ɛ, wuru-malaŋ kúŋ nɛ̃ɛ, ŋwã̂ai, wúlɔ, felaƃa-fũa da mɔlɔŋ. Da-ni díkɛ ƃò a niŋa da ƃála, soo da kéleŋ, da luɛ-ŋa, zu-kulai ƃa núu-kpune ŋɔmɔ̂leŋ.

M̀ɛni-lɛɛi 18:13 ပူးပေါင်းရင်းမြစ်များ

Tɔɔɓɛlaa dɔlɔɔ 10:10

Nɛ̨ɛ̨nui tii ə hɛni kilə waa haaɓa pulu nwun mɛ̨ida tɛɛ tɔɔmun Salomɔn pɔ, da wulɔ kun nɛ̨ɛ̨ɠaa kpɔ kɛnɛ̨, da Kúwɔ́-kwɛni lɛlɛɛɠaa, nwulɔ kun nɛ̨ɛ̨ tii ta hvo ta kɛ pa li nɔi tii hu, yɛ bələi Saba tɔɔ nɛ̨ɛ̨nui tii ə paa la tɔɔmun Salomɔn pɔ.

Tɔɔɓɛlaa dɔlɔɔ 10:15

Yii ɉiɛ kulɔ nuą da ɲɔw ɓɛlaa, da vóló kulɔi pələ tɔɔɓɛlaa di kɛi gulɔ, da yii nɔi ɲąąwooɓo nuą di kɛi paa la, naa kulaa ɉu.

Tɔɔɓɛlaa dɔlɔɔ 10:25

Di kəlee di kɛi pa a di wɔ hamą pilɛɠaa: wali kwɛli hɛnŋąą da hɛni hɛnŋąą, həɠəɠaa da kɔ́ kɔ́ hɛnŋąą, wulɔ kun nɛ̨ɛ̨ɠaa, hooɠaa, da tiɛ̨-həɠə hooɠaa, yili ə kɛi kɛ tii kwɛlan dɛitɛi yee mu.

Kɔlɔnikɔ Maa-ŋuŋ 5:21

Di nɛ̨ɛ̨mą, di di wɔɔ taatɛlɛɛɠaa kəlee hon, yii nonon ŋąą ə kɛ a: Ɲɔ̨nwɔ̨mɛ̨ɛ̨ waa nwun nɔɔli, ɓɛlaa pɛlɛɛ ɓooli ɓa yɛ ɓo a waa nwun veelɛ ɲee lɔɔli, Hoohvaalən nwaa hveelɛ; nu kan ə ɓo a nu waa nwun nɔɔli.

Kɔlɔnikɔ Veerɛi 9:9

Nɛ̨ɛ̨nui tii ə hɛni kpuwulu nwundɔ̨nɔ̨ ɲee hveelɛ tɛɛ tɔɔmun Salomɔn pɔ, da hɛn gunnɛ̨ɛ̨ɠaa kpɔ kɛnɛ̨, ə bɛlɛ kuwɔ-kwɛni lɛlɛɛɠaa. Hɛn gunnɛ̨ɛ̨ ta hvo ta pa li Salomɔn pɔ, ə həli yii Saba tɔɔ nɛ̨ɛ̨nui ə paa la bɔ.

Nehemi 5:8

Gɛ́ diɛ: «Ɉuifəɠaa ŋɛ̨i a gu kaayɔwɔɠaa, diɛi kɛ daa di lɔwɔ́tɔɔ hį́i takpɛliɠaa diɛ, guɔ kpinįi ɓə di nwun mąąɓo, yɛ pələi guɔ yee pɛli mąą mɛ̨nį kaa la. Kɛlaa, kaa mun, ka káá ka kaayɔwɔɠaa lɔwɔ́tɔɔi, ku wɔ ɓə ka káá di lɔwɔ́tɔɔi kuɔ.» Di di mɛ̨i haa, di hvo pɛli mɛ̨nįi lɔpee ta ɓoi.

Lɛɛ gbɔwɔ ɓa 21:16

«‹Nui a nu kan nwuɔ̨, akɛ aa gbɛa nɔwɔtɔɔ, a wala kɛ ti a kɛ nii ɲəi, mąąnɛ̨ɛ̨ di nwuɔ̨mun tii baa.

Hanwon 7:17

Ŋą́ą́ wulɔ kun nɛ̨ɛ̨ kpɛŋɛn ɲə́i gbin ŋą.

Wɛli 1:3

Ə́ mąątí wulɔ a ə́ mąą kun nɛ̨ɛ̨! Guɔi! Yá nu lii hon. Ɉɛn kpɔ a gɛ, ə́ wɛli yɛ too la nɛ̨ɛ̨lɛa diɛ, yaa li.

Wɛli 3:6

Gbɛɛ ɓə tii həɠəi nɔi pun ɉu pələi, ə ɓo yɛ nwɔ̨n nulu, yɛ hąmą da lansan di wəleen, ə ɓo yɛ mąątí wulɔ kun nɛ̨ɛ̨?

Wɛli 5:5

Ŋą́ mąn múhəɠə ɉa, gɛ́ li bɛlɛ́ laa ɓoi, nwɔ́ wɛlii tɔwɔ. Ɲéé ŋą yɔwɔ ni a mąątí wulɔ, gun nɛ̨ɛ̨ yɛ hąmą; nwulɔ kun nɛ̨ɛ̨ tii kɛ ɲéé ɓa, ə lɛɛ gbon-gwɛli ɓa.

Azaya 50:1

Yai-Laa woo ka: Vulú taɠa hɛɓɛ́ wɔɔ? Yai ŋį́ ka lee kulɔ la lɔwɔi? Awala kɛtii, gbɛɛ ɓə ŋą kwələ kaa mą́ą́? Yai ŋį́ ka lɔwɔ́tɔɔ mą? Deąi laa ya ka: Ka wɔ nɛ̨ŋɛ̨nŋaa ɓə gɛ, diɛ ka lɔwɔ́tɔɔ, ka wɔ kulɔ nwoo mu laa ɓə gɛ, diɛ ka lee kulɔ lɔwɔi.

Izikiɛ 27:13

Ə mą kɛ Yavan, Tubalə da Mɛsɛkə, ka diɛni ka kɛi yɔw kɛ; di wɔ lɔwɔ tiɛ̨ ɓaa kɛ a luwɔ, da ɓala kwɛli.

Amɔsə 2:6

Yai-Laa ə mo yɛ diɛ: Mɛ̨ni tɔ̨nɔ̨ hvəi gɛi gɛ́ haŋą Israɛlə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, daa tələnmomun dɔ̨nɔ̨ lɔwɔ́tɔɔ, ə gɛ, di wali hɔlɔɓo. Diɛ mąąwɛli mun nɔwɔtɔɔ, di kɔ́wɔ ŋą kɔ́lɔ tɔ̨nɔ̨ gbən hɔlɔɓo mɛ̨nį ɓa. Di yili kɛ tii, mąąhɔlɔɓo, yili hvo pɛli li maa kwələ kulɔi.

Amɔsə 6:6

Ka lɔɔ kpələ, ka nɔɔ kpo kpələ gɔwɔ hu, Wulɔ yii gun nɛɛi dɛɛ gɛi ɓa, ya ɓə ka ka mąąti la. Kɛlaa, Ɉosɛfə huwuhu nuą kala mɛ̨nį, yili niihɛlɛn va too kaa.

Amɔsə 8:6

Kaa kɛ diɛ: Túwɔ́ lɔwɔi ŋɛ̨i ə tɛɛ ɉa, ə gɛ, ku mąąwɛli nuą ya a wali. Ku yee hvowolo nuą ya a kɔ́wɔɲą kɔ́lɔ, Ku mɔ̨nunŋaa lɔwɔ́tɔɔ, ku və́leeɠaa kəlee lɔwɔ́tɔɔ.»

Dutɛrɔnome 24:7

Da nu ta kaa aa nɔi lon da, yii gaa a Israɛlə lon da aa nwuɔ̨, yɛ ɲee pənə ɉu, a wala kɛ tii, yɛ nɔwɔtɔɔ; ka nu nwuɔ̨ mun tii paa, ka mɛ̨nį ɲɔ̨n gulɔ ka lɔwai.

Dutɛrɔnome 28:68

«Ɛlɛɛ, Yai-Laa kaa pai ka pənəi ka pulu kaa li Eziptə lɔi hu kələn gbɛa-kpɛa hu, a ɓɛi ŋɛ̨i ŋį́ kɛ kaa: ‹Ka hva kɛa pənə ka hvo ka pulu pənə laa wɔi!› Ka pa lii nɔi tii hu, ka káá lii kɛi ka kpɔɔ lɔwɔ́tɔɔi kaa kɛ a ka yowoɠaa di wɔ luwɔ hinąą da luwɔ nɛ̨ąą. Kɛlaa, ə mą kɛ tii, nu ta hva hɔlɔɓo, hvo ka ya.»

Timote dɔlɔɔ 1:10

wɛlikɛ nuą, nuąi da laa a di keeni, luwɔ lɔwɔtɔɔ nuą, lɛɛ kɛ nuą, nuąi da di kwɛla a lɛɛ, da nuąi kpɔ da kɔ pɛlɛ laa na laa mąąhəɠɛɛ ɓa, diɛ ɓə tɔn ɉeɛi di mɛ̨i.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

M̀ɛni-lɛɛi 18:14

Nwulu ɓái nwɛli ə kɛ yɛ́, mąą aa kwɛa yɛ́, aa li kwɛaa la. Hɛn kpɔ kɛ ɉukpɛɛ, ɛlɛɛ, a ɲɛ̨i pono hɛn, daa pili ə́ yəi. Kaa hvo kpɔ kɛa pai kɛi diɛ.

M̀ɛni-lɛɛi 18:15

Ɲɔw-kɛ-nuąi ə kɛli di kɛ a hɛn gɔw nąmįną, ɲɔwi tii hu, di kɛ tɔɔni kwɛaa la, diɛ ɲɔw ŋą mɔ̨nɔ̨i ɓa. Di kɛi wɔlɔi diɛ di woolaa,