M̀ɛni-lɛɛi 18:11 - Yálá laawoo hɛɓɛ (dc)

¹¹ Ɛlɛɛ, ɲɔw-kɛ-nuąi lɔi mɛ̨i diɛ wɔlɔ, ɛlɛɛ, diɛ nwɔ mąąwɛli heeɓo, mąąhɔlɔɓo, di wɔɔ kalayɔwɔɠaai daa lɛɛ, nu hvo mą, hvo da yá,

Yálá laawoo hɛɓɛ

¹¹ Ɛlɛɛ, ɲɔw-kɛ-nuąi lɔi mɛ̨i diɛ wɔlɔ, ɛlɛɛ, diɛ nwɔ mąąwɛli heeɓo, mąąhɔlɔɓo, di wɔɔ kalayɔwɔɠaai daa lɛɛ, nu hvo mą, hvo da yá,

Bible

¹¹ Ǹɔii su pɔni-tɔɔ-ƃelai da wɔ́lɔ̂i, díkɛ malôŋ-see ƃo maa-mɛni ma, kpɛ́ni fêi, núu da fé ŋɔ́nɔ dípɔni-sãai yâi.

M̀ɛni-lɛɛi 18:11 ပူးပေါင်းရင်းမြစ်များ

Hanwon 3:14

Mąąhɔlɔɓo, kili kɛɛ nu yəi hviɛlaɓoɔi wali kɛɛ nu yəi ɓa, ɛlɛɛ, yili dɔlɔ kɛnɛ̨i dɛɛ hɛni ɓa.

Azaya 13:19

Babilonə, lɔi ɲɛ̨ilon! Yai a Kalde nuą ɲɛ̨i pɔ̨nɔ̨ hɛn, gaa pai kɛi yɛ Sodomə da Gomorə, diɛi tii Yálá ə di hukala.

Azaya 47:15

Bələ ɓə ə́ wɔ tɔlukpɛ nuąi kaa pai kɛi la yɛ́, diɛi ə́ ə́ kpɔwɔ hviikpɛɛ di pulu ə həɠə ə́ muhəɠə yələ ɓa, di kəlee di kaa pai lii di nwun mą, di ta lɔpee hva pɛli ə kulɔi mɛ̨nįi.

Izikiɛ 27:9

Gebalə hulɔgoloɠaa, da nwɔ mɛ̨nį kɔ́lɔn nuą di kɛ ə́ pɔɔli, yɛ kpomói kóló kɛ nuą, gboloyá hu kələnŋaa kəlee, da di hiɛ nuą, di kɛi ə́ pɔɔli lɔwɔ tiɛ̨ ya,

Sofoni 1:11

Kaai heeni ɲee lɔwai, ka tómą a wɔlɔ. Hvó gaai, ɲɔw kɛ lɔi hu nuą kəlee daa lɔ gbąi, nuąi kɛi wali kwɛli kɔ́ɔn, di huwu aa pu.

Sofoni 1:18

Di wɔ waliɠaa, da di wɔ hɛniɠaai, di hvo pai di nwun mąąɓoi, Yai-Laa nwɔ liiɲąnwąną hvólói yəi, a nwɔ tolo nwɔ̨n ɉee hvóló, Gaa pai lɔi nąą kəlee kələn ɉii, hvó gaai, gaa pai lɔi mɛ̨i hɛnŋąą kəlee nwun napilii, vólói tii, gaa a hvóló mąąɲɔwuɔ.

Maafîu 22:5

«Kɛlaa, nuąi tii di di təli, di hvo kpɛli di təli mɛ̨nį kaa a mɛ̨nį walawala, di kəlee di kɛi li di liiɓa kɛɛnąąɠaa ɓa: daɠaa diɛ li di yəi ɲɛa, daɠaa diɛ li lɔwɔ́tɔɔ ɓa.

Ɉaan 2:16

Ə mo tonwələn nɔwɔtɔɔ nuą diɛ yɛ diɛ: «Ka ɉɛnŋąą ŋɛ̨i kəlee kulɔ ɓɛ, ka hvo na nwɔ pɛlɛ́i kɛ a yɔw kɛ pɛlɛ.»

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

M̀ɛni-lɛɛi 18:15

Ɲɔw-kɛ-nuąi ə kɛli di kɛ a hɛn gɔw nąmįną, ɲɔwi tii hu, di kɛ tɔɔni kwɛaa la, diɛ ɲɔw ŋą mɔ̨nɔ̨i ɓa. Di kɛi wɔlɔi diɛ di woolaa,

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 18:23

Labon hva kɛa lən ə́ pɔɔli, hilɛtai nɛ̨ą da mɛlaa; di hva kɛa kwəinɛ̨ɛ̨ kulɔ ə́ pɔɔli, gbala ə tɔɔ, ə́ wɔɔ yɔw-kɛ nuą ɓə kɛ di kpulu hu kɛnɛ̨ɛ̨ yɛnɛ̨ɛ̨ nąą kəlee, gbala ə tɔɔ, ə́ wɔɔ pənən gɛ nuąi di hįi tamąą ɲąąhɛn.»

M̀ɛni-lɛɛi 18:3

Mąąhɔlɔɓo, ə ŋą wɛlikɛ lɔɔ kpəɠiɛi tɔɔ hįi lɔi kəlee la; lɔi mɛ̨i tɔɔɓɛlaa di too bɔ ŋą wɛlikɛɛ tii hu, ɛlɛɛ, yɔw kɛ nuąi lɔi mɛ̨i, di hɛn ɉɔlɔɓo nwɔ ŋąąnɛ̨ɛ̨ háálai.»

M̀ɛni-lɛɛi 18:9

Nąąlɔwai, lɔi mɛ̨i tɔɔɓɛlaai kpɔ di kpɔwɔ tɛɛ bɔ, da diɛni diɛ wɛlikɛ, ɛlɛɛ, diɛ ɲąąnɛ̨ɛ̨ kulɔ, da pa gələn nwɔ̨n nului tii kaai, da wɔlɔ diɛ di woolaa a mąą mɛ̨nį.