M̀ɛni-lɛɛi 18:10 - Yálá laawoo hɛɓɛ (dc)

¹⁰ Di kaa pai tɔɔi kwɛaa la, diɛ ɲɔw ŋą mɔ̨nɔ̨i tii ɓa: «Ee kə kpalo! Ə kə gbalo kɛnɛ̨! Oo kə, daa-lee kɛnɛ̨ɛ̨ kɛ, Babilonə, taalee hvaŋą kɛnɛ̨ɛ̨i kɛ, lɛɛlɛ tanɔ̨n gbən yee mu lɔ ɓə di giti tee la!»

Yálá laawoo hɛɓɛ

¹⁰ Di kaa pai tɔɔi kwɛaa la, diɛ ɲɔw ŋą mɔ̨nɔ̨i tii ɓa: «Ee kə kpalo! Ə kə gbalo kɛnɛ̨! Oo kə, daa-lee kɛnɛ̨ɛ̨ kɛ, Babilonə, taalee hvaŋą kɛnɛ̨ɛ̨i kɛ, lɛɛlɛ tanɔ̨n gbən yee mu lɔ ɓə di giti tee la!»

Bible

¹⁰ Da pâi kɛ̂i tɔɔ ni kwaa kôya ma, díkɛ yao ŋɔŋɛ̀i-maa-penêi ma, díyɛɛi, “Malôŋ-mɛni ká! Malôŋ-mɛni ká! Yáai íkaa a Babelɔŋ taa-lee kɛ́tɛi, yáai íkaa a ŋ̀wála-wala taa-leei, Babelɔŋ! Ítɔŋ-kpɛ́-maai a pâ aƃa tɔnɔ yée mu.”

M̀ɛni-lɛɛi 18:10 ပူးပေါင်းရင်းမြစ်များ

Azaya 21:9

Ɉɛn pai ya ka: Nu ta kaa wotolo hu, hoo hveelɛ diɛ ɲala, ə pələ pili mą́ą́, yɛ mą́ą́: «Aa too! Aa too! Babilonə aa too! Nwɔ hali mąą nįnįnŋąą kəlee kaa nɔi ɓa, di hu aa yali.»

Azaya 47:9

Mɛ̨nį ɲąąnwąnąą hveelɛi tii kaa laai yɛ́, a yələ tɔ̨nɔ̨, hvóló tanɔ̨n yee mu, yá hvɛɠɛ a ə́ lonnii, kalaninnaa ə laa ə́ mɛ̨i, gəlee kaa pai həlii yɛ́, bələi mąn tɔlukpɛ pələ tamąą la ə́ yəi, ɲɛ̨ąkpɛ nuą kpulu kɛnɛ̨ la ə́ yəi, dɛɛ gɛi ɓa.

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Izikiɛ 32:9

Gáá pai lɔi tamąą lii kələn ɉii di kwəi, ɓɛlɔwai gáá pai lii la a ə́ wɔ luwɔɠaai, nɔiɠaai hvo di kɔ́lɔn di hui.

Zooɛ 1:15

Ə həli kaa! Ə kə́! Hvóló ləi ɓəi! Voló mąą aa kpuɔ, Yai-Laa nwɔ hvólói mąą aa kpuɔ, volói tii kaa pai a kɛɛ kalaa, hɛn yii a həɠə Huwalawala Kəlee Nąmu Yálá yəi.

Amɔsə 5:16

Yili ɓə gaa mą, Yai-Laa yii gaa a Mɛ̨nį Kəlee ŋą Hééɓomun Yálá, yɛ mą: Gwɛli hąmąiɠaa kəlee ɓa, nuą kaa pai kɛi di woolaai. Bələɠaa pɔ, nuą diɛ gboo təli, diɛ kɛ mą: «Aa kɛ a mɛ̨nį oo! Aa kɛ a mɛ̨nį oo!» Ka káá pai kɛi tíi kɛ nuą təli, diɛ haa too diɛ. Diɛ haa wələ too nuą təli, woolaa mɛ̨nį hu.

Lonon mo 16:34

Di tómą woo ə gɛ, Israɛlə lonnii kpɔ tii kɛ tɔɔni di kwɛlɛ, di pu. Diɛ kɛ di kee ni diɛ, ka gu pu lɔi hvo pa nee ka gu kpələ guɔ kpɛli.

M̀ɛni-lɛɛi 11:8

Di powa kaa pai lɛɛi tooni daa-lee kɛnɛ̨ hɛ̨ąi, yai da naa hee a Sodomə da Eziptə, nąą ɓə di di Nąmu kpɔn laa wulu ɓa.

M̀ɛni-lɛɛi 14:8

Ɛlɛɛ, malaka veelɛnąą, ə lɛɛ bulu, yɛ mą: «Aa too, aa too! Babilonə daa-lee kɛnɛ̨i aa too! A yai lɔɔ tɔɔ lɔi kəlee la, a nwɔ wɛlikɛ lɔɔ kpəɠiɛi.»

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.

M̀ɛni-lɛɛi 17:12

«Mįnɛ̨ powi tii ə́ gaa, tɔɔɓɛlaa pow li, yiiɠaai di hvo ni tɔɔlaa hɔlɔɓo li, kɛlaa, di kaa pai dɔɔlaa hvaŋą ɲąąkwɛlɛi da ɉuwɔi tii ni lɛɛlɛ tɔ̨nɔ̨ yee mu.

M̀ɛni-lɛɛi 18:18

diɛ gboo təli, da kɛli daai tii kələn nwɔ̨n nulu kaa, diɛ kɛ mą: «Taalee lə kɛɛ kpɔ ɓə, da pɛli kɛ gɔɔn ɉii daa-lee kɛnɛ̨i ŋɛ̨i ɓa?»

M̀ɛni-lɛɛi 18:19

Diɛ pɔ́lɔ́ pu di nwuɔ̨, diɛ tomą, diɛ di woolaa, diɛ kɛ: «Ee kə kpalo! Ə kə gbalo kɛnɛ̨ɛ̨! Daa-leei kɛ ɉu ɲąąnɛ̨ɛ̨ pələ, ə nuąi kpɔ di wɔɔ gələnŋaa di kɛ gboloyá ɲą, di yeela holoon, ya ka, lɛɛlɛ tanɔ̨n ɲee mu, aa hvɛɠɛ a ɉɛn tii kəlee.»

M̀ɛni-lɛɛi 18:21

Ya ɓə, malaka ta ə kwɛni kpuwulu kɛnɛ̨ ta həɠə, ə ɓo yɛ kwɛną, ə bili gboloyá hu, yɛ mą: «Bələ ɓə di kaa pai Babilonə taalee pilii la a hvaŋą; di hva kɛa gaa.

M̀ɛni-lɛɛi 18:8

Yili mąą mɛ̨nį ɓa, mɛ̨nį ɲąąnwąnąąɠaai naa dɔwɔ, di kaa pai pu mɛ̨i lɔ a hvóló tanɔ̨n, diɛ ɓaa: Haa, haa wɔlɔ, da pulu, ɛlɛɛ, nwɔ̨n mə pai yaai tii gələn ɉii. Mąąhɔlɔɓo, Ną́mu Yálá, yai pai gití teei, vaŋą kɛnɛ̨i.»