M̀ɛni-lɛɛi 17:9 - Yálá laawoo hɛɓɛ (dc)

⁹ «Nwun-gɛ-ɉulaa da kilikɛɲəilaa ŋą yələ ka: Nwun ganįn mɛ̨ihveelɛi tii kaa a ɲee kpɛa-kpɛaa mɛ̨ihveelɛi nɛ̨ɛ̨nui tii kaa heeni nwuɔ̨, di kaa lɔ nwɔ̨nɔ̨ a tɔɔɓɛlaa mɛ̨ihveelɛ.

Yálá laawoo hɛɓɛ

⁹ «Nwun-gɛ-ɉulaa da kilikɛɲəilaa ŋą yələ ka: Nwun ganįn mɛ̨ihveelɛi tii kaa a ɲee kpɛa-kpɛaa mɛ̨ihveelɛi nɛ̨ɛ̨nui tii kaa heeni nwuɔ̨, di kaa lɔ nwɔ̨nɔ̨ a tɔɔɓɛlaa mɛ̨ihveelɛ.

Bible

⁹ Táre-kili-ŋa-sia ƃa nyíŋi kɛ̀. Ŋ̀uŋ lɔ́ɔlu mɛi féerɛi gáa zuai ŋûai, dia ƃa ǹyée lɔ́ɔlu mɛi féerɛi nɛnîi káa see ni díŋûai.

M̀ɛni-lɛɛi 17:9 ပူးပေါင်းရင်းမြစ်များ

Danîa 12:4

Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Maafîu 24:15

«Yili ɓə gaa mą, ɓɛlɔwai ka káá pai nwun napili mɛ̨nį mąą ɲɔ̨wuɔ, kaai la tɔɔ ni ɓɛi da Yálá mąą mɛ̨nį ɓo laai, yɛ pələi Yálá kwəi mɛ̨nį hukulɔ mun Daniɛlə ə mo la. Nui gaa mɛ̨nįɠaa ŋɛ̨i kalan ɉii ə gbaɠala kaa a nəlɛɛ!

M̀ɛni-lɛɛi 13:1

Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

M̀ɛni-lɛɛi 13:18

Mɛ̨nį hukpɛ kili nwɛi nąą ka kɛa; nui nwun gaa ɉu, ya ɓə a pɛli ə ɉuwɔi tii laa hɛɓɛ́ kɔw ɉeekpəlina kɛi, mąąhɔlɔɓo, ɉeekpəlina kɛɛ, a kɛ a nu kan naa; ɛlɛɛ, gwɛdɛn gɔwi tii ɓaa nwun-mɛ̨ida-ɲee-mɛ̨ida-kɔw-mɛ̨ida.

M̀ɛni-lɛɛi 17:18

«Ɛlɛɛ, nɛ̨ɛ̨nui tii ə́ gaa, daa-lee kɛnɛ̨i hééɓolaa kɛi, lɔi mɛ̨i tɔɔɓɛlaa kəlee mɛ̨i, yaa li.»

M̀ɛni-lɛɛi 17:3

Ya ɓə Kili ə gbə́ŋə́, ə li a ɲą́ą́ nɔi pun ɉu. Ɛlɛɛ, ŋą́ nɛ̨ɛ̨nu ta kaa, ɉeɛ huwɔ kpɔluɔ gbələtətə ta mɛ̨i, Yálá lalan naaɠaa pɛ̨ɛ̨ nąą kəlee, ɛlɛɛ, nwu ganįn ə ɓo mɛ̨ihveelɛ, mįnɛ̨ ə ɓo pow.

M̀ɛni-lɛɛi 17:7

Ya ɓə, malaka yɛ mą́ą́: «Lə mɛ̨nį ɓa ə́ kwəi aa pili yɛ́? Gáá pai nɛ̨ɛ̨nui tii, da ɉuwɔi tii nwun ganįn gaa mɛ̨ihveeɛ, ɛlɛɛ, mįnɛ̨ ə ɓo pow, ŋą mɛ̨nį hu kpinįɛ, hukulɔi yɛ́.