M̀ɛni-lɛɛi 17:12 - Yálá laawoo hɛɓɛ (dc)

¹² «Mįnɛ̨ powi tii ə́ gaa, tɔɔɓɛlaa pow li, yiiɠaai di hvo ni tɔɔlaa hɔlɔɓo li, kɛlaa, di kaa pai dɔɔlaa hvaŋą ɲąąkwɛlɛi da ɉuwɔi tii ni lɛɛlɛ tɔ̨nɔ̨ yee mu.

Yálá laawoo hɛɓɛ

¹² «Mįnɛ̨ powi tii ə́ gaa, tɔɔɓɛlaa pow li, yiiɠaai di hvo ni tɔɔlaa hɔlɔɓo li, kɛlaa, di kaa pai dɔɔlaa hvaŋą ɲąąkwɛlɛi da ɉuwɔi tii ni lɛɛlɛ tɔ̨nɔ̨ yee mu.

Bible

¹² Míla puui í díkàai, díkaa a kâloŋ puu nyíi-ŋai dífe niî gâloŋ-laai sɔlɔ ƃo nii. Kɛ́lɛ, da pâi wála-wâla-laa sɔlɔ ƃôi nɔ́ yɛ̂ɛ kâloŋ-ŋa aƃa tɔnɔ yée mu, da zuai.

M̀ɛni-lɛɛi 17:12 ပူးပေါင်းရင်းမြစ်များ

Danîa 7:20

Ŋą́ kɛ nwɔ̨nɔ̨ bɔ ŋą́ mɛ̨nį ta kɔ́lɔn yɛ hvilɛn na ɉuwɔi tii mįnɛ̨ kaa pow ma. Ə lɛɛ, dɔ̨nɔ̨i ŋɛ̨i tɔɔ nwun ma, ɉaaɓa diɛ too, ə lɛɛ, mįnɛ̨ tɔ̨nɔ̨i tii ɲɛ̨ikɔw ə kɛ mą yɛ nu, laaləi yɛ ɓo mą, yɛ woo kpɛa-kpɛaɠaa ɓo, yai kɛnɛ̨ ə tɛɛ mɛlaa diɛi.

Danîa 7:24

Mįnɛ̨ pow tii, gaa a tɔɔɓɛlaa pow, yiiɠaai pai di muhəɠəi dɔɔlaai tii hu. Tɔɔlaa takpɛli kaa pai muhəɠəi yili pulu, yii gɛ pələ hva kɛ yɛ dɔlɔɔɠaai tii, gaa pai tɔɔɓɛlaa haaɓa tooi.

M̀ɛni-lɛɛi 10:11

Ɛlɛɛ, diɛ mą́ą́: «Hvó kɛli nwɔ̨nɔ̨ ə́ Yálá kwəi mɛ̨nį hukulɔ nu huwuɠaa diɛ, hįi lɔiɠaa diɛ, hįiwooɓo nuą diɛ, ɛlɛɛ, da tɔɔɓɛlaa tamąą.»

M̀ɛni-lɛɛi 12:3

Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.

M̀ɛni-lɛɛi 13:1

Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.

M̀ɛni-lɛɛi 18:10

Di kaa pai tɔɔi kwɛaa la, diɛ ɲɔw ŋą mɔ̨nɔ̨i tii ɓa: «Ee kə kpalo! Ə kə gbalo kɛnɛ̨! Oo kə, daa-lee kɛnɛ̨ɛ̨ kɛ, Babilonə, taalee hvaŋą kɛnɛ̨ɛ̨i kɛ, lɛɛlɛ tanɔ̨n gbən yee mu lɔ ɓə di giti tee la!»

M̀ɛni-lɛɛi 18:17

ya ka, lɛɛlɛ tanɔ̨n ɲee mu lɔ ɓə di ɉɛn gɔwɠaa tii hukala la!» Ɛlɛɛ, gələn ɉiɛ-nuą, da nuąi kpɔ kɛli hiɛ kulɔ nąą kwɛlɛ, ɲá-kóló kɛ nuą, ɛlɛɛ, da nuąi kpɔ kɛli di kɔ̨nɔ̨n ɉɔlɔɓo gboloyá ɲą, di kɛ tɔɔni kwɛaa la,

M̀ɛni-lɛɛi 18:19

Diɛ pɔ́lɔ́ pu di nwuɔ̨, diɛ tomą, diɛ di woolaa, diɛ kɛ: «Ee kə kpalo! Ə kə gbalo kɛnɛ̨ɛ̨! Daa-leei kɛ ɉu ɲąąnɛ̨ɛ̨ pələ, ə nuąi kpɔ di wɔɔ gələnŋaa di kɛ gboloyá ɲą, di yeela holoon, ya ka, lɛɛlɛ tanɔ̨n ɲee mu, aa hvɛɠɛ a ɉɛn tii kəlee.»