M̀ɛni-lɛɛi 16:9 - Yálá laawoo hɛɓɛ (dc)

⁹ Ɛlɛɛ, nu kanŋaa di kələn a wələən gɛnɛ̨; Yálái tii ɲee a pɛli mɔ̨nɔ̨ɠaa tii diɛ, diɛ naa ɓɛlɛ too, kɛlaa, di hvo gɛ di hvo di tuwɔ pələ mąąhvalin, di hvo mąąwiɛlaa tɛɛ bɔ.

Yálá laawoo hɛɓɛ

⁹ Ɛlɛɛ, nu kanŋaa di kələn a wələən gɛnɛ̨; Yálái tii ɲee a pɛli mɔ̨nɔ̨ɠaa tii diɛ, diɛ naa ɓɛlɛ too, kɛlaa, di hvo gɛ di hvo di tuwɔ pələ mąąhvalin, di hvo mąąwiɛlaa tɛɛ bɔ.

Bible

⁹ Ŋɔŋ ŋɔzi-zii è núu-kpune kèreŋ, ǹyaŋ dí Ɣâla láai naɣâŋ làa, nyíi wala-wala è kɛ̀ ǹyêei m̀ɛni-kpɔ̂lu sii-ŋai ŋí mɛi. Dífe dílii pene ni. Dífe ǹaa-maa tɛ́ ní.

M̀ɛni-lɛɛi 16:9 ပူးပေါင်းရင်းမြစ်များ

Tɔɔɓɛlaa veelɛ 6:33

Elise ə lɛɛ lɔ moi, tɔɔmun ŋą kɛlai yɛ pa. Yɛ Elise ɓa: «Mɛ̨nį ɲąąnwąnąą ŋɛ̨i naa kuɔ, Yai-Laa ɓə ə həɠə bɔ, lə ɓə kɛa ŋą́ pɛli kílitɔɔi mą Yai-Laa yəi?»

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Azaya 8:21

Di kaa pai nɔi hu ɓɔi, mɔ̨nɔ̨ həɛ di mɛ̨i, pulu ə ɓo diɛ, pulu a di lii yali di kwəi, diɛ di wɔ tɔɔmun da di wɔ Yálái nɛ̨ŋɛ̨n naa; di kaa pai di ɲɛ̨i heei yələi pələ;

Ɉeremi 13:6

Yələ tamąą kulaa ɉu, Yai-Laa yɛ nwɔ̨nɔ̨ mą́ą́: «Pənə ə́ li Peratə ɲai, ɉąą yili kɔ́lɔi tii hiɛ ŋį́ kɛ yɛ́ now laa, ə́ ɉəɠə.»

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Izikiɛ 24:13

Túwɔ pələ ɲɔ̨n mə a ə́ mąąliɓi, mąąhɔlɔɓo ŋą́ą́ ə́ mąąhəɠə, kɛlaa ə́ mąą hvo həɠə li. Ɛlɛɛ, ə́ mąą hvo pai həɠəi ə́ mąąliɓi hɛn tii yəi. Hvo kɛli ŋą́ níí holi ə́ pɔ, ŋą́ naa kulɔ.

Lukə 13:3

Gáá moi kaa, kaa kpɛli, ka wala ka hɔn mąą hvalin, ka haa kpɔlɔɔ yɛ bələi tii di háálai.

Lukə 13:5

Gáá moi kaa, ka wala ka hɔn mąą hvalin, ka haa kpɔlɔɔ yɛ bələi tii di haa la.»

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Zasua 7:19

Ɉosue yɛ Akan ɓa: «Nón, mąąwiɛ tɛɛ Yai-Laa pɔ, yai gaa a Israɛlə nwɔ Yálá, ə́ kɛnɛ̨ laa tɛɛ bɔ. Bələi kpɔ ə́ mɛ̨nįi ŋɛ̨i kɛ la, ɉukulɔ mą́ą́, hvo da loo.»

M̀ɛni-lɛɛi 11:13

Nąąlɔwai tii hu kpɔlɔɔ, lɔi a kpɛlin gbɔ kɛnɛ̨, mɛlaɓoɔ ɉu pow, ɉeei tɔ̨nɔ̨, ə ɓuwɔ, nu waa nwun mɛ̨ihveelɛ di nwun na ə pili mɛ̨nįi tii hu. Yiiɠaai da lɛɛ a di hvúlú, di ɲɔw pələ, di mąąwiɛlaa tɛɛ yələkɔlɔn ɉu Yálá pɔ.

M̀ɛni-lɛɛi 14:7

Ə kɛli mo a nwoo kɛnɛ̨ yɛ kɛ mą: «'Ká ɲɔw Yálá ɓa, ɛlɛɛ, 'ká mąąwiɛ, mąąhɔlɔɓo, ŋą kuui aa həli, ŋą kitii tee ɲələ aa həli. 'Ká gwɛli hvilɛn yələkɔlɔn da lɔi, gboloyá da yá nwun gulɔiɠaa di pɛlimun ma.»

M̀ɛni-lɛɛi 16:21

Hanwon gbuwulu kpɛa-kpɛaa nwiaa yɛ kilə pow-nąąn, yɛ kulɔ yələi yɛ too nu kanŋaa diɛ, ɛlɛɛ, nu kanŋaa di Yálá lalan mɔ̨nɔ̨i tii mąą mɛ̨nį ɓa, mąąhɔlɔɓo, mɔ̨nɔ̨ yili mąąmįnį-mįnŋąąi kɛ kɛnɛ̨.

M̀ɛni-lɛɛi 2:21

Ŋą́ą́ kuu tɛɛ bɔ, əgɛ, ə duwɔ pələ mąąhvalin, kɛlaa, hvo bɔ hvo ɲee kulɔ mąąliɓi yíi tii hu.

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.