M̀ɛni-lɛɛi 16:7 - Yálá laawoo hɛɓɛ (dc)

⁷ Ɛlɛɛ, ŋį́ ɉaláá kulɔi woo mɛ̨n, yɛ mą: «A tɛ̨ą, Hééɓo kəlee Nąmu Yálá, ə́ wɔɔ kitiɠaa haŋąąi, ɛlɛɛ, yɛ ɓo a tɛ̨ą.»

Yálá laawoo hɛɓɛ

⁷ Ɛlɛɛ, ŋį́ ɉaláá kulɔi woo mɛ̨n, yɛ mą: «A tɛ̨ą, Hééɓo kəlee Nąmu Yálá, ə́ wɔɔ kitiɠaa haŋąąi, ɛlɛɛ, yɛ ɓo a tɛ̨ą.»

Bible

⁷ Nya ƃe ŋa Ŋ̀âla-teƃelei wóo mɛni a zu kɛ́tɛ, nyɛɛi, “Tɔ̃yâ ma, Kúnuu-namui, Ŋ̀wála-wâla kelee-Ɣalai, ímɛni-ŋa-teɛɛ-ŋai díkaa a tɔ̃yâ, dísãa!”

M̀ɛni-lɛɛi 16:7 ပူးပေါင်းရင်းမြစ်များ

Azaya 6:6

Malakaɠaai tii tɔ̨nɔ̨ ə koon, yɛ pa bɔ́ pələ, nwɔ̨n dəŋą ə ɓo ɲee ŋą, aa ɉəɠə a gbeą ɉaláá kulɔi,

Izikiɛ 10:2

Yálá ə mo ɉəɠə kwəlɛɛ Nąmu ɓa, yɛ mą: «'Li, nwotoloɠaai ŋɛ̨i mąąkpɛ malakaɠaa mu di lɔwai, ə́ ə́ yee hvɛɛ laa nwɔ̨n dəŋa hu; ə́ daɠa-taɠa daa mɛ̨i.» Ɉulɔnui tii ə lɔ laa, gɛ́ gaa.

Izikiɛ 10:7

Mąąkpɛ malaka tɔ̨nɔ̨ ə ɲee haŋą mąąkpɛ malakaɠaa lɔwai, nwɔ̨n tii kɛ mąąkpɛ malakaɠaa lɔwai, ə da həɠə; ə ɉəɠə kwəlɛɛ nąmu yee hvɛɛ la, yili ə ɉon ə kulɔ.

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

M̀ɛni-lɛɛi 13:10

Nui mąąnɛ̨ɛ̨ ə li luwɔlaa hu, gaa pai lii luwɔlaa hu. Nui mąąnɛ̨ɛ̨ di pa baa a ɓɔwa kwɛaa, ɓɔwa kwɛa lɔ ɓə pai baai. Nu mąąhəɠɛɛɠaa kąnąn mɛ̨nį laa na laa ɓa, ɲələ ka.

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.

M̀ɛni-lɛɛi 14:18

Yili pulu, malaka takpɛli ə həɠə, ɉaláá kulɔi. Ə kɛli nwɔ̨n ɲąąwooɓo, ɛlɛɛ, ə tomą kpɔ a nwoo kɛnɛ̨ɛ̨, nui tii mɔ̨nunu-dee ɓowa ɲąąliɛ ə kɛ ɲəi, bɔ pələ, yɛ mą: «'Yɛ́ mɔ̨nun-dee ɓowa ɲąąliɛi pili ə́ yee mɛ̨i, ə́ lɔi mɛ̨i viɲəɠaa ɓá kulɔ la, hvo gaai, daa kpɔlu.»

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

M̀ɛni-lɛɛi 6:9

Ɓɛlɔwai ə gɔlɔn ɉɛn nɔɔlinąą holoon na. Ŋą́ nįiɠaa kaa ɉaláá kulɔi kɔwɔ mu, di kɛ a nuąi daa di kulɔ a haláá, Yálá laa woo mąą mɛ̨nį ɓa, ɛlɛɛ, da gɛla hvaai di mo mąą mɛ̨nį.