M̀ɛni-lɛɛi 15:3 - Yálá laawoo hɛɓɛ (dc)

³ Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

Yálá laawoo hɛɓɛ

³ Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

Bible

³ Dí kɛ̀ Mose ŋɔwulei toôi, nyíi kɛ̀ a Ɣâla yée-mu-nuui, díkɛ M̀ála-loŋ ŋɔwulei tôo, díyɛɛi, “Ítûa-perei kɛ́tɛ̂i maa pɔlɔ-pɔlɔɔ, Óo Kúnuu-namui Ŋ̀wála-wâla kelee-Ɣalai! Ítûa-perei sã́âi, gɛ ƃo a tɔ̃yâ, Óo ǹɔii-ŋuŋ kélee mɛi-Kaloŋ!

M̀ɛni-lɛɛi 15:3 ပူးပေါင်းရင်းမြစ်များ

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Kɔlɔnikɔ Maa-ŋuŋ 6:49

Israɛlə lonnii di daaɠaa tii tɛɛ Levi lonnii pɔ, bɛlɛɛ gwɛlɛ lɔiɠaa diɛ, a daatɛlɛɛɠaa laa mį́i.

Kɔlɔnikɔ Veerɛi 24:6

Tɔɔmun ə nɛɛmą ə ɉaláá laa hɛlimun gɛnɛ̨ Yehoyada təli, yɛ mą: «Lə mɛ̨nį ɓa yaai, hvó mo li Levi lonnii diɛ a ə́ nwąnąi, di hvo, nįįhɔ̨nwɔ̨i Yálá ŋą tímun Moisə ə vaaɓo, di hvo ɉon Ɉuda nuą yəi da Ɉerusalɛmə nuą, ɛlɛɛ, da Israɛlə lonnii kəlee yəi, Yai-Laa ŋą mįnɛ̨ pɛlɛ lon mąą mɛ̨nį ɓa?

Nehemi 9:14

Ə́i wɔ hvįįtɔɔ yələ mąąhəɠɛɛ lɛ diɛ, ə́ di hiɛ pələ lɛ diɛ da yɛnɛ̨ɛ̨ kɛ pələ, da ə́ wɔ tɔ́n. Ə́ wɔ kɛla Moisə pɔ pələ.

Zôo 36:24

'Hvó lɛ̨ą gɛ mɛ̨nį kpɛa kpɛaɠaa hukulɔi, yai nuą da doo a wələ.

Zôo 5:9

Ya ɓə a mɛ̨nį kpɛa kpɛa kɛ, yii nu kili hva gbaɠala kaa. Mɛ̨nį kpɛa kpɛai nu hva pɛli nonon ɉii.

Mąątɛ̨nɛ̨ 100:5

Mąąhɔlɔɓo, Yai-Laa nwɔ mɛ̨nį lɛlɛɛ ɓə, nwɔ wɛlikɛmąąlaa ɲɛ̨n deei hvo mą, Gaa a tɛ̨ą, a kwɛlan gəlee da nwɔɔ!

Mąątɛ̨nɛ̨ 105:5

'Ka ka kiliŋąhiɛ gbalo mɛ̨nįɠaai Ə gɛ diɛ, da gwɛlɛɛin mɛ̨nįɠaai ə kɛi gɛ, da gití wooɠaai kɛi kulɔ na.

Mąątɛ̨nɛ̨ 111:2

Yai-Laa kɛ mɛ̨nįɠaa ɲɛ̨i kɛnɛ̨ɛ̨ ɓə! Nuąi gɛ mɛ̨nįɠaa wɛli kaa diɛ, da ɲąą kaa.

Mąątɛ̨nɛ̨ 111:7

Ɲeepɔ kolóɠaa kaa a tɛ̨ą, ɉaŋąą; nwɔ tɔn nwooɠaai kəlee kaa a tɛ̨ą mɛ̨nį.

Mąątɛ̨nɛ̨ 139:14

Váái kpɔ tii mą, gɛ́ kɛ diɛ: Bɛ́li pələ kaa a yɛlɛ ə́ yəi, a kwəi pilimąą kɛnɛ̨ɛ̨, Ə́ kɛ mɛ̨nįɠaa da nu kwəi pilimą! Gaa kpɔ tii a tɛ̨ą, ŋą́ą́ yili kpaɠala kɔlɔn.

Mąątɛ̨nɛ̨ 145:17

Yai-Laa haŋąąi gɛ mɛ̨nį kəlee hu, a kulɔ nwoo ɓa gɛ mɛ̨nį kəlee hu.

Mąątɛ̨nɛ̨ 145:6

Di kaa pai kɛi ə́ hvąŋą kɛnɛ̨ pələ, mąą ɲɔwuɔ hukulɔi, ɛlɛɛ, ɲą́ą́n gɛ́ ə́ wɔ walawalalaa hukulɔ.

Mąątɛ̨nɛ̨ 18:30

Yá kɛ bɔ́, ŋą lan ɓoloon mɛ̨i, nwɔ́ Yálái a kɛ bɔ́, ŋą́ tɛɛ hįį la.

Mąątɛ̨nɛ̨ 78:12

Ə kpalo mɛ̨nį kɛnɛ̨ kɛ di nąnni ɲɛ̨i ɓa, Eziptə lɔi hu, Tanisə yɛɛ kɔwɔ hu.

Mąątɛ̨nɛ̨ 92:5

Mąąhɔlɔɓo, ə́ kɛ mɛ̨nįɠaa da gwə́inɛ̨ɛ̨, Yai-Laa! Ɛlɛɛ, ŋą kɛi ə́ yee ŋą kolóɠaa kaa, ŋą pili yələi, gɛ́ tomą a kwəinɛ̨ɛ̨.

Mąątɛ̨nɛ̨ 99:4

Tɔɔmun a tələnmolaa wɛlilakɛ, yili ɓə vaŋą kaa ɉu. Yɛ́ ɓə tələnmolaa, da kiti haŋąą di pɛli Ɉakɔbə nwɔ lɔi hu!

Azaya 33:22

Tɛ̨ą li Yai-Laa ɓə a ku kiti tee mun, ya ɓə gaa a ku ɲąąwooɓomun, Yai-Laa ɓə ɓaa kuɔ tɔɔmun, ya ɓə a ku nwun mąąɓo.

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Danîa 6:20

Yələ ɓɔi lɔwai, tɔɔmun ə homo ɲala kwənąn naaləi.

Danîa 9:11

Israɛlə lɔi hu nuą kəlee daa ə́ wɔ tɔ́n kala, daa di pulu tɔɔ yɛ́, ə gɛ, di hvo pa ə́ wɔ liɛwooɠaai mɛ̨n. Yili ɓa, ku wɔ kulɔ nwoo mu laai tii ma mɛ̨nį ɓa, nɛ̨ŋɛ̨n naai ŋɛ̨i bɛ̨ɛ̨ Moisə nwɔ hɛɓɛ́i hu, aa too ku mɛ̨i.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Mise 7:20

Ə́ kaa pai Ɉakɔbə hon ɉii a wɛlikɛmąąlaa, Yɛ́ Abrahamə kɔ́ a ə́ wɔ nɛ̨ɛ̨laa; yili ɓə ə́ mo ku nąnni diɛ, Yɛ́ ə́ kwɛla ɉu kpɔ a tɔwɔ-tɔwɔ yələɠaa.

Sofoni 3:5

Bələi mąn gaa la tii, Yai-Laa kaa daa kwəi, dəlimoɔ, yələwala kəlee, a nwɔ kiti wooi ɓo, yələɓɔi lɔwai, hva ɉəɠə mą. Kɛlaa, nui hvo Yálá kɔ́lɔn, nwumɛ̨ hvo mą.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Dutɛrɔnome 31:30

Moisə ə nwələi ŋɛ̨i too Israɛlə lonnii kəlee ɲɛ̨i ɓa; ə too di kəlee di wəlii. Nwələ kpɔ ka:

Dutɛrɔnome 32:3

Gáá pai Yai-Laa təlii a Naa! Ka gu gu wɔ Yálái laa tɛ,

Dutɛrɔnome 34:5

Ɲee tii ɓa ɓə Yai-Laa nwɔ tímun Moisə ə haa laa, Moabə lɔi hu; yɛ bələi Yai-Laa ə gbɛa mo la mą.

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Hebreu 3:5

Moisə ə tələnmolaa kɛ Yálá yəi bɛlɛ́n, yɛ tímun, ə gɛ, mɛ̨nįi kɛi pa ɓoi, ə kɛ a mąą kɛla.

Zasua 22:5

Yii lɔ kɛa ka káá gɛi, ya ɓaa: dɔ́nŋąą da bɔ liɛwooɠaa Yai-Laa nwɔ tímun Moisə ə dɛɛ ka pɔ, ka ɉon, ka bɔ mɛ̨nįɠaa kɛ. 'Ka kólo kɛ Yai-Laa ɓa a ka lii kəlee, da, ka yíi pələ kəlee hu, 'ka kanąn nwɔ tɔ́nŋąąi diɛ, 'ka naa hon mo a kwəi tɔ̨nɔ̨ laa.»

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

M̀ɛni-lɛɛi 11:17

diɛ kɛ mą: «Ku kaa Ə́ mąmąɓoi gu Námu Yálá huwalawala kəlee nąmu, yɛ́i laa, yɛ́i wɔlɔ kɛ laa, hvó gaai, yáá ə́ kɛ mɛ̨nį kɛ a yɛ́ huwalawalalaa kɛnɛ̨ɛ̨i, ɛlɛɛ, Yáá Ə́ wɔɔ tɔɔlaai hee.

M̀ɛni-lɛɛi 14:3

Di kɛli wələ nįnɛ̨ too dɔɔkpəlin niila, ɉuwɔ nąąn tii liila, ɛlɛɛ, da galanɉonŋaa tii liila. Ɛlɛɛ, nui lɔpee ta hva pɛli nwələi tii mąąkwɛlii, ə kulɔ lɔ, nu waa-nwun-dɔ̨nɔ̨-ɲee-nąąn-kɔw-nąąn (144.000) tii, diɛi di nwun mąą aa ɓo, diɛ həɠə lɔi mɛ̨i.

M̀ɛni-lɛɛi 14:8

Ɛlɛɛ, malaka veelɛnąą, ə lɛɛ bulu, yɛ mą: «Aa too, aa too! Babilonə daa-lee kɛnɛ̨i aa too! A yai lɔɔ tɔɔ lɔi kəlee la, a nwɔ wɛlikɛ lɔɔ kpəɠiɛi.»

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»