M̀ɛni-lɛɛi 14:6 - Yálá laawoo hɛɓɛ (dc)

⁶ Ɛlɛɛ, ŋį́ ɲɛ̨́i hee, ŋį́ malaka ta kaa, yɛ koon gbɔ ɲələ kwəi. Yálá-taa wɛlɛɛ lɛlɛɛ ə kɛ ɲəi, yɛ pa naa həlii lɔi mɛ̨i nuą diɛ: hįi lɔi kəlee, nu huwu kəlee, hįi wooɓo nuą kəlee.

Yálá laawoo hɛɓɛ

⁶ Ɛlɛɛ, ŋį́ ɲɛ̨́i hee, ŋį́ malaka ta kaa, yɛ koon gbɔ ɲələ kwəi. Yálá-taa wɛlɛɛ lɛlɛɛ ə kɛ ɲəi, yɛ pa naa həlii lɔi mɛ̨i nuą diɛ: hįi lɔi kəlee, nu huwu kəlee, hįi wooɓo nuą kəlee.

Bible

⁶ Ǹaa pôlu mâ, ŋá Ɣâla-taa-kela da kpɛni kàa gɛ koôŋ Ɣâla-taa samai, gɛ ŋwɔlɔ-wɔlɔ-tuŋ lɛ́lɛɛi ƃo diai dîa díkaa ǹɔii mai, gɛ̀ mò lɔii-ŋuŋ kélee ma, nuu-suu kélee, sii-woo kélee, da sii kélee dîa.

M̀ɛni-lɛɛi 14:6 ပူးပေါင်းရင်းမြစ်များ

Zɛnɛse 1:6

Yálá yɛ nwɔ̨nɔ̨ diɛ: «Gɛ́ hɛn da ə kɛ yələ kwəi, ə yələi pələ yáɠaa da lɔi ɓa yáɠaa di ɓɛlaɓo!»

Samia Veerɛi 23:5

Kɛlɛi bələ ɓə Yálá ə gɛ la a nwɔ́ pɛlɛ́i! Mąąhɔlɔɓo, mįnɛ̨i kwa yaa ku ɉəɠə, ga ma a yələ kəlee da nwɔɔ, da bɔ liɛwooɠaai a mɛ̨i kaa. Mɛ̨nįi lɔpee gəlee hu, a yee tɛɛ mąą tɛɛ bɔ́, ə mą kɛ nííɓa mɛ̨nį hu, ya ɓə a gəlee hu nɛɛ mą́ą́.

Mąątɛ̨nɛ̨ 119:142

Ə́ haŋą pələ, gaa a yələ kəlee mɛ̨nį, ə́ wɔ tɔn nwooi ə ɓo a tɛ̨ą.

Mąątɛ̨nɛ̨ 139:24

Gáá kpɔ a nɛlɛɛ, ə gɛ və́ pa ɉon a pələ ɲɔ̨n. 'Li a ɲą́ą́ ɓalo hva kpɛɛ pələ mɛ̨i.

Mąątɛ̨nɛ̨ 145:13

Ə́ wɔ Tɔɔlaa kaa a yələ kəlee tɔɔlaa, ə́ wɔ heeɓolaa a lamun a kwɛlan gəlee da nwɔɔ.

Azaya 40:8

Kala tiliin a kpala, bowa ə yohva; Kɛlaa, guɔ Yálái woo nwɛi gaa lɔ laa a yələ kəlee.»

Azaya 45:17

Israɛlə aa ɓalo Yai-Laa haalai, ɛlɛɛ aa ɓalo a yələ kəlee mɛ̨nį, ka wɛi, nwumɛ̨ hvo pai heei kaa, kpɛli a yələi lɔpee ta, ə mą kɛ lalan, ɛlɛɛ, yələ kəlee mɛ̨nį li, gbɛlai hvo mą.

Azaya 51:6

'Ka ka ɲɛ̨i hee yələkɔlɔn mą, yili pulu ka lɔi ɓa kaa, yələkɔlɔn gaa lɔ pai lɔi gbąi yɛ nwɔ̨n nulu, lɔi yɛ haɠa yɛ həɠə; ɉu nuą diɛ haa yɛ koo koon ɉɛnŋąą. Kɛlaa nwɔ́ ɓalo mɛ̨nįi nwɛi gaa lɔ laa a yələ kəlee, nwɔ́ tələnmolaai hva too.

Azaya 51:8

mąąhɔlɔɓo, hvili kaa pai di mįi yɛ həɠə, di hviliin yɛ huwɔ ləɠa. Kɛlaa nwɔ́ tələnmolaa nwɛi, gaa laa a yələ kəlee, ɛlɛɛ nwɔ́ ɓalo mɛ̨nįi ə ɓo laa a yələ kəlee da nwɔɔ.

Azaya 6:2

Malaka kpɛa-kpɛa hveelɛ di kɛ tɔɔni gbəlin nwun mɛ̨i, di tɛi tɛi, di koon ə kɛ diɛ mɛ̨ida mɛ̨ida. Diɛ di ɲɛ̨ilai gbulu a veelɛ, diɛ di kɔ́wɔ mɛ̨i kpulu a veelɛ, diɛ kɛa koon a veelɛ.

Izikiɛ 1:14

Ɉɛn vulúmąąɠaai tii, di kɛi wean ɓɛ pələ, diɛ wean ɓɛ pələ yɛ yələgbąnąą a kɛi gɛ.

Danîa 4:1

Ɲą́ą́ Nabukodonosorə, ŋą́ kɛ kpɔ heeni ɲə́i bɛlɛ́n nɛ́ɛ́ hu, gɛ́ ɓo ɲə́i dɔɔ kwəlii.

Danîa 9:21

Ɓɛlɔwai ŋą́ kɛi mɛ̨nįɠaai tii laa həli la, malaka Gabriɛlə tii ŋą́ gaa nwɔ́ hįi dɔlɔɔ hu, ə koon, ə lɛɠɛ mą́ą́ a mąąhulaa, ɓɛlɔwai ŋɛ̨i di kɛi yələwulii pɔ haláá kulɔ la.

Maafîu 10:27

Yii ŋą mo kpinįi, ka mo hvóló ŋą. Yii da mo kaa a ɲįį-ɲįį woo, ka mo a lolo.

Markə 16:15

Yili pulu, Jesus ə mo diɛ, yɛ diɛ: «Ka li yɛnɛ̨ɛ̨ nąą kəlee, ka wəlɛɛ lɛlɛɛ laa həli hį́i kəlee ɓa.

Lomaŋ 16:25

Nui a pɛli ka huwalawalai, yɛ bɛli nwɛlɛɛ lɛlɛɛi gáá naa həlii mą, yai vilɛn ŋąą Jesus Kristə ɓa, yɛ bələi mąą mɛ̨nį lowuɔ kaa la, a wɔlɔ-wɔlɔ mɛ̨nį,

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Piɛrə dɔlɔɔ 1:25

kɛlaa, gu Nąmu laa woo nwɛi, gaa laa a yələ kəlee mɛ̨nį.» Yaan nwoo tii, ya ɓaa, Nwɛlɛɛ lɛlɛɛi di naa həli káá.

M̀ɛni-lɛɛi 10:11

Ɛlɛɛ, diɛ mą́ą́: «Hvó kɛli nwɔ̨nɔ̨ ə́ Yálá kwəi mɛ̨nį hukulɔ nu huwuɠaa diɛ, hįi lɔiɠaa diɛ, hįiwooɓo nuą diɛ, ɛlɛɛ, da tɔɔɓɛlaa tamąą.»

M̀ɛni-lɛɛi 10:7

Kɛlaa, ɓɛlɔwai malaka mɛ̨ihveelɛnąą kaa pai nwɔ tului hvɛɛi la, a pa gɔwɔ tɔɔi yɛ nwɔ tului hvɛɛ, nąąlɔwai ɓə Yálá ŋą mɛ̨nį looŋąą pɔ mɛ̨nį a kɛ la, yɛ bələ ə wɔlɔ mo la ŋą tínuąi a gwəi mɛ̨nį hukulɔ nuą di laaləi.

M̀ɛni-lɛɛi 13:7

Di mąąlaa tɛɛ bɔ, ə gɛ, ə kɔ́ pɛlɛ mąąhəɠə nuą diɛ, ɛlɛɛ ɲee ə tɛɛ diɛ, ɛlɛɛ, di hvaŋą tɛɛ bɔ nu huwu kəlee mɛ̨i, nu kəlee mɛ̨i, da hįi woo ɓo nuą kəlee.

M̀ɛni-lɛɛi 3:10

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

M̀ɛni-lɛɛi 8:13

Ya ɓə, ŋą́ ɲɛ̨́i hee, ŋį́ kúwɔ ta koon ɉu tin mɛ̨n kpɔ ɲələi kwɛa la, yɛ mo kpɔ a nwoo kɛnɛ̨, yɛ kɛ: «Kpalo-o, kpalo-o! Kpalo-o, aa ɓɛla lɔi da ɉu heeɓo nuą diɛ, malaka haaɓai daa lɛɛ pulu, diɛ pai di wɔɔ tuluɠaa hvɛɛi mąą mɛ̨nį ɓa!»