M̀ɛni-lɛɛi 14:4 - Yálá laawoo hɛɓɛ (dc)

⁴ Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

Yálá laawoo hɛɓɛ

⁴ Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

Bible

⁴ Ǹûai ŋí ƃe dífe niî díkpîŋ kàra ni a lɔ̀-pɔrɔŋ kɛɛ, kpɛ́ni fêi, dí maa waai. Dia ƃe da lɛ̀ɛ M̀ála-loŋ pôlu dí li ƃɛi kélee a lî naai. Dí dímaa têe núu-kpune yêei yɛ̂ɛ sí-sɛŋ ƃá maa-ŋuŋ Ɣâla mɛni ma da M̀ála-loŋ.

M̀ɛni-lɛɛi 14:4 ပူးပေါင်းရင်းမြစ်များ

Mąątɛ̨nɛ̨ 45:14

Tɔɔ nɛ̨ɛ̨non mąąwiaa kaa bɛlɛ́n bələ, həɠə mąąpuɔ a hɛni ə ɓo gwąną.

Mąątɛ̨nɛ̨ 74:2

Nu kpului ə́ ɉɔlɔɓo a ə́ wɔɔ a yɛnɛ̨ɛ̨ gɔwɔ tɔɔ yələ, ə́ kili lɛɛ ɉu; a nu huwui tii ə́ kɛ diɛ ə́ kwɛlin ni, a Siɔn yeei tii ə́ gɛ a ə́ hee taai.

Wɛli 1:3

Ə́ mąątí wulɔ a ə́ mąą kun nɛ̨ɛ̨! Guɔi! Yá nu lii hon. Ɉɛn kpɔ a gɛ, ə́ wɛli yɛ too la nɛ̨ɛ̨lɛa diɛ, yaa li.

Wɛli 6:8

Tɔɔmun nɛ̨ąni da pɛli kɛi pow mɛ̨ida, nwɔɔ wɛli nɛ̨ąą di ɓo pow mɛ̨ihaaɓa, lonon hva kɛ nwɔ nɛ̨ɛ̨lɛa kpulu ɓa.

Ɉeremi 2:3

Israɛlə lonnii di kɛ a Yai-Laa nwɔɔ, dɔɔ a dee; yɛ hihɛn ma dɔlɔɔ-tɔlɔɔ. Nui lɔpee kɛ a tunwɔ̨n mą, mąą nu a ɉu mɔ̨nɔ̨ mį́i; mɛ̨nį ɲąąnwąnąą ə kɛi laa mąą nu ɓa. Ɲą́ą́ Yai-Laa nwóó li.

Amɔsə 6:1

Kpalo ɓɛlaai kaa, Siɔn daai hee ɓo nuą, kaai ka káá ka nɛɛ nu. Kaai gaa ka kwəi, ka káá ka nɛɛ hu, Samari yeeɠaa tonna. Gaa yɛ kiɛ, kaa ɓə ka laa tɛɛ hį́iɠaa lɔwai, Kaai a Israɛlə nu huwu ɲɛ̨i tɔwɔ nuą.

Maafîu 19:12

Mąąhɔlɔɓo, mɛ̨nįi a gɛ nu tamąą di hva nɛ̨ą hee nwun damąąi. Da daɠaa kaa, hulɔnu laa hva kɛ di yəi, daɠaa diɛn, nuą ɓə da hulɔnu laa kulɔ di yəi, daɠaa nwɔ̨nɔ̨, di hva gɛ di hvo nɛ̨ą hee Yálá-taa tɔɔlaa mąą mɛ̨nį ɓa. Nui a pɛli niɛwoo ŋɛ̨i hon ɉi, ə ɉon.»

Maafîu 25:1

«Yálá-taa tɔɔlaa kɛ pələ kaa yɛ nɛ̨ɛ̨gbɛla pow yiiɠaai kɛi li di ɓɛlan ɉilɛ laakwiɛn ɉii; di di wɔ labonŋąai həɠə, diɛ li.

Maafîu 8:19

Yili pulu, tɔ́n galamɔ̨ɔ̨ ta ə lɛɠɛ Jesus ɓa yɛ mą: «Mąąkwɛli kɛmun, ɓɛi lɔpee ya li laa ŋą hvilɛn ə́ pulu.»

Ɉaan 10:27

Ŋɔ́ ɓɛlaaɠaai da nwóó mɛ̨n, ɲą́ą́n ŋį́ di kɔ́lɔn, ə lɛɛ, da hvilɛn búlú.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Ɉaan 13:37

Piɛrə yɛ Jesus ɓa: «Ną́mu, lə mɛ̨nį ɓa va pɛli hvilɛn ɉi ə́ pulu yiihu? Ŋą́ pɛli kpɔ ŋą́ haa ə́ mąą mɛ̨nį ɓa.»

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Korɛntə dɔlɔɔ 16:15

Ną́n nonnii! Mɛ̨nį tɔ̨nɔ̨ ɓə gáá ɉu hvɛlii káá, 'ká kili kaa ɉu, Stefanasə da ɲəi bɛlɛ́n nuą ɓə kɛ a Akaiə nuą dɔlɔɔ, diɛ di kpɔwɔ kɛ a nu mąąhəɠɛɛɠaa di wɔɔ tínuą.

Korɛntə dɔlɔɔ 6:20

Nu ta ɓə ka nwun mąąɓo a ɉɔ̨nwɔ̨ kɛnɛ̨. 'Ká Yálá mąąwiɛ kan a ka kɔlɔ.

Korɛntə dɔlɔɔ 7:28

Kɛlaa, akɛ yá nɛ̨ą həɠə a wala kɛ tii, yá hilɛ həɠə, hvo nɛ̨ŋɛ̨n ɉəɠə li. Kɛlaa, nuą yiiɠaai nɛ̨ą kaa diɛ, a wala kɛ tii, hilɛ yɛ ɓo diɛ; mɔ̨nɔ̨ tamąą ɓə da mįi di yɛnɛ̨ɛ̨ hu, ŋą́ kɛ bɔ yili ə hvoló káá.

Korɛntə veelɛ 11:2

Ká wɛlii gaa mą́ą́, yili aa ká mąą tolo lɔ ɉú, nwɛlikɛmąąlaa kɛnɛ̨i tii ə həɠə Yálá pɔ. Hulɔnu tanɔ̨n gbən mə, ŋą́ ká toonwəlii kɛ mą, ya ɓaa a Kristə. Ŋą́ ká lɛ mą yɛ, nɛ̨ɛ̨gbəla mąą haŋąnŋąąi hvo hulɔnu mɛ̨nį hu kɔlɔn;

Ifisiɛŋ 1:14

Gilii tii ɓə gaa a Yálá kwɛlin gu kaa pai ɉɔlɔɓoi, tɔlɔɔ, guɔ gu wɔɔ hɔlɔɓo naa tɛ́ mɛ̨ni da mąąwiɛ mɛ̨ni hu.

Ifisiɛŋ 5:27

Bələ ɓə ə kɛ la tii bɔ, ə dɔɔ gbɔwɔ kpinįi liila, mąąhəɠɛɛ, ɲɔ̨n ɉii da mąąkulɔi lɔpee ta hva kɛ mą ɲɛ̨i ɓa. Bələ ɓə ə kɛ la bɔ, nwɔ kpɔn ə kɛ a mąąhəɠɛɛ kiliin ɉii ɲɔ̨nwɔ̨ɔ̨ hva kɛ mą.

Timote dɔlɔɔ 4:3

Di pai tɔn dɔɔi hilɛtai mɛ̨nį ɓa, diɛ tɔn dɔɔ kɔ̨nɔ̨n daɠaa diɛ, ya pa, Yálá ə di pɛli, laa na nuąi álá kɔlɔn a neelee, da kɛli mįi, diɛ Yálá mąmąɓo.

Hebreu 12:23

ɛlɛɛ, káá lɔ, Yálá lonnii dɔlɔɔɠaa di wɔɔ kpɔn hu, a diɛi di laa pɛ̨ɛ̨i yələkɔlɔn ɉu; ɛlɛɛ, káá ká mąąlɛɠɛ Yálá ɓa, yai a nu kəlee kiti teemun, da tələnmo nuą nįį, diɛi daa həli mɛ̨nį kəlee laa kulɔi.

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 21:22

Kɛlaa, və́ Yálá hee pɛlɛ́ kaa daai tii hu, mąąhɔlɔɓo, Hééɓolaa Kəlee Nąmu Yálá, ɛlɛɛ, da Mɛlaa Lon, diɛ ɓə kɛ a bɛlɛ́.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

M̀ɛni-lɛɛi 3:4

Kɛlaa, ə mą kɛ tii, Sardɛsə ɓɛ li, nu tɛi-tɛiɠaa kaa laa, di hvo di wɔ həɠəɠaai kɔhɔɓo li. Di kaa pai kɛi bɔ́ həɠə kwələ hu, mąąhɔlɔɓo, mąąlaa kaa di yəi.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą