M̀ɛni-lɛɛi 14:10 - Yálá laawoo hɛɓɛ (dc)

¹⁰ mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.

Yálá laawoo hɛɓɛ

¹⁰ mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.

Bible

¹⁰ maa-nuui a pâi Ɣâla ŋɔlii-ŋwânai-ŋwã̂aii da kpelêi, ŋwã̂ai kpanaŋ nyii zu fé pu ni a yái, nyíi bûɔi Ɣâla ŋɔlii-ŋwana-kɔpui sui. Maa-nuui a pâi ŋɛi-maa-penêi sɔlɔ ƃói a ŋɔŋ da sɔɔfɔ Ŋ̀âla-taa-kela maa waai ŋ́ɛi-tuɛ da M̀ála-loŋ.

M̀ɛni-lɛɛi 14:10 ပူးပေါင်းရင်းမြစ်များ

Zɛnɛse 19:24

Nąąlɔwai ɓə Yai-Laa ə nwɔ̨n dulɔ pu la Sodomə taa da Gomorə taa di mɛ̨i.

Zôo 18:15

Ya pɛli kɛa ə́ yii ɲəi bɛlɛ́n, nwɔɔ naa hvəli kɛa, di kaa pai ɲinɛnŋąą kpɛi ɲəi bɛlɛ́n,

Zôo 21:20

Diɛ kpinįi di ɲɛ̨i ə tɔɔ di hu kala mɛ̨nį hu, di Huwalawala Kəlee Nąmu nwɔ líiholii kɔ́ɔn di gaa.

Mąątɛ̨nɛ̨ 11:6

'Ə nwɔ̨n ɲɛhɛ-yɛhɛ pu a tulɔ nwąnąlɔmun mɛ̨i. Nwɔ̨n, hvąŋą, da ɉigilin, yili ɓə di kpələ gbąmą hu, diɛ gbələ.

Mąątɛ̨nɛ̨ 37:34

'Ə́ kilitɔɔ Yai-Laa ɓa, lɛɛ nwɔ pələi mɛ̨i; gaa pai ə́ kɛnɛ̨i, yɛ́ lɛɛ a nɔi nąmu, ə́ kaa pai nu ɲɔ̨nwɔ̨ɔ̨ɠaa kaai diɛ di kulɔ a di nwun.

Mąątɛ̨nɛ̨ 52:6

Ee kə! Nu ɓowo nɛ̨n, kɛɛ kala woo kəlee wɛli kaa yɛ́.

Mąątɛ̨nɛ̨ 60:3

Yálá, yáá ku pili, yáá ku hu taɠa-taɠa, Ə́ líiholiɛ kɛ! 'Pənə ə́ ku pu ku nįnɛ̨ kɔ́lɔi.

Mąątɛ̨nɛ̨ 73:10

Yili ɓə a kɛ gɛi, Yálá nwɔ nuą diɛ tinɛ̨n nąą pələ; ɓɛi da ya tɛɛ laa di pɔ kɛnɛ̨.

Mąątɛ̨nɛ̨ 75:8

Yálá ɓə a kiti tee, yaa lɔ ɓə a nu mąą yɛɛ, yɛ nu nwun muhəɠə.

Mąątɛ̨nɛ̨ 91:8

Ə́ ɲįnąąɓo lɔ, ə́ ə́ ɲɛ̨i hee, bələi di kaa nwąnąlɔ nuą hvɛla kulɔi la, ə́ nąą kaa.

Azaya 29:9

Ka kwəi ə pili kaa, hvaa hvo kulɔ ka la, ka ɲɛ̨i ə pu, ka lɛɛ lɔ kɛa tii; ka kɛ tɔɔi takpa takpa, kɛlaa hva kɛ a lɔɔ laa pɔɔ, ka kɛ ka yee pɛlɛi ɓɛ-ɓɛ, Kɛlaa lɔɔ laa hva kɛ ɉu.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Azaya 34:9

Edɔmə lɔi hu yaɠaa mąą kaa pai pənəi a həɓəyá, munuun mąą ə pənə a kiə́n vunwɔ̨, nɔi tii kaa pai kɛi yɛ nwɔ̨n a ɓɛla wulɔ hu,

Azaya 51:17

'Ə́ muhəɠə, 'ə́ muhəɠə, 'haŋą ə́ tɔɔ Ɉerusalɛmə, yɛ́i ŋɛ̨i Yai-Laa yee ə nwɔ liiholi ya tɔɔ ə́ lai, ə nwun ɉu tínɛ̨n gbama tɛɛ ə́ pɔ, ə́ ɉu lɔɔ kpələ, ə́ ɉu ɓo.

Ɉeremi 25:27

Ə́ kaa pai kɛi diɛ: «Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: ka ká kpələ kpɔ ə lɛɛ ɉu ə ka hon, kaa ɓaɠi, ka too ka hva pɛli ka muhəɠəi, gɔ́ kɔ́ ɓɔwai gáá pai bilii ka lɔwai ɲɛ̨i tɔwɔ.»

Ɉeremi 49:12

Gaa tii, Yai-Laa woo ka: «Nuąi kɛ mąą hvo nɛ̨ɛ̨li di hvo nɔɔ ta kpələ, da di kpaan, diɛ da tɔɔ di la, ɛlɛɛ, yɛ́i ŋɛ̨i ə́ nwun a kulɔ ɉu, hva kɛ tii, ə́ nwun va kulɔ ɉu, hva ɉəɠə mą, ə́ kaa pai da kpələi.

Ɉeremi 51:57

«Gáá lɔɔ tɔɔi Babilonə lɔi hu kóló kɛ nu kpɛa kpɛa kəlee la, da nwɔ mɛ̨nį kɔ́lɔn nuą, da nɔi ɲɛ̨itɔwɔ nuą, bɛlɛɛ galanɉonŋaa diɛ, da gulaaɠaa; yɛ di hon. Di kaa pai yíi, kpɛla bələi hva kɛ mą, di hva kɛa di ɲįnąąɓo. Dɔɔmun da kɛ naa ɓaa a: Yai-Laa Mɛ̨nį Kəlee ŋą Hééɓomun nwoo li!»

Woolaa 4:21

Ee kə, Edɔmə lɔi hu hee ɓo nuą! A kɛ lɔ tii, 'ká pili kpɔ yələi a kwəinɛ̨ɛ̨! Káái heeni Usə lɔi ɓa! Káá kpɛli mąn, gbələ kɔ́wɔ ŋɛ̨i kaa pai tɛɛi ka laa ɓa, gaa pai ká hon ɉii yɛ lɔɔ, kaa ká kpuwulu mąą lɛ.

Izikiɛ 38:22

Gáá pai ɉu tɔɔi a ɲɔ̨n da ɲąmą; yaa mąn, da nwɔ kɔ́kulááɠaa, da nu kpulu tamąąi tii pai kɛi bɔi; ŋą́ tulɔ kɛnɛ̨ pu di mɛ̨́i, da hɔ̨n gbuɠulu, da nwɔ̨n, ɛlɛɛ, da nwɔ̨n maɠa.

Habakukə 2:16

Nwumɛ̨ ka tii, ka káá ka kpɔwɔ kwɛlii la, mąąwiɛ hvo li. Kaa kpɛli, ka nɔɔ tii ta kpələ, ka ka kpuwulu lɛ. Yai-Laa, kaa pai ka ɲee tɔɔi ka kwaną, Nwɔ liiholii yɛ ka kɛlɛ́ yɛ lɔɔ, ka wɔ mąąwiɛ mąą a pənə a ɓɛlɛkpɛɛmąą.

Maafîu 20:22

Jesus ə nwoo ŋąąpənə yɛ mą: «Yii ka káá vɛɛli ka hvo gɔlɔn. Mɔ̨nɔ̨i gáá pai mįi ka pɛli ka mįi?»

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Maafîu 26:39

Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Markə 8:38

Akɛ nu a nwumɛ̨ náá ɓoi, ə nwumɛ̨ nwɛlɛɛ lɛlɛɛ ɓo mɛ̨nį ɓa, háákələi nuą ŋɛ̨i di hvo tələnmo li diɛ nɛ̨ŋɛ̨ gɛ, di ŋɛ̨i ɓa, Nu Lon yaa kpɛli a tinąą nwumɛ̨ mąą nu laa ɓoi, ɓɛlɔwai a paa la da Yálá nwɔ malakaɠaa Nąn nwɔ mąąwiɛ hu.»

Markə 9:44

ə tɛɛ ə́ nąą kəlee ŋąąpɛliɛ ɓa, diɛ bili ɉahanąma nwɔ̨n ɉu yii hva luwun.

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Zûu 1:7

Yii ɓaa Sodomə da Gomorə da di kwɛlɛ taaɠaa, diɛi wɔlɔ kɛi túwɔ́ pələ ɲɔ̨n gulɔ gee pɔ. Diɛ wɛli ɲɔ̨nwɔ̨ɔ̨ kɛ a diɛ gee, hinąą diɛ láá a di gee, diɛ láá a huwɔɠaa. Nuą tii kaa háákələi nwɔ̨n ɉu yii hva luwun. Mɔ̨nɔ̨i tii di kaa mįi, yili kaa a mɛ̨nį kɔ́ɔn mąą da kili lɛɛ ɉu nu kəlee mąą mɛ̨nį ɓa.

M̀ɛni-lɛɛi 15:7

Ɉuwɔ nąąn tii dɔ̨nɔ̨ ə hɛni kpələ-kɔ́wɔ mɛ̨ihveelɛ tɛɛ malaka mɛ̨ihveelɛi tii pɔ, naahvɛɛ a Yálái a vúlumąą ɲɛ̨n deei hvo mą, ŋą liiɲąnwąną.

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.

M̀ɛni-lɛɛi 18:3

Mąąhɔlɔɓo, ə ŋą wɛlikɛ lɔɔ kpəɠiɛi tɔɔ hįi lɔi kəlee la; lɔi mɛ̨i tɔɔɓɛlaa di too bɔ ŋą wɛlikɛɛ tii hu, ɛlɛɛ, yɔw kɛ nuąi lɔi mɛ̨i, di hɛn ɉɔlɔɓo nwɔ ŋąąnɛ̨ɛ̨ háálai.»

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

M̀ɛni-lɛɛi 20:14

Ya ɓə di haa da ŋąmuątaa di di pili nwɔ̨n máɠa hu. Nwɔ̨n máɠai tii ɓə a haa veelɛnąą!

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»