M̀ɛni-lɛɛi 13:8 - Yálá laawoo hɛɓɛ (dc)

⁸ Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

Yálá laawoo hɛɓɛ

⁸ Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

Bible

⁸ Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ-pìlaŋ-tãi é lɛ́ɛ serii.

M̀ɛni-lɛɛi 13:8 ပူးပေါင်းရင်းမြစ်များ

Zɛnɛse 22:7

Isaakə ə nąn Abrahamə mąąnikɛ, yɛ mą: «Ną́n!» Abrahamə ə nwoo ŋąąpənə, yɛ mą: «Nón, yɛ́ lə?» Yɛ mą: «Nwɔ̨n gaa gu yəi, kwɛi yɛ ɓo gu yəi, kɛlaa, mɛlaa lon gu kaa lii gulɔi a haláá, gaa mį?»

Mąątɛ̨nɛ̨ 69:28

Di kɛ mɛ̨nį ɲɔ̨nŋaa pu gee mɛ̨i, di wɔɔ nąą hvo kɛa kɛ ə́ wɔ tələnmolaai hu.

Lɛɛ gbɔwɔ ɓa 32:32

Kɛlaa, akɛ yá hvaa mą, ə́ di wɔ nɛ̨ŋɛ̨ŋąą mąą hvaalɛɛ, a wala kɛ ti, ɉɛɓɛ́i ŋɛ̨i Ə́ náá pɛ̨ɛ̨ ɉu nwaa.»

Azaya 4:3

Nąąlɔwai, nuąi pai kulɔi ɉu, Siɔn daai nuąi kpəli woloi pai lɛɛi, Ɉerusalɛmə daai nuąi pai lɛɛi a di hvulú, di kaa pai di laa heei a: nu mąąhəɠɛɛɠaa, di kaa pai di kəlee di laa pɛ̨ɛ̨i Ɉerusalɛmə, diɛ pɛli lɛɛi yɛnɛ̨ɛ̨.

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Lukə 10:20

Kɛlaa, ka hvo ka kwəinɛ̨ɛ̨ mąąhɔlɔɓo, ɲįnɛ̨nŋąa daa ka woo hon, ka ka kwəinɛ̨ɛ̨, mąąhɔlɔɓo, ka laa kaa Yálá nwɔ nu kpului laa pɔ yələkɔlɔn ɉu.»

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

M̀ɛni-lɛɛi 12:15

Ya ɓə, gaaləi tii ə ɓaɠi a yálee kɛnɛ̨ ta, ə vilɛn nɛ̨ɛ̨nui tii pulu, ə gɛ, ɲá hvaŋą ə ɉəɠə.

M̀ɛni-lɛɛi 13:12

Ɉuwɔ tɔlɔɔi tii nwɔ hvaŋąi ɓə ə kɛli kólo kɛ ɉu ɲɛ̨i mu. Ə kɛli hɔlɔhimą laa lɔi mɛ̨i heeɓo nuą mɛ̨i, diɛ kwɛli hvilɛn ɉuwɔ tɔlɔɔi tii di nwąną baa pələ ɓa, yai bala ə kpɛɛ, mą.

M̀ɛni-lɛɛi 17:8

Ɉuwɔi tii ə́ gaa, ə wɔlɔ kɛ laa, kɛlaa hvo kɛa laa. Gaa pai kulɔi nowa kpon gweaa hu, ə li nwun napili hu. Ɛlɛɛ, lɔi mɛ̨i nuąi di laa hvo kɛ pɛ̨ɛ̨ li ɓalo hva kpɛɛ hɛɓɛ́ hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa, di kwəi kaa pai pilii diɛ, da ɉuwɔi tii kaai da mo, mąąhɔlɔɓo, ə kɛ laa, hvo kɛa laa, kɛlaa, gaa pənəi ə pa.

M̀ɛni-lɛɛi 21:27

Mɛ̨nį kɔhɔɓoɔ da lɛɛ, di ha lɛɛ nu ta yee pɔ hvo lɔ la laa, kɛlaa, hvo kɛli lɔ nuąi di laa pɛ̨ɛ̨ kaa mɛlaa lon ŋą yɛnɛ̨ɛ̨ kɛ hɛɓɛ́ hu, diɛ ɓə da lɔ laa.

M̀ɛni-lɛɛi 3:10

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.

M̀ɛni-lɛɛi 3:5

«Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.

M̀ɛni-lɛɛi 5:12

Di kɛli mo kpɔ a di woo kɛnɛ̨ɛ̨ diɛ kɛ mą: «Mɛlaa Lon di gulɔ a haláá, yaa lɔ ɓə mąąlaa kaa ɲəi, yɛ pɛli huwalawalalaa, hɛn nąmu laa, kilikɛɲəi laa hvaŋą, mąąwiɛlaa da mąątɛ̨nɛ̨ɛ̨ hɔlɔɓoi.»

M̀ɛni-lɛɛi 5:13

Pɛli hɛn gəlee, yɛ ə kɛ, yələi pələ, yɛ ə kɛ, lɔi mɛ̨i, yɛ ə kɛ, lɔi mu, ɛlɛɛ, gboloyá ɲą, hɛn kpɔ gaa gɛɛnąąɠaa tii ɓa, ŋą́ gəlee woo mɛ̨n, diɛ kɛ: «Nui gaa heeni dɔɔkpəlin ɉu, da Mɛlaa Lon, di pɔɔ ɓaa a mąątɛ̨nɛ̨laa, ɓɛlɛlaa, mąąwiɛlaa, da hvaŋąlaa, ɲɛ̨n deei hvo mą!»

M̀ɛni-lɛɛi 6:1

Yá ɓə ŋį́ ɲɛ̨́i hee, ɓɛlɔwai Mɛlaa Lon ə kɛli pai gɔ́lɔn ɉɛn mɛ̨ihveelɛi tii dɔlɔɔ holoon ɉii lai, ŋą́ ɉuwɔ nąąn tii dɔlɔɔ tomą woo mɛ̨n kpɔ kɛnɛ̨, yɛ kɛ mą: «'Pá!»