M̀ɛni-lɛɛi 13:7 - Yálá laawoo hɛɓɛ (dc)

⁷ Di mąąlaa tɛɛ bɔ, ə gɛ, ə kɔ́ pɛlɛ mąąhəɠə nuą diɛ, ɛlɛɛ ɲee ə tɛɛ diɛ, ɛlɛɛ, di hvaŋą tɛɛ bɔ nu huwu kəlee mɛ̨i, nu kəlee mɛ̨i, da hįi woo ɓo nuą kəlee.

Yálá laawoo hɛɓɛ

⁷ Di mąąlaa tɛɛ bɔ, ə gɛ, ə kɔ́ pɛlɛ mąąhəɠə nuą diɛ, ɛlɛɛ ɲee ə tɛɛ diɛ, ɛlɛɛ, di hvaŋą tɛɛ bɔ nu huwu kəlee mɛ̨i, nu kəlee mɛ̨i, da hįi woo ɓo nuą kəlee.

Bible

⁷ Dí nɛ̀ɛ maa máŋ é kɔ́ pɛ́lɛ Ŋ̀âla-ƃelai dîa é díyee mɛi ɣale. Dí wala-wala tɛ̀ɛ bɔ nuu-suu kélee mɛi, da sii kélee, sii-woo kélee, da lɔii-ŋuŋ kélee.

M̀ɛni-lɛɛi 13:7 ပူးပေါင်းရင်းမြစ်များ

Lɛɛ gbɔwɔ ɓa 9:16

Kɛlaa, ŋą́ ə́ lɛɛ a ə́ hvulú, ŋą́ nwɔ́ huwalawala laa lɛ yɛ́, əgɛ Náá ə tɛ lɔi mɛ̨i nąą kəlee.

Azaya 10:15

Akɛtii, yowa a mɔ̨ɔ̨ nwun dɛ, nui kóló kɛi la mɛ̨i? Gbɛa a mɔ̨ɔ̨ nwun dɛ nui kóló kɛi la mɛ̨i? Awala kɛtii, gbɔn a mɔ̨ɔ̨ pɛli nui gaa ɲee ŋą, ə dənən dɔɔi? Tunwɔ̨n a mɔ̨ɔ̨ pɛli dumo dɔɔi, nąmu tɛɠii?

Azaya 37:26

Ə́ kili hvo mɔ̨ɔ̨ ɉu yɛ́ kɛ ŋą́ą́ mɛ̨nįi ɲɛ̨́i mąą kili tee gwə́i, ɉu aa kwɛa? Ɛlɛɛ, ŋą́ą́ gíliŋąhiɛ mą, ə həɠə kpɔ tɔwɔ tɔwɔ yələ ɓa, Gáá kɛa gɛi yiihu: Yá pɛli mą ə́ taa kpɛa kpɛa mąą pənə a kwɛni hį́iɠaa.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Danîa 7:21

Ɲɛ̨́i ə lɛɛ mįnɛ̨i tii ɓa, ə kɔ́ pɛlɛ Yálá nwɔ nuą diɛ, ə yeetɛɛmąą kɛ di mɛ̨i,

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Lukə 4:6

Yɛ Jesus ɓa: «Ŋą́ pɛli ŋą dɔɔlaaɠaa ŋɛ̨i kəlee di wɔ huwalawala da ɉu hɛn gɔw tɛɛ ə́ pɔ, gəlee kaa a ɲą́ą́ nwɔ́, nui ŋą kɛ bɔ, ya ɓə ŋą dɛɛ bɔ.

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

M̀ɛni-lɛɛi 10:11

Ɛlɛɛ, diɛ mą́ą́: «Hvó kɛli nwɔ̨nɔ̨ ə́ Yálá kwəi mɛ̨nį hukulɔ nu huwuɠaa diɛ, hįi lɔiɠaa diɛ, hįiwooɓo nuą diɛ, ɛlɛɛ, da tɔɔɓɛlaa tamąą.»

M̀ɛni-lɛɛi 11:18

Hįi lɔiɠaa daa di kpɔwɔ liikələn di kwəi, kɛlaa, ə́ wɔ liiɲąnwąną aa too pono ɲą. Haa nuą kiti tee yələ ka, yɛ́ tínuąi a ə́ kwəi mɛ̨nį hukulɔ nuą, di hvɛla kulɔ yələ ka, ə pɛlɛ la nu mąąhəɠɛɛɠaa diɛ da nuąi da ɲɔw ə́ laa ɓa, bɛlɛɛɠaa da mąn gbɛa-kpɛaa mąn, a nuąi daa yɛnɛ̨ɛ̨ kala, di kala yələ.»

M̀ɛni-lɛɛi 11:7

Kɛlaa da pa kpɛɛi a gɛla woo ɓoɔ, ɉuwɔi tii pai kulɔi nowa kpon gwɛaa hu, gaa pai kɔ pɛlɛi diɛ, ɲee ə tɛɛ diɛ, ɛlɛɛ, ə di paa.

M̀ɛni-lɛɛi 12:17

Niikələn bələ gwəi nɛ̨ɛ̨nui pɔ, gaaləi ə pənə ə li ə kɔ pɛlɛ, nɛ̨ɛ̨nui lon gbəliɠaai lɛɛ laa diɛ, a diɛi tii di yee kąnąnŋąą kɛ Yálá ŋą tíɓoɠaai diɛ, ɛlɛɛ, da Jesus mąą kɛla hvaa.

M̀ɛni-lɛɛi 17:15

Yili pulu, malaka yɛ mą́ą́: «Ɲáɠaa tii ə́ gaa ɓɛi nwɛlikɛ nɛ̨ɛ̨nui tii heɛ ə kɛ laai, di kaa a huwuɠaa, a nu kpuluɠaa, hįi lɔiɠaa, ɛlɛɛ, da hįi wooɠaa.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą