M̀ɛni-lɛɛi 13:5 - Yálá laawoo hɛɓɛ (dc)

⁵ Di hvaa laaləi kɛ ɉuwɔi tii pɔ, yɛ pɛli, huɲąŋą kɛnɛ̨ wooɠaa ɓoi, da Yálá lalan nwooɠaa, ɛlɛɛ, di hvaŋą tɛɛ bɔ, ə gɛ-mɛ̨nį kɛ ɲąnįn bow-nąąn-kɔw-hveelɛ yee mu.

Yálá laawoo hɛɓɛ

⁵ Di hvaa laaləi kɛ ɉuwɔi tii pɔ, yɛ pɛli, huɲąŋą kɛnɛ̨ wooɠaa ɓoi, da Yálá lalan nwooɠaa, ɛlɛɛ, di hvaŋą tɛɛ bɔ, ə gɛ-mɛ̨nį kɛ ɲąnįn bow-nąąn-kɔw-hveelɛ yee mu.

Bible

⁵ Nya ƃe díwala-wala-laa tɛ̀ɛ zuai pɔ a gɛɛ é lii-kɛtɛ-woo da tɛ-ŋɛi-woo-ŋa ƃo, ǹyaŋ dí nɛ̀ɛ naa a gɛɛ é tíi kɛ́ a ŋɔwala-wala-laai ɣáloŋ buu náaŋ kao feerɛ yée mu.

M̀ɛni-lɛɛi 13:5 ပူးပေါင်းရင်းမြစ်များ

Mąątɛ̨nɛ̨ 12:3

Lɛɛ lɔ ɓə da gɛ di kee ɓa: Di laawulun yɛ ɲąątɛ kɛ, di nɛ̨n ə ɓo di la hveelɛ.

Izikiɛ 35:13

Ka kɛi mą́ą́ mɛ̨nį ɓo a ɲɛ̨i tɛ, kaa pələɠaa ɓo a náá, a kpɔwɔ ɲąą kɛnɛ̨; kɛlaa, ŋą́ gəlee mɛ̨n.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 12:12

Lúwɔ́ lonnii ɓaa nuąi pai mąąkpɔn gɛi, ə lɛɛ la ɉu, di həli voló waa tɔ̨nɔ̨ pulu nwun ɉaaɓa ɲee haaɓa gɔw lɔɔli (1335) ɓa.

Danîa 7:11

Ŋą́ lɛɛ lɔ nwɔ̨nɔ̨ naa kaai, nwoo kpɛa-kpɛai tii ɉuwɔ mįnɛ̨i ə kɛi mo mąą mɛ̨nį ɓa, ɲɛ́í ə lɛɛ ɉuwɔi tii ɓa, di baa, di bowa too nwɔ̨n ɉu, ə gɛ, ə kələn.

Danîa 7:20

Ŋą́ kɛ nwɔ̨nɔ̨ bɔ ŋą́ mɛ̨nį ta kɔ́lɔn yɛ hvilɛn na ɉuwɔi tii mįnɛ̨ kaa pow ma. Ə lɛɛ, dɔ̨nɔ̨i ŋɛ̨i tɔɔ nwun ma, ɉaaɓa diɛ too, ə lɛɛ, mįnɛ̨ tɔ̨nɔ̨i tii ɲɛ̨ikɔw ə kɛ mą yɛ nu, laaləi yɛ ɓo mą, yɛ woo kpɛa-kpɛaɠaa ɓo, yai kɛnɛ̨ ə tɛɛ mɛlaa diɛi.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Danîa 7:8

Ɲɛ̨́i ə lɛɛ lɔ ɉuwɔi tii mįnɛ̨ɠaa diɛ, nogolo ta yɛ tɔɔ di lɔwai. Ɓɛlɔwai nogoloi tii ə kɛi tɛ la, ɉuwɔi tii mįnɛ̨ haaɓa ə kulɔ ɉu. Ɉuwɔ mįnɛ̨ logoloi ŋɛ̨i tɛ a nįnɛ̨, ɲɛ̨ikɔw ə kɛ mą yɛ nu, naaləi yɛ ɓo mą, yɛ mɛ̨nį kpɛa-kpɛa ɓo.

Danîa 8:14

Malaka dɔlɔɔi tii ə nwoo ŋaapɛ̨nɛ̨ yɛ mą: «Yələwulii da yələwala waa hveelɛ pulu nwun ɉaaɓa tɛɛ pulu ɓə, di kaa pai pənəi di ɉaláá kulɔi pɛli la.»

Tɛsalonikə veelɛ 2:3

Nu ta hvo kɛ gaa ká ɲąahɛn ɉii a pələi lɔpee gəlee; hvo kɛli ni nuą di lənə laa na pələ ɓa, ɛlɛɛ, hvo kɛli Yálá mɛ̨nį Mɛlɛtoomun, ə gbɛa gbɔwɔ lɛ, yai a nwun na pili-lon,

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Tɛsalonikə veelɛ 2:8

nąąlɔwai ɓə mɛlɛtoomun tii a kulɔ la pono ŋą, ɛlɛɛ, gu Ną́mu Jesus ə nwun napili a naa-hvaŋą, ə ɉu kala, a nwɔ kɛɛ ponoi gaa pai la, ɉu.

M̀ɛni-lɛɛi 11:7

Kɛlaa da pa kpɛɛi a gɛla woo ɓoɔ, ɉuwɔi tii pai kulɔi nowa kpon gwɛaa hu, gaa pai kɔ pɛlɛi diɛ, ɲee ə tɛɛ diɛ, ɛlɛɛ, ə di paa.

M̀ɛni-lɛɛi 12:14

Di Kúwɔ koon gbɛa-kpɛaa hveelɛ tɛɛ nɛ̨ɛ̨nui tii pɔ, ə gɛ, ə koon, ə li nɔi pun ɉu, ɓɛi tii di naa pɛli mąą mɛ̨nį ɓa, diɛ gɔ̨nɔ̨n gɛ laa, mąą ə kwɛaa gaaləi tii ɓa, ə lɛɛ ɉu kwɛlan ɉaaɓa da gbulɔ.

M̀ɛni-lɛɛi 12:6

Ya ɓə, nɛ̨ɛ̨nui tii ə pu, ə li nɔi pun ɉu, ɓɛi Yálá ə nąą pɛli mąą mɛ̨nį ɓa, əgɛ, ə lɛɛ laa, diɛ gɔ̨nɔ̨n gɛ, hvóló waa tɔ̨nɔ̨ pulu nwun veelɛ-ɲee-mɛ̨ida yee mu.

M̀ɛni-lɛɛi 13:7

Di mąąlaa tɛɛ bɔ, ə gɛ, ə kɔ́ pɛlɛ mąąhəɠə nuą diɛ, ɛlɛɛ ɲee ə tɛɛ diɛ, ɛlɛɛ, di hvaŋą tɛɛ bɔ nu huwu kəlee mɛ̨i, nu kəlee mɛ̨i, da hįi woo ɓo nuą kəlee.