M̀ɛni-lɛɛi 13:2 - Yálá laawoo hɛɓɛ (dc)

² Ɉuwɔi tii ŋį́ gaa, gɛ pələ ə kɛ yɛ kwɛ́li, gɔwɔɠaa diɛ ɓo yɛ yáwolo, ɛlɛɛ, naaləi ə ɓo yɛ yala. Ɛlɛɛ, mąąɲɔɔ-hɛn tii ə nwɔ yəi kɛnɛ̨laa tɛɛ bɔ, ə bɛlɛ nwɔ tɔɔkpəlin ma, ɛlɛɛ, da ɲąąwooɓolaa kɛnɛ̨ɛ̨ ta.

Yálá laawoo hɛɓɛ

² Ɉuwɔi tii ŋį́ gaa, gɛ pələ ə kɛ yɛ kwɛ́li, gɔwɔɠaa diɛ ɓo yɛ yáwolo, ɛlɛɛ, naaləi ə ɓo yɛ yala. Ɛlɛɛ, mąąɲɔɔ-hɛn tii ə nwɔ yəi kɛnɛ̨laa tɛɛ bɔ, ə bɛlɛ nwɔ tɔɔkpəlin ma, ɛlɛɛ, da ɲąąwooɓolaa kɛnɛ̨ɛ̨ ta.

Bible

² Zuai ŋá gàai, è kɛ̀ yɛ̂ɛ kɔ́li, gɔ́ɔ kɛ́ ƃo yɛ̂ɛ dítela, ǹá kɛ́ ƃo yɛ̂ɛ yala-sulu. Ǹyao-maa-suai è ŋɔsu-kpanaŋ tɛ̀ɛ bɔ, da ŋɔkâloŋ-see-sɛŋ, é pɛ́lɛ ŋɔwala-wala-laa kɛ́tɛi ma.

M̀ɛni-lɛɛi 13:2 ပူးပေါင်းရင်းမြစ်များ

Tɔɔɓɛlaa veelɛ 2:24

Elise ə tinɛ̨n, ə ɲɛ̨i hee diɛ, ə di nɛ̨ŋɛ̨n nąą Yai-Laa laa hu. Nąąlɔwai ursə hveelɛ di kulɔ nɔwɔi, di pa, di nɛapɛlɛ tii bow nąąn kɔ́w hveelɛ paa ɉu.

Mąątɛ̨nɛ̨ 22:21

'Ŋą́ yɛnɛ̨ɛ̨ kulɔ kɔ́ kɔ ɓowa yəi, gúlɔ yilɛɠaa yeeɲąnin ɉu.

Hanwon 17:12

Kwɛ́li-háái daa nonnii kulɔ ɲəi, da nu di kwiɛn ŋąą hviɛlaɓoɔi, ka ɓowomun ka kwiɛn, nwɔ ɓowoi a gulɔ.

Hanwon 28:15

Mąąwɛli lɔi ɲąąwooɓomun a kɛ a nwąnąlɔmun, gaa yɛ yala a kɛi hvuluun, yɛ yákwɛli a kɛi laŋin.

Azaya 5:29

Nwoo kaa tɔɔi yɛ Yala haa, gaa huluun ɉi yɛ Yala laŋą lon, a tómą, ə wolo gɔ̨nɔ̨n mą, yɛ li la, nu hva hɔlɔɓo hvo gulɔ ɲəi.

Ɉeremi 13:23

Akɛti, nu a pɛli mɔ̨ɔ̨ gɔlɔ mąą hvalin ɉii? Kwɛ́li a pɛli mɔ̨ɔ̨ gɔlɔ mąą hvalin ɉii? Kpaa-o! Ɛlɛɛ, kaa ŋɛ̨i mɛ̨nį ɲɔ̨n aa ɓɔ ka hui, ka pɛli kɛa mɛ̨nį lɛlɛɛ kɛi?

Ɉeremi 5:6

Yili mąą mɛ̨nį ɓa, yalaɠaa kaa kulɔi gban mu, diɛ wolo diɛ; húlúɠaa diɛ kulɔ gbaalə hu, diɛ di hu kala. Kwɛ́liɠaa diɛ di wɔ taaleeɠaa kwɛlɛ tɛ; hɛn kpɔ a kulɔ taai diɛ ɉu hvala-hvala. Mąąhɔlɔɓo, di wɔ kwɛli tee laa hu lɔ ɓə kɛnɛ̨i, diɛ di pulu tɔɔ la Yálá ɓa.

Osia 11:10

Di kaa pai hvilɛn ɉii Yai-Laa pulu, gaa pai huluun ɉii yɛ yala, a kɛi pa huluun ɉii, lonŋąą kaa pai həɠəi hvóló tooi pələ, diɛ pa a gilɛ, di mąą yɛ kpɛlin.

Amɔsə 3:12

Yai-Laa yɛ diɛ: Pələi lɔ tii Yala a ɓɛlaa hon na, mɛlaa pulu mun nwɛi ɛlɛɛ a gɔwɔ-kwana hveelɛi, a wala kɛ tii, nwəli kpuɔ, Israɛlə nu huwui di heɛ kaa Samari daai, pələ lɔ ɓə gaa pai kɛi la a diɛ, diɛ yiiɠaai di kaa heeni gbəlin gbɛa kpɛaa hu, a wala kɛ tii, di laa kpin nɛlɛɛ ŋą. Gbəli wolo lɔ ɓə nwun maa kaa pai ɓoi.

Amɔsə 5:19

Volói tii kaa yɛ: nu aa kɛi gilɛ həɠə Yala tɔwɔ, ə li ə kwiɛn a Kwɛ́li. Gaa yɛ: nu a lɔ pɛlɛ́n, aa kɛi kɛ ə ɲee pɛlɛ bɛlɛ ɓa, kaalə ə ɲin.

Habakukə 1:8

Di wɔ hvooɠaai gilɛ həɠə yee tɛɛi kwɛliɠaa diɛ. Di hukələn-gələn ɲee tɛɛi kwɛli nwɔ yələwulii kɔ̨nɔ̨n gwɛlii lɔwai ɓa. Da kulɔ kwɛaa la, di wɔ hvoo mɛ̨i nuą da laŋin, diɛ koon yɛ kuwɔ a gɔ̨nɔ̨n gaa, yɛ li ɉon ɉi.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

M̀ɛni-lɛɛi 12:13

Yii kɛa mąąɲɔw-hɛn tii kili ə pu ɉu yɛ daa bili lɔi mɛ̨i, ə hvilɛn gɛa nɛ̨ɛ̨nui tii naayɛɛ a lon ɉulɔnu, bulu yɛ gbɛ.

M̀ɛni-lɛɛi 12:15

Ya ɓə, gaaləi tii ə ɓaɠi a yálee kɛnɛ̨ ta, ə vilɛn nɛ̨ɛ̨nui tii pulu, ə gɛ, ɲá hvaŋą ə ɉəɠə.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:12

Ɉuwɔ tɔlɔɔi tii nwɔ hvaŋąi ɓə ə kɛli kólo kɛ ɉu ɲɛ̨i mu. Ə kɛli hɔlɔhimą laa lɔi mɛ̨i heeɓo nuą mɛ̨i, diɛ kwɛli hvilɛn ɉuwɔ tɔlɔɔi tii di nwąną baa pələ ɓa, yai bala ə kpɛɛ, mą.

M̀ɛni-lɛɛi 13:4

Ɛlɛɛ, diɛ kɛa kwɛli hvilɛn mąąɲɔw-hɛn tii ɓa, gbala ə tɔɔ, aa kɛ ɲąąwooɓolaa tɛɛ ɉuwɔi tii pɔ, ɛlɛɛ, diɛ kwɛli hvilɛn ɉuwɔi tii ɓa, diɛ kɛ mą: «Gbɛɛ ɓə gaa yɛ ɉuwɔi ŋɛ̨i, ɛlɛɛ, yɛ pɛli kɔ pɛlɛi mą?»

M̀ɛni-lɛɛi 16:10

Malaka nɔɔlinąą ə nwɛi hu ɓo ɉuwɔi tii ŋą tɔɔkpəlin ma. Nwɔ tɔɔlaai ə too kpinį hu. Nuą diɛ di laa kɔ́lɔ ɲiin a mɔ̨nɔ̨.

M̀ɛni-lɛɛi 17:12

«Mįnɛ̨ powi tii ə́ gaa, tɔɔɓɛlaa pow li, yiiɠaai di hvo ni tɔɔlaa hɔlɔɓo li, kɛlaa, di kaa pai dɔɔlaa hvaŋą ɲąąkwɛlɛi da ɉuwɔi tii ni lɛɛlɛ tɔ̨nɔ̨ yee mu.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

M̀ɛni-lɛɛi 20:2

Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.