M̀ɛni-lɛɛi 13:14 - Yálá laawoo hɛɓɛ (dc)

¹⁴ Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

Yálá laawoo hɛɓɛ

¹⁴ Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

Bible

¹⁴ A diai pɛ̂lɛ díkaa ǹɔii sui a ŋɛi-kɛ-maa-ŋai nyíi-ŋai dí nɛ̀ɛ naa a gɛɛ é tíi kɛ́ a dia zuai ŋ́ɛi-tuɛi, a dímarê kɛ̀ a gɛɛ dí pɔɔkɔ̂ŋ saa zuai mɛni ma nyíi dí ŋwàna a m̀óa-sɔ̂kpɔi, kɛ́lɛ, gáa niî ɣele mai.

M̀ɛni-lɛɛi 13:14 ပူးပေါင်းရင်းမြစ်များ

Tɔɔɓɛlaa veelɛ 20:7

Esai yɛ diɛ, di ɓɔɔla nwɔ̨mį kɛ, di dɔ̨nɔ̨ həɠə, di ɉiɛ tɔɔmun nwɔ palaɠaai ŋą, balaɠaa di kpɛɛ.

Tɔɔɓɛlaa veelɛ 22:20

Yili mąą mɛ̨nį ɓa, gáá ə́ lɛɛi laa ə́ haa liilaa hu, ə́ lɛɠɛ ə́ nąnii diɛ. Ə lɛɛ, ə́ ɲɛ̨i hvo pai tɔɔi mąąwɛli mɛ̨nįi pai laa nɔi ŋɛ̨i da ɉu hee ɓo nuą diɛ, ɉu.» Nuą də li di nwɛlɛɛ ɲali bulu ɓo tɔɔmun mą.

Kɔlɔnikɔ Veerɛi 18:21

Malaka tii yɛ mą: ‹Gáá lii ŋį́ lɛɛ pu nwɔ Yálá kwəi mɛ̨nį hukulɔ nuą di la.› Yai-Laa yɛ mą: ‹'Li ə́ ɲąąkolon. Yá pɛli hɔlɔmun yili ɓa.›

Zôo 12:16

Hvaŋą da nwun na nɛ̨ɛ̨, di kaa bɔɔ ŋą. Nui daa ɉəɠə pələ mɛ̨i, da nui ɉəɠə bələ mɛ̨i, di kəlee di kaa Yálá yəi.

Lɛɛ gbɔwɔ ɓa 7:11

Tɔɔmun ə nɛɛmą ə Eziptə, gilimąą nuą, dɔlukpɛ nuą da bənən gɛ nuą təli, ɛlɛɛ, diɛ kpɛli di da kɛ.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Izikiɛ 14:9

Yálá kwəi mɛ̨nį hu kulɔmun lɔpee da mowo yɛ mɛ̨nį ta ɓo, a kɛ ti ɲą́ą́ ɓə mąą nu ɓowo; ŋį́ hee ɉu, ɛlɛɛ ŋį́ gulɔ nwɔ́ nu huwui Israɛlə lɔwai.

Izikiɛ 16:17

Ə́ mąą yili hɛnŋąą lɛlɛɛi ŋį́ dɛɛ ə́ pɔ a hɛni da wali, ə́ di həɠə yɛ́ di kɛ a hinąą hɛn mąąnįnįn, yɛ́ túwɔ pələ ɲɔ̨n gulɔ la.

Izikiɛ 8:10

Ŋą́ lɔ, ŋą́ ɲɛ̨́i hee; tala hɛnŋąą, huwɔ mąąnįnįn ɉuwui lɔpee ə kɛ laa, yɛ ɓai lii tɛ a nu; ɛlɛɛ, Israɛlə nwɔ haliɠaa kəlee di mąąnįnįn ə kɛ bɛlɛ́ nwąną ɓa nąą kɔ́lɔ kəlee aa doo la gee hu.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:1

Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

M̀ɛni-lɛɛi 13:15

Di mąąlaa tɛɛ bɔ, əgɛ, ə ɉuwɔ tii mąąnįnįn nɔ̨ɔ̨ too ɉu, yɛ pɛli hvaai, ɛlɛɛ, nui a wala kwɛli hvilɛn ɉuwɔi tii mąąnįnįn ma, yɛ pɛli baai.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 14:11

Di mɔ̨nɔ̨ɓo nwɔ̨n nulu a tɛ, ɲɛ̨n deei hvo mą, ɛlɛɛ, hvįi tɔɔ hva kɛ diɛ kpinį pɛlɛɛ hvóló ɓa, a diɛi tii da kɛ kwɛli hvilɛn ɉii ɉuwɔi tii ɓa da mąąnįnįn, ɛlɛɛ, da nui lɔpee naa ŋą kɔlɔn ɉɛn gaa mą.»

M̀ɛni-lɛɛi 14:9

Ɛlɛɛ dakpɛli, a malaka ɉaaɓanąą, ə lɛɛ nąą pulu, ə tomą kpɔ a nwoo kɛnɛ̨ɛ̨, yɛ mą: «Nui a kwɛli hvilɛn ɉuwɔi tii ɓa, da mąąnįnįn, ɛlɛɛ, di gɔlɔn ɉɛn kɛ dɔwɔla, awala kɛ tii ɲee ɓa,

M̀ɛni-lɛɛi 15:2

Ɛlɛɛ, ŋį́ gboloyá ta kaa ə ɓo yɛ pɛ̨nɛ̨n, ɉumoɔ a nwɔ̨n. Nuąi tii di yee ə tɛɛ ɉuwɔi tii ɓa, da mąąnįnįn, da naa nwɔ kwɛdɛn ɉɛɓɛ́ kɔw di mɛ̨i, di ɓo tɔɔni bɛ̨nɛ̨n galan gboloyái tii mɛ̨i, Yálá ŋą gwɛnįnŋaai ə ɓo di yee ɲą.

M̀ɛni-lɛɛi 16:13

Ə kɛ lɔ tii, ŋį́ ɲįnɛ̨n ɉaaɓa kaa, di ɓo yɛ, gbəŋə, diɛ kulɔ mąąɲɔw-hɛn tii la, ɉuwɔi tii la, ɛlɛɛ, da nuąi di kpɔwɔ kɛ a Yálá kwəi mɛ̨nį hukulɔ nuą di la.

M̀ɛni-lɛɛi 16:2

Ɛlɛɛ, malaka tɔlɔɔ ə li, ə nwɛi hu ɓo lɔi mɛ̨i. Nuąi ɉuwɔi tii ŋą kɔ́lɔn ɉɛn ə kɛ diɛ, ɛlɛɛ, diɛ kwɛli hvilɛn mąąnįnįn ma, pala ɲɔ̨nwɔ̨ɔ̨ ə tee diɛ.

M̀ɛni-lɛɛi 18:23

Labon hva kɛa lən ə́ pɔɔli, hilɛtai nɛ̨ą da mɛlaa; di hva kɛa kwəinɛ̨ɛ̨ kulɔ ə́ pɔɔli, gbala ə tɔɔ, ə́ wɔɔ yɔw-kɛ nuą ɓə kɛ di kpulu hu kɛnɛ̨ɛ̨ yɛnɛ̨ɛ̨ nąą kəlee, gbala ə tɔɔ, ə́ wɔɔ pənən gɛ nuąi di hįi tamąą ɲąąhɛn.»

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

M̀ɛni-lɛɛi 3:10

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.