M̀ɛni-lɛɛi 13:13 - Yálá laawoo hɛɓɛ (dc)

¹³ Ə kɛli kwɛlɛɛn mɛ̨nį kpɛa-kpɛaa kɛ, yɛ nwɔ̨n gulɔ yələi yɛ ɲɛɛ lɔi ɓa, nu kəlee ɲɛ̨i ɓa.

Yálá laawoo hɛɓɛ

¹³ Ə kɛli kwɛlɛɛn mɛ̨nį kpɛa-kpɛaa kɛ, yɛ nwɔ̨n gulɔ yələi yɛ ɲɛɛ lɔi ɓa, nu kəlee ɲɛ̨i ɓa.

Bible

¹³ A ŋɛi-kɛ-maa kɛ́tɛ kɛ̀. Gɛ́ ŋɔŋ kɛ̂ máŋ a gɛɛ é kúla Ɣâla-taa é pá ǹɔii ma núu-kpune ŋɛi-tuɛ.

M̀ɛni-lɛɛi 13:13 ပူးပေါင်းရင်းမြစ်များ

Tɔɔɓɛlaa dɔlɔɔ 18:38

Yai-Laa ə nwɔ̨n gulɔ yələi, ə ɉaláá hɛnŋąą kələn, ə gwɛi kələn, ə gwɛniɠaa kələn, bɔlɔi di gulɔ di dɔɔ, ə kəlee kələn, ɲái kɛ nowa hu, ə gbala.

Lɛɛ gbɔwɔ ɓa 7:22

Eziptə pənən gɛ nuą diɛ kpɛli, di da kɛ. Eziptə tɔɔmun ə gili walawala, hvo gɛ hvo nwəli tɔɔ Moisə da Aarɔn diɛ yɛ bələi Yai-Laa ə gbɛa mo la.

Lɛɛ gbɔwɔ ɓa 8:7

Gbəŋəɠaa mąą kaa pai kwɛai ə́ wɔ pɛ́lɛ́i ɓa, ə mą kɛ ə́ wɔ nu kpɛa-kpɛa da nɔi nuą kəlee; ɲa lee hu lɔ ɓə da kaa pai lɛɛi laa.»

Lɛɛ gbɔwɔ ɓa 9:11

Bənən gɛ nuą di hvo pɛli tɔɔi Moisə lííla, dɔɔhɛnŋąą tii kɛ diɛ mąą mɛ̨nį ɓa. Mąąhɔlɔɓo, dɔɔhɛn ə tɔɔ bənən gɛ nuą da Eziptə nuą kəlee diɛ.

Lonon mo 16:35

Nwɔ̨n ə kulɔ Yai-Laa pɔ, nu nwun veelɛi ɲee lɔɔli tii kɛi lansan laa həli Yai-Laa ɓa, ə gəlee kələn.

Maafîu 16:1

Farisiɛ̨ɠaa da Sadusiɛ̨ɠaa di pa ə gɛ, di Jesus hon nwoo hu. Di mo mą diɛ mą: «Mɛ̨nį ta kɛ, yii kwa gaa kuɔ ə́ wɔ huwalawalai ə həɠə Yálá pɔ.»

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Markə 13:22

Mąąhɔlɔɓo, lɛɛ Kristə tamąą, da lɛɛ kɛla tamąąɠaa di kaa pai kɛi kpalo mɛ̨nįɠaa, da kwəi pili mąą mɛ̨nįɠaa kɛi, akɛ di yee a lɔ, nuąi Yálá aa di həɠɛɛ ɉu, di kili ɲąąpɛlɛ.

Timote veelɛ 3:8

Bələi lɔ wɔlɔ, Ɉanɛsə da Ɉambrɛsə di tɔɔ la Moisə la, bələ lɔ ɓə nuąi ti diɛ kpɛlimąm, da tɔɔ la tɛ̨ą la. Di kaa a nuąi di kili ɲɔ̨nwɔ̨ɔ̨ di kwəi, di wɔ laa na laa hvo a hɛn da.

M̀ɛni-lɛɛi 11:5

Nu ta a kɛ yɛ, ə di mɔ̨nɔ̨ɓo, nwɔ̨n da a kulɔ di la, ə di yowoɠaa kələn. A tɛ̨ą, nu ta a kɛ yɛ ə di mɔ̨nɔ̨ɓoi, hvo kɛli ə haa.

M̀ɛni-lɛɛi 16:14

Di kɛ a ɲįnɛ̨nŋaa di wɔ kiliɠaa. Di kɛli kwɛlɛɛn mɛ̨nįɠaa kɛ, ɛlɛɛ, də li kpɔ yɛnɛ̨ɛ̨ tɔɔɓɛlaa kəlee pɔ, əgɛ, di di ɲąąkpɔn, diɛ pa pɛlɛi Hééɓolaa kəlee Nąmu Yálá ɓa, a gɔ-kɔ hvóló kɛnɛ̨i.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 20:9

Di kaa pai lɔi mɛ̨i kəlee kpɛɛi mą, di nu mąąhəɠɛɛɠaa heei mąątínɛ̨n, da nwɛlikɛmąą taa kɛnɛ̨i. Kɛlaa, nwɔ̨n da kaa pai kulɔi yələi, ə di kələn.