M̀ɛni-lɛɛi 13:1 - Yálá laawoo hɛɓɛ (dc)

¹ Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

Yálá laawoo hɛɓɛ

¹ Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

Bible

¹ Nya ƃe ŋá sua kâa gɛ kula ǹyúoi su míla kɛ́ ƃo puu, ŋuŋ kɛ́ ƃo lɔ́ɔlu mɛi feerɛ. Kâloŋ-ƃɔrɔ puu è kɛ̀ míla-ŋai dîa, tɛ̀-ŋɛi-laa ŋa pɔ̃yɛɛ ŋuŋ-ŋai dîa.

M̀ɛni-lɛɛi 13:1 ပူးပေါင်းရင်းမြစ်များ

Ɉeremi 5:22

Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 2:41

Yɛ́ kpinįi, ə́ ɉɛn tii kɔ́wɔ kaa, da gɔwɔkpiɛ, bələ tɔ̨nɔ̨ yɛ ɓo a ləɠi-pɔlɔ, bələ tɔ̨nɔ̨ yɛ ɓo a kwɛli, dɔɔlaai tii ŋąą kaa pai kwɛlɛi ɉu. Kɛlaa, hɛn da kaa pai kɛi dɔɔlaai tii hu, nwalawalaa yɛ kwɛli, mąąhɔlɔɓo, ə́ kwɛli da ləɠi-pɔlɔ kaa, ɉumoɔ a gee.

M̀ɛni-lɛɛi 11:7

Kɛlaa da pa kpɛɛi a gɛla woo ɓoɔ, ɉuwɔi tii pai kulɔi nowa kpon gwɛaa hu, gaa pai kɔ pɛlɛi diɛ, ɲee ə tɛɛ diɛ, ɛlɛɛ, ə di paa.

M̀ɛni-lɛɛi 12:3

Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.

M̀ɛni-lɛɛi 13:11

Ya ɓə, ŋį́ huwɔ takpɛli kaa yɛ kulɔ lɔi mu. Mįnɛ̨ ə ɓo nwuɔ̨ hveelɛ yɛ ɓɛlaa lon, kɛlaa, yɛ hvaa yɛ mąąɲɔw-hɛn.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 13:15

Di mąąlaa tɛɛ bɔ, əgɛ, ə ɉuwɔ tii mąąnįnįn nɔ̨ɔ̨ too ɉu, yɛ pɛli hvaai, ɛlɛɛ, nui a wala kwɛli hvilɛn ɉuwɔi tii mąąnįnįn ma, yɛ pɛli baai.

M̀ɛni-lɛɛi 15:2

Ɛlɛɛ, ŋį́ gboloyá ta kaa ə ɓo yɛ pɛ̨nɛ̨n, ɉumoɔ a nwɔ̨n. Nuąi tii di yee ə tɛɛ ɉuwɔi tii ɓa, da mąąnįnįn, da naa nwɔ kwɛdɛn ɉɛɓɛ́ kɔw di mɛ̨i, di ɓo tɔɔni bɛ̨nɛ̨n galan gboloyái tii mɛ̨i, Yálá ŋą gwɛnįnŋaai ə ɓo di yee ɲą.

M̀ɛni-lɛɛi 16:13

Ə kɛ lɔ tii, ŋį́ ɲįnɛ̨n ɉaaɓa kaa, di ɓo yɛ, gbəŋə, diɛ kulɔ mąąɲɔw-hɛn tii la, ɉuwɔi tii la, ɛlɛɛ, da nuąi di kpɔwɔ kɛ a Yálá kwəi mɛ̨nį hukulɔ nuą di la.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.

M̀ɛni-lɛɛi 17:3

Ya ɓə Kili ə gbə́ŋə́, ə li a ɲą́ą́ nɔi pun ɉu. Ɛlɛɛ, ŋą́ nɛ̨ɛ̨nu ta kaa, ɉeɛ huwɔ kpɔluɔ gbələtətə ta mɛ̨i, Yálá lalan naaɠaa pɛ̨ɛ̨ nąą kəlee, ɛlɛɛ, nwu ganįn ə ɓo mɛ̨ihveelɛ, mįnɛ̨ ə ɓo pow.

M̀ɛni-lɛɛi 17:5

Laa ta pɛ̨ɛ̨ dɔwɔla, a mɛ̨nį hu kpinįɛ, diɛ kɛ mą: «Babilonə daa-lee kɛnɛ̨i, yai a nwɛlikɛ nɛ̨ąą, ɛlɛɛ, da mąąliɓi túwɔ́ɠaai kpɔ lɔi mɛ̨i, di lee.»

M̀ɛni-lɛɛi 19:19

Ɛlɛɛ, ŋį́ ɉuwɔi tii kaa, lɔi mɛ̨i tɔɔɓɛlaa da di wɔɔ kɔlaɠaɠaa, di ɲąąkpɔnŋąą diɛ pa kɔ pɛlɛi, ɉoo mɛ̨imun da nwɔ kɔlaɠai ɓa.