M̀ɛni-lɛɛi 12:7 - Yálá laawoo hɛɓɛ (dc)

⁷ Ya ɓə, kɔ́ kɛnɛ̨ ə muhəɠə yələ kwəi, Mikaɛlə ɛlɛɛ, da nwɔ malakaɠaai di kɔ́ pɛlɛ mąąɲɔw-hɛn tii ɓa. Ɛlɛɛ, mąąɲɔw-hɛn yaan ə pɛlɛ diɛ da ɲee pɔɠaa,

Yálá laawoo hɛɓɛ

⁷ Ya ɓə, kɔ́ kɛnɛ̨ ə muhəɠə yələ kwəi, Mikaɛlə ɛlɛɛ, da nwɔ malakaɠaai di kɔ́ pɛlɛ mąąɲɔw-hɛn tii ɓa. Ɛlɛɛ, mąąɲɔw-hɛn yaan ə pɛlɛ diɛ da ɲee pɔɠaa,

Bible

⁷ Ǹyaŋ kɔ́ è nàa tèe Ɣâla-taa, Makɔɔ da ŋɔkéla-ŋai díkɛ kɔ́ nyao-maa-suai pɔ. Ǹyao-maa-suai da ŋɔkéla-ŋai dia máŋ dí kɔ̀.

M̀ɛni-lɛɛi 12:7 ပူးပေါင်းရင်းမြစ်များ

Mąątɛ̨nɛ̨ 78:49

Ə nwɔ liiholi kələn ŋąąi ɲąątɔɔ diɛ. Ə malakaɠaa ɲąątɔɔ diɛ, yiliɠaai diɛ di mɔ̨nɔ̨ ɓo.

Azaya 34:5

Yai-Laa yɛ diɛ; nwɔ́ kɔ́ kɔ́ ɓɔwai aa pilɛ yələkɔlɔn ɉu pələ, gaa kɛa woloi Edɔmə ɓa, a nu huwui tii ŋį́ ɉukala mɛ̨nį gili tee gwə́i.

Azaya 55:4

Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Danîa 10:13

Kɛlaa, Pɛrsə lɔi mąąkpɛ malaka ə kpəɲan mɛ̨nį tii hu hvóló pow hveelɛ gɔw tɔ̨nɔ̨ kuu mu, hvo kɛli Misɛlə yii gaa a malakaɠaa nwun nąmu tɔ̨nɔ̨, ə pa ə kpɔmąą tɛɛ bɔ́. Ŋą́ lɛɛ heeni Pɛrsə lɔi nwun nąmįnąa kwɛlɛ.

Danîa 10:21

Kɛlaa, yii bɛ̨ɛ̨ tɛ̨ą hɛɓɛ́ hui, ya ɓə gáá naa həlii yɛ́, nui lɔpee ta hvo pai kpɔmąą tɛɛ bɔ́ kwa malakaɠaai tii ku wɔ kɔ́i hu, hvo kɛli Misɛlə yii gaa a Israɛlə nu huwu mɛ̨i kaa malaka.»

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Maafîu 13:41

Nu Lon kaa pai Yálá nwɔ malakaɠaa tɛɛi, əgɛ, nuą yiiɠaai da kɛ di ɓɛlaa ɓowoi, diɛ di həɠə Yálá kɔ́lɔn bələ mɛ̨i, da di kulɔ nwɔ tɔɔlaai hu.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 24:31

Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Maafîu 26:53

Hvo gɔlɔn yɛ diɛ, ŋą pɛli kɛ ŋį́ Ną́n Yálá hvɛli ə malaka kpulu kɛnɛ̨ tɛɛ di mą́ą́ kɔ́nwɔ̨?

Korɛntə veelɛ 12:7

Mąąhɔlɔɓo, mɛ̨nįɠaa tii di nɛ mą́ą́, ɉu kɛnɛ̨ pələ, bələ di tɛɛ la və́ pa nəi gbɔ́wɔ́ ɲąą kɛnɛ̨, di hɛn da lɔ gɔ́lɔ hu, di ɓilihi ŋą malaka ta tí, ə gɛ́lɛ, və́ pa nəi gbɔ́wɔ́ ɲąą kɛnɛ̨ a pələi lɔpee.

Ifisiɛŋ 6:12

Nu kan hvə gu kaa kɔ pɛlɛi mą, kɛlaa, ɲɛnɛ̨ɛ̨ hu kpiniɛ ŋɛ̨i ɲąąwooɓo kili, ɉu hvaŋą, ɉu heeɓolaai tɔɔlaa kɛi, mɛ̨nį ɲɔ̨n gɛ kiliɠaai di kaa yələ kwəi, diɛ ɓə.

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

Piɛrə veelɛ 2:4

Akɛ malakaɠaa ŋɛ̨i hɔn ɲɔ̨n gɛ, Yálá hvo di ɲɛ̨i mąą wɛli kaa, ə di pili kpinį hu, lɔwa kpon gweaa hu ɉahanąmą, di ɓo laa diɛ kiti teei lɔwai mąą kpɔn.

Zûu 1:9

Bələi mąn kpɛli malakaɠaa nwun nąmu Mikaɛlə kaa la, hvo kɛ woo ɲɔ̨n mo li nąnį ɓa, ɓɛlɔwai da yaa di kɛi hɛa too la Moisə powa mɛ̨i. Hvo kɛ nalan ni, kɛlaa, ə kɛ mą: «Námu Yálá ɓə pai ə́ hutɔɔi.»

M̀ɛni-lɛɛi 12:8

kɛlaa, mąąɲɔw-hɛn yee hvo lɔ, ɉeei hvo kɛa hɔlɔɓo yələ kwəi da ɲee pɔɠaa.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:7

Di mąąlaa tɛɛ bɔ, ə gɛ, ə kɔ́ pɛlɛ mąąhəɠə nuą diɛ, ɛlɛɛ ɲee ə tɛɛ diɛ, ɛlɛɛ, di hvaŋą tɛɛ bɔ nu huwu kəlee mɛ̨i, nu kəlee mɛ̨i, da hįi woo ɓo nuą kəlee.

M̀ɛni-lɛɛi 20:2

Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.