M̀ɛni-lɛɛi 12:5 - Yálá laawoo hɛɓɛ (dc)

⁵ Nɛ̨ɛ̨nui tii ə naayɛɛ a hulɔnu, yai pai hįi kəlee ɲąąwooɓoi a kwɛli hvaɠa. Kɛlaa, di non ɉəɠə də li la Yálá pɔ, ɛlɛɛ, di ɉee nwɔ tɔɔkpəlin hu.

Yálá laawoo hɛɓɛ

⁵ Nɛ̨ɛ̨nui tii ə naayɛɛ a hulɔnu, yai pai hįi kəlee ɲąąwooɓoi a kwɛli hvaɠa. Kɛlaa, di non ɉəɠə də li la Yálá pɔ, ɛlɛɛ, di ɉee nwɔ tɔɔkpəlin hu.

Bible

⁵ Nya ƃe ǹɛnii è lóŋ-surɔŋ maa sɔlɔ ƃô, nyíi kɛ̀ pâi kɛ̂i diai dífe Ɣâla mɛni wɛ̂linii mɛi a kɔli-tuaŋ, kɛ́lɛ, dí ziɣe a maa félaa dí tɛ́ la Ɣâla pɔ da ǹôloŋ kpîŋ-kaloŋ-see-sɛŋ.

M̀ɛni-lɛɛi 12:5 ပူးပေါင်းရင်းမြစ်များ

Azaya 66:7

Hvo mą kwəi nwąną kɛli, aa naayɛɛ, hvo mą mɔ̨nɔ̨ mįi li, aa mąn lon ɉulɔnu kaa.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Ɉeremi 31:22

Ə́ kaa lɛɛi tɔɔi yai yai ɛlɛɛ ɉu mįnɛ̨ lɔwai, Nɛ̨ɛ̨non gwɛli teɠɛɛ? Ya pa Yai-Laa aa mɛ̨nį nįnɛ̨ pɛli lɔi mɛ̨i, Nɛ̨ɛ̨nu kaa hulɔnu kwɛlii.

Mise 5:3

Gaa pai kɛi tɔɔni yɛ nwɔ taatɛlɛɛ kpului ɲąąkɔn, a Yai-Laa nwɔ huwalawalalaa, a nwɔ Yálái Yai-Laa nwɔ mąąwiɛ, di kaa pai heei diɛ həli lɔi kpon ɉeei, di kpulu hu kɛnɛ̨ pələ ɓa.

Maafîu 1:25

Kɛlaa, da Mari di hvo haɠa kpɔn, ə lɛɛ ɉu, yili ə non tɔlɔɔ hɔlɔɓo. Ɉosɛfə ə naa hee a Jesus.

Markə 16:19

Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.

Korɛntə veelɛ 12:2

Ŋą́ Kristə ŋą nu ta kɔlɔn, gwɛlan bow kɔw nąąn ga, kɛlɛ ə kɛ nu kɔlɔ hu, kɛlɛ hvo kɛ ɉu? Gbaɠala hvo mą́ą́, Yálá ɓə gbaɠala kɔlɔn! Nui tii, di dɛ kpɔ yələkɔlɔn mɛ̨i yələkɔlɔn ɉu.

Korɛntə veelɛ 12:4

Nui tii di ɉəɠə də li la Yálá-taa, ɛlɛɛ, ə wooɠaa mɛ̨n, nu hva pɛli moi, mąą laa hvo nu yəi, yɛ pɛli moi.

M̀ɛni-lɛɛi 11:12

Da woo kɛnɛ̨ ta mɛ̨n yɛ həɠə yələi, yɛ kɛ mą: «'Ká tɛ ɓɛ!» Ɛlɛɛ, diɛ tɛ yələi pələ tulɔ kpinįn ɉu, di yowoɠaa ɲɛ̨i ɓa.

M̀ɛni-lɛɛi 12:13

Yii kɛa mąąɲɔw-hɛn tii kili ə pu ɉu yɛ daa bili lɔi mɛ̨i, ə hvilɛn gɛa nɛ̨ɛ̨nui tii naayɛɛ a lon ɉulɔnu, bulu yɛ gbɛ.

M̀ɛni-lɛɛi 12:2

Nɛ̨ɛ̨nui tii ə kɛ a koonɛ̨ą, naa yɛɛi lɔwai aa həli kɛa kɛ, gwəinwąną aa hee ɉu yɛ wɔlɔ.

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.