M̀ɛni-lɛɛi 12:3 - Yálá laawoo hɛɓɛ (dc)

³ Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.

Yálá laawoo hɛɓɛ

³ Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.

Bible

³ Ŋ́ɛi-kɛ-maa da kpɛ́ni è kɛ̀ Ɣâla-taa. Yao-maa-sua kpɔ̂lu kɛ́tɛ tɔnɔ è kɛ̀ naa, ŋuŋ kɛ́ ƃo ŋ̀ûa lɔ́ɔlu mɛi feerɛ, míla kɛ́ ƃo ŋ̀ûa puu, kâloŋ-ƃɔrɔ lɔ́ɔlu mɛi feerɛ seɛɛ ŋuŋ-ŋai dîa.

M̀ɛni-lɛɛi 12:3 ပူးပေါင်းရင်းမြစ်များ

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Azaya 51:9

'Ə́ muhəɠə, 'ə́ muhəɠə, ə́ wɔ huwala walai ɲąątɛ, Yai-Laa yee kɔ̨nwɔ̨n ɉu kɛnɛ̨ɛ̨, 'ə́ muhəɠə yɛ bələi wɔlɔ ə́ kɛi gɛ la, a tɔwɔ tɔwɔ yələɠaai tii, kɛlɛi yɛ́ ɓə Rahabə hu tee-ee, yɛ́ ɓɔ gboloyá hu kaalə kɛnɛ̨i hu,

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Danîa 2:41

Yɛ́ kpinįi, ə́ ɉɛn tii kɔ́wɔ kaa, da gɔwɔkpiɛ, bələ tɔ̨nɔ̨ yɛ ɓo a ləɠi-pɔlɔ, bələ tɔ̨nɔ̨ yɛ ɓo a kwɛli, dɔɔlaai tii ŋąą kaa pai kwɛlɛi ɉu. Kɛlaa, hɛn da kaa pai kɛi dɔɔlaai tii hu, nwalawalaa yɛ kwɛli, mąąhɔlɔɓo, ə́ kwɛli da ləɠi-pɔlɔ kaa, ɉumoɔ a gee.

Danîa 2:42

Pələi tii ə́ gɔwɔ kpiɛɠaa kaa la, bələ tɔ̨nɔ̨ yɛ ɓo a kwɛli, bələ tɔ̨nɔ̨ yɛ ɓo a ləɠi-pɔlɔ, dɔɔlaai tii bələ tɔ̨nɔ̨ kaa pai kɛi a ɉuwalawala, bələ tɔ̨nɔ̨ wolo laa nɛɛ.

Danîa 7:20

Ŋą́ kɛ nwɔ̨nɔ̨ bɔ ŋą́ mɛ̨nį ta kɔ́lɔn yɛ hvilɛn na ɉuwɔi tii mįnɛ̨ kaa pow ma. Ə lɛɛ, dɔ̨nɔ̨i ŋɛ̨i tɔɔ nwun ma, ɉaaɓa diɛ too, ə lɛɛ, mįnɛ̨ tɔ̨nɔ̨i tii ɲɛ̨ikɔw ə kɛ mą yɛ nu, laaləi yɛ ɓo mą, yɛ woo kpɛa-kpɛaɠaa ɓo, yai kɛnɛ̨ ə tɛɛ mɛlaa diɛi.

Danîa 7:24

Mįnɛ̨ pow tii, gaa a tɔɔɓɛlaa pow, yiiɠaai pai di muhəɠəi dɔɔlaai tii hu. Tɔɔlaa takpɛli kaa pai muhəɠəi yili pulu, yii gɛ pələ hva kɛ yɛ dɔlɔɔɠaai tii, gaa pai tɔɔɓɛlaa haaɓa tooi.

M̀ɛni-lɛɛi 12:1

Mɛ̨nį kɛnɛ̨ ta ə kɛ yələ kwəi, nɛ̨ɛ̨nu ta ɓə, mąą həɠə ə kɛ a hvóló, ɲąnįn ə ɓo gɔwɔ mu, ɛlɛɛ, tɔɔɓɔlɔ ə ɓo nwuɔ̨, mąą puɔ a pɛmɛ̨lɛ̨n-gɔw pow kɔ́w hveelɛ.

M̀ɛni-lɛɛi 12:13

Yii kɛa mąąɲɔw-hɛn tii kili ə pu ɉu yɛ daa bili lɔi mɛ̨i, ə hvilɛn gɛa nɛ̨ɛ̨nui tii naayɛɛ a lon ɉulɔnu, bulu yɛ gbɛ.

M̀ɛni-lɛɛi 12:17

Niikələn bələ gwəi nɛ̨ɛ̨nui pɔ, gaaləi ə pənə ə li ə kɔ pɛlɛ, nɛ̨ɛ̨nui lon gbəliɠaai lɛɛ laa diɛ, a diɛi tii di yee kąnąnŋąą kɛ Yálá ŋą tíɓoɠaai diɛ, ɛlɛɛ, da Jesus mąą kɛla hvaa.

M̀ɛni-lɛɛi 12:4

Yələ kwəi pɛmɛ̨lɛ̨n-gɔwɠaa ɓɛlaɓoɔ ɉu haaɓa, nwon ə bələ tɔ̨nɔ̨ tuluun, ə bu nɔi ɓa. Mąąɲɔw-hɛn tii ə kɛ tɔɔni gwəinwąną kɛ nɛ̨ɛ̨nui liila, yɛ a naayɛɛ lɔ, ə nokolo mįi.

M̀ɛni-lɛɛi 12:7

Ya ɓə, kɔ́ kɛnɛ̨ ə muhəɠə yələ kwəi, Mikaɛlə ɛlɛɛ, da nwɔ malakaɠaai di kɔ́ pɛlɛ mąąɲɔw-hɛn tii ɓa. Ɛlɛɛ, mąąɲɔw-hɛn yaan ə pɛlɛ diɛ da ɲee pɔɠaa,

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 13:1

Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

M̀ɛni-lɛɛi 13:2

Ɉuwɔi tii ŋį́ gaa, gɛ pələ ə kɛ yɛ kwɛ́li, gɔwɔɠaa diɛ ɓo yɛ yáwolo, ɛlɛɛ, naaləi ə ɓo yɛ yala. Ɛlɛɛ, mąąɲɔɔ-hɛn tii ə nwɔ yəi kɛnɛ̨laa tɛɛ bɔ, ə bɛlɛ nwɔ tɔɔkpəlin ma, ɛlɛɛ, da ɲąąwooɓolaa kɛnɛ̨ɛ̨ ta.

M̀ɛni-lɛɛi 13:4

Ɛlɛɛ, diɛ kɛa kwɛli hvilɛn mąąɲɔw-hɛn tii ɓa, gbala ə tɔɔ, aa kɛ ɲąąwooɓolaa tɛɛ ɉuwɔi tii pɔ, ɛlɛɛ, diɛ kwɛli hvilɛn ɉuwɔi tii ɓa, diɛ kɛ mą: «Gbɛɛ ɓə gaa yɛ ɉuwɔi ŋɛ̨i, ɛlɛɛ, yɛ pɛli kɔ pɛlɛi mą?»

M̀ɛni-lɛɛi 15:1

Ɛlɛɛ, ŋį́ laakpala mąą mɛ̨nį kɛnɛ̨ ta kaa yələ kwəi, ŋį́ malaka mɛ̨ihveelɛ kaa, mɔ̨nɔ̨ mɛ̨ihveelɛ yɛ ɓo di yəi, a gbəli-kpəli, mąąhɔlɔɓo, diɛ ɓə Yálá nwɔ lííholi naa kulɔi kaa di hu.

M̀ɛni-lɛɛi 16:13

Ə kɛ lɔ tii, ŋį́ ɲįnɛ̨n ɉaaɓa kaa, di ɓo yɛ, gbəŋə, diɛ kulɔ mąąɲɔw-hɛn tii la, ɉuwɔi tii la, ɛlɛɛ, da nuąi di kpɔwɔ kɛ a Yálá kwəi mɛ̨nį hukulɔ nuą di la.

M̀ɛni-lɛɛi 17:12

«Mįnɛ̨ powi tii ə́ gaa, tɔɔɓɛlaa pow li, yiiɠaai di hvo ni tɔɔlaa hɔlɔɓo li, kɛlaa, di kaa pai dɔɔlaa hvaŋą ɲąąkwɛlɛi da ɉuwɔi tii ni lɛɛlɛ tɔ̨nɔ̨ yee mu.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.

M̀ɛni-lɛɛi 17:7

Ya ɓə, malaka yɛ mą́ą́: «Lə mɛ̨nį ɓa ə́ kwəi aa pili yɛ́? Gáá pai nɛ̨ɛ̨nui tii, da ɉuwɔi tii nwun ganįn gaa mɛ̨ihveeɛ, ɛlɛɛ, mįnɛ̨ ə ɓo pow, ŋą mɛ̨nį hu kpinįɛ, hukulɔi yɛ́.

M̀ɛni-lɛɛi 19:12

Ɲɛ̨i kɔ́w kaa a nwɔ̨n nən nwələənŋąą, tɔɔɓɔlɔ tamąą pɛlɛɛ nwuɔ̨, ɛlɛɛ, laa ta pɛ̨ɛ̨ mą, yaa tanɔ̨n nɔ ɓə gɔlɔn.

M̀ɛni-lɛɛi 20:2

Ə mąąɲɔw-hɛn tii hon, a gaaləi tii wɔlɔ kɛi, yai, nąnį da ɓilihi. Ɛlɛɛ, ə ɲili a ɲɔwɔn, a kwɛlan nwaa-tɔnɔ mɛ̨nį.