M̀ɛni-lɛɛi 11:3 - Yálá laawoo hɛɓɛ (dc)

³ Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»

Yálá laawoo hɛɓɛ

³ Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»

Bible

³ Ŋa pâi wála-wala tɛɛ̂i ŋásere feerɛi pɔ́ a gɛɛ dí Ɣâla-woo ƃó ɣele-kuu wála tɔnɔ pôlu ŋuŋ feerɛ pôlu buu lɔ́ɔlu mɛi da (1,260) yée mu, dímaa ɣiriɛ a maloŋ tôo-maa sêɣe.”

M̀ɛni-lɛɛi 11:3 ပူးပေါင်းရင်းမြစ်များ

Zɛnɛse 37:34

Nąąlɔwai, Ɉakɔbə ə nwɔ həɠəi hu ɓɛla, ə mąąwɛli hee ɓo, ə non nwɔlɔ ɓo kpɔ a ɉu kwɛa.

Samia Veerɛi 3:31

Davidə yɛ Avnɛrə bɔ nuąi kɛ laa diɛ: «'Ka ká mąą həɠəɠaa hu ɓɛla, ka ɓíi haɠaɠaa kpulɔn ka ləŋəi, ka Avnɛrə haa wɔlɔ ɓo.» Tɔɔmun Davidə ə kɛ nu powa kpəɠə nuą pulu.

Tɔɔɓɛlaa dɔlɔɔ 21:27

Ɓɛlɔwai Akabə ə bələi tii mɛ̨n na, ə mąą həɠə huɓɛla, ə ɓíi haɠa too gwaną, ə hįn nɔ, yɛ yíi ɓíi haɠaɠaa mɛ̨i, yɛ mąąwɛli hiɛ ɓo.

Tɔɔɓɛlaa veelɛ 19:1

Ɓɛlɔwai tɔɔmun Ezekiasə ə nwooɠaa tii mɛ̨n na, ə mąą həɠəɠaa huɓɛla, ə mąąwɛli həɠə too gwaną; ə li Yai-Laa yəi bɛlɛ́n.

Kɔlɔnikɔ Maa-ŋuŋ 21:16

Davidə ə ɲɛ̨i tɛ ɲələi, ə Yai-Laa nwɔ malakai kaa, yɛ ɓo yələkɔlɔn da lɔi di lɔwai, kɔ-kɔ ɓɔwa ə ɓo ɲəi gulaa daa hu; Aa mowa ɲɛ̨i haŋą Ɉerusalɛmə taa ɓa pələ. Davidə da nɔi kalanɉonŋąą kəlee, di ɓíi haɠa too di kwaną, di pɛlɛ lɔi ɓa.

Nehemi 9:1

Ɲąnįn tii nwɔ hvóló pow hveelɛ kɔ́w nąą ɲələ, Israɛlə nu huwu di mąąwɛli heeɓo, di muluun gbala pu di nwuɔ̨, di hin nɔ.

Zôo 16:15

Ŋą́ą́ mąąwɛli həɠə too gwáną. Aa nwɔ́ huwalawala too pɔlɔ hu.

Mąątɛ̨nɛ̨ 69:11

Ŋą́ wɔlɔ, ŋą́ hin nɔ, ɛlɛɛ, diɛ nálan, yili mąą mɛ̨nį ɓa.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Woolaa 2:10

Siɔn halakpɛla nwɔ kalanɉonŋaa di kaa heeni pɔ́lɔ hu, di mɛ̨i haa tin. Daa muluun gbala pu di nwuɔ̨, daa ɓíi haɠa too di kwąną. Ɉerusalɛmə nɛ̨ɛ̨lɛa daa di nwun vilɛn a nwumɛ̨.

Izikiɛ 4:6

Yá volóɠaai ti laa kulɔ, ə́ pənə, ə́ laa ə́ ɓa-mįi-yee hu pələ, Ɉuda nu huwu nwɔ nɛ̨ŋɛ̨n həɠə hvóló pow nąąn ɲeemu; hvóló tɔ̨nɔ̨ kwɛlan dɔ̨nɔ̨.

Danîa 12:7

Nui ŋɛ̨i ɉəɠə kwəlɛɛ ə kɛ mą, ə ɲee hveelɛi tɛ yələi, ŋą́ nwoo mɛ̨n yɛ kɛ diɛ: «Ŋą́ gwɛla a Yálái ŋɛ̨i gaa lɔ a vulú yələ kəlee naa hu, gɛ́ diɛ: Hvo kɛli kwɛlan ɉaaɓa da gbulɔ. Mɛ̨nįɠaa ŋɛ̨i kaa pai kpɛɛi a kɛ Yálá nwɔ nuąi di wɔ huwalawala a kala kpɔ tɛ̨ɛ̨tɛ̨ɛ̨.»

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Danîa 8:14

Malaka dɔlɔɔi tii ə nwoo ŋaapɛ̨nɛ̨ yɛ mą: «Yələwulii da yələwala waa hveelɛ pulu nwun ɉaaɓa tɛɛ pulu ɓə, di kaa pai pənəi di ɉaláá kulɔi pɛli la.»

Zooɛ 1:13

haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Zôna 3:5

Ninivə daai nuą kəlee di Yálá woo tii kaa a tɛ̨ą, di kəlee diɛ diɛ: «Ka gu hin nɔ.» Ə gɔwɔ tɔɔ hɛn gɔw nąmįną diɛ, ə həli la yeehvowolo nuą diɛ, nu kəlee ə mąąwɛli hee ɓo yɛ da haa too nu ɓa.

Zôna 3:8

Nuą, ə mą kɛ daatɛlɛɛɠaa gəlee, nu kəlee ə mąąwɛli hee ɓo. Nu kəlee ə nɛ̨ɛ̨mąą hvə Yálá ɓa a nwɔ huwalawala kəlee. Nu kəlee ə bulu tɔɔ gɛ mɛ̨nį ɲɔ̨n ma, da di wɔ nwąnąlɔ túwɔ́ɠaai.

Lonon mo 11:26

Nu hveelɛ di lɛɛ muwu la, diɛ kɛ dɔ̨nɔ̨ laa ɓaa Ɛldadə, diɛ kɛ dɔ̨nɔ̨ ɓa Medadə, Gilii tii ə pa di pɔ, di laa ə kɛ galanɉonŋąąi tii pɔ; di wɛi, di hvo gɛ di hvo li gee kaa kələ laaləi. Di kɛ laa diɛ kpɛli, diɛ Yálá kwəi mɛ̨nį ɓo.

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Maafîu 18:16

Awala ɉɔn gɔlɔn, li ə́ doo nu tɔ̨nɔ̨ a wala kɛ tii nu hveelɛ ɓa. Ya ɓə a gɛ, mɛ̨nįi tii ə ɓo nu hveelɛ Ɉaaɓa nwɔ kɛla hvaa mɛ̨i, yɛ pələi Yálá laawoo hɛɓɛ́ kaa moi la, yɛ kɛ mą: ‹Nu hveelɛ ɉaaɓa di wɔ kɛla hvaa kaa a tɛ̨ą.›

Lukə 10:13

«Kpalo ɓɛlaai yɛ́, Korazɛn taa, kpalo ɓɛlaai yɛ́, Bɛtsaida taa, mąąhɔlɔɓo, gbalo mɛ̨nįɠaa ŋɛ̨i kɛ ka hui, a kɛ tii kɛ Tirə daai da Sidɔn taa hu, yɛ mą, daaɠaa tii hu nuą daa wɔlɔ kɛ mąąwɛli həɠə too di kwąną, əgɛ, di nɛ diɛ: daa di túwɔ́ pələ ɲɔ̨nŋąa mąąhvalin.

Lukə 24:48

Ka káá a mɛ̨nįɠaa tii kəlee nwɔ kɛla.

Ɉaan 15:27

Ɛlɛɛ, kaa kpɛli, ka káá pai mą́ą́ kɛla hvaa ɓoi. Mąąhɔlɔɓo, ə həɠə gɔwɔ tɔɔ yələ ɓa, ə həli la yiihu ɓa, ka káá lɔ bɔ́.»

Ɉaan 3:27

Ɉaan ə di woo pulu pənə yɛ diɛ: «Nu hva pɛli hɛn Ɉɔlɔɓoi, akɛ Yálá hvo dɛɛ li pɔ.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 13:31

Nuąi da diɛni di həɠə Galile lɔi hu, diɛ pa Ɉerusalɛmə, ə gbɔwɔ lɛ yiliɠaa diɛ hvoló tamąą yee mu, diɛi ti ɓə mąą kɛla hvaaɓoi nuąi a Israɛlə nuą diɛ.

Gɛlaɠaa 2:32

«Jesus tii ɓə, ku kaa mąą mɛ̨nį ɓoi, Yálá ə gulɔ haaɓɛlaa lɔwai ə gɛ a vulu, ku kaa a yili mąą kɛla.

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

Korɛntə dɔlɔɔ 12:28

Nuąi Yálá ə di hee gbɔn nwun na, dɔlɔɔɠaa ɓaa: Gɛlaɠaa, a həɠə laa: Gwəi mɛ̨nį hukulɔ nuą, da həɠə laa: Nuąi di ɓɛlaa mąąkwɛli mɛ̨nį kaa di nwuɔ̨, yili a hələ laa: Kpalo mɛ̨nį kɛ nuą, ɓalo ɓo kɛ nuą, nuąi da kpɔnmąą tɛɛ di ɓɛlaa pɔ, ɲɛ̨i tɔwɔ nuą, da hįiwoo ɓo nuą

Korɛntə veelɛ 13:1

Gáá pai ká pɔɔli a ɉaaɓanąn. Mɛ̨nį kəlee ɲɛ̨i kaa pai kulɔi, nu hveelɛ, ɉaaɓa ŋą kɛla woo mɛ̨i.

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Dutɛrɔnome 17:6

Kəla hveelɛ ɉaaɓa woo hukulɔ woo mɛ̨i ɓə, mąąnɛ̨ɛ̨ nui haa kaa mą, da baa la. Di hva baa a nu tɔ̨nɔ̨ woo.

Dutɛrɔnome 19:15

Mąą hvo nɛ̨ɛ̨li nu tɔ̨nɔ̨ nwɔ kɛla hvaa hvo nɛ̨ŋɛ̨n gɛmun, a wala kɛ tii, nu paamun giti tee, hvo kɛli nu hveelɛ ɉaaɓa, nwɔ kɛla hvaa ɓə da pɛli mɛ̨nįi tii hutɔɔi la.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.

M̀ɛni-lɛɛi 11:6

Mąąlaa kaa di yəi, di yələkɔlɔn naa kpulu, ɛlɛɛ, tulɔ lɔpee ta hva pu lɔi ɓa, ə lɛɛ ɉu, vólóɠaai di kaa Yálá kwəi mɛ̨nį hukulɔi la, ə kpɛɛ. Mąąlaa kaa di yəi, di yá mąąpənə a ɲąmą, ɛlɛɛ, di mɔ̨nɔ̨ huwui lɔpee gəlee laa lɔi ɓa, yɛ bələi di kaa la bɔ.

M̀ɛni-lɛɛi 12:6

Ya ɓə, nɛ̨ɛ̨nui tii ə pu, ə li nɔi pun ɉu, ɓɛi Yálá ə nąą pɛli mąą mɛ̨nį ɓa, əgɛ, ə lɛɛ laa, diɛ gɔ̨nɔ̨n gɛ, hvóló waa tɔ̨nɔ̨ pulu nwun veelɛ-ɲee-mɛ̨ida yee mu.

M̀ɛni-lɛɛi 13:5

Di hvaa laaləi kɛ ɉuwɔi tii pɔ, yɛ pɛli, huɲąŋą kɛnɛ̨ wooɠaa ɓoi, da Yálá lalan nwooɠaa, ɛlɛɛ, di hvaŋą tɛɛ bɔ, ə gɛ-mɛ̨nį kɛ ɲąnįn bow-nąąn-kɔw-hveelɛ yee mu.

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.