M̀ɛni-lɛɛi 11:19 - Yálá laawoo hɛɓɛ (dc)

¹⁹ Ɛlɛɛ, Yálá hee pɛlɛ́i tii yələi, naa ə ɓo, ɛlɛɛ, mįnɛ̨ kəhi mąą ə pono, Yálá hee pɛlɛ́ mu. Ɛlɛɛ, ə kɛ lɔ tii, mąną-mąną ə gɛ, wooɠaa di tɔɔ, yələgbąnąą ə gɛ, lɔi ə kpɛlin, hanwon gɛnɛ̨ ə pu.

Yálá laawoo hɛɓɛ

¹⁹ Ɛlɛɛ, Yálá hee pɛlɛ́i tii yələi, naa ə ɓo, ɛlɛɛ, mįnɛ̨ kəhi mąą ə pono, Yálá hee pɛlɛ́ mu. Ɛlɛɛ, ə kɛ lɔ tii, mąną-mąną ə gɛ, wooɠaa di tɔɔ, yələgbąnąą ə gɛ, lɔi ə kpɛlin, hanwon gɛnɛ̨ ə pu.

Bible

¹⁹ Ɣâla ŋɔpɛ́rɛ Kɛtɛi nyíi gáa Ɣâla-taai ǹá è ƃò, ǹyaŋ dí Gbanaŋ-wooi Maa-gãlai kàa naa. Ŋ̀ele-gbana ŋɔmãla-mãla, wóo su kɛ́tɛ-ŋa, ŋ̀ele-gbana-tíŋ, lɔii-kpɛ̃liŋɔɔ, da são kɛ́tɛ díkɛ̀ naa.

M̀ɛni-lɛɛi 11:19 ပူးပေါင်းရင်းမြစ်များ

Mąątɛ̨nɛ̨ 105:32

Ə hanwon kpuwulu pu di mɛ̨i, a tulɔ mąą hvalin, ə nwɔ̨n doo nɔi.

Mąątɛ̨nɛ̨ 18:12

Ə li ə noo tulɔ kpinįn gɛnɛ̨ɛ̨ ta hu, ə mąą kpinįn a lulu hu wiaa, nąą hu kpinɛ̨ɛ̨ yɛ yá kpon ɉu kwɛa.

Azaya 28:2

Ną́mu nwɔ kɔ́ kuláa huwalawalaai ka, gɛ pələ ə ɓo yɛ hanwon tulɔ, yɛ kɛɛ kala hvaŋą; yɛ yánwąną kulɔ tulɔ; gaa pai hɛn gəlee ɓəleen ɉii yɛ di pu lɔi ɓa,

Azaya 29:6

Yai-Laa Mɛ̨nį Kəlee ŋą Hééɓomun, kaa pai woloi lɔ yɛ́ kpulu, yələgbąnąą hu, lɔi kpɛlinŋąą hu, tin gɛnɛ̨ɛ hu, hvaŋą kɛnɛ̨ɛ̨ hu, a tulɔ hvaŋą kɛnɛ̨, da kɛɛ kala nwɔ̨n nən ɉu.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Azaya 32:19

Kɛlaa, daa hu kaa pai kalai a hanwon gbuɠulu laa pɔɔ ɛlɛɛ, daa mąą yɛ yɛɛ kpɔ kɛnɛ̨.

Izikiɛ 13:11

Yili mąą mɛ̨nį ɓa, 'mo bɛlɛ́ tɛ-nuąi ti diɛ; yɛ́ diɛ: Tulɔ kɛnɛ̨ kaa pai, hanwon ɲɛ pu, ɛlɛɛ kaai ɲɛ̨́i a ɉanwon gbuɠuluɠaa ka káá pai pui, ɛlɛɛ tulɔ hvaŋą kaa pai mu həɠəi.

Izikiɛ 13:13

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: gáá pai tulɔ hvąŋą muhəɠəi a nííholi pələ kɛnɛ̨, ŋą́ líiholi kaa pai tulɔ ɉogbo ɉogbo pui, ŋą́ lii ɲą nwąną yɛ kɛɛ kala hanwon bu.

Izikiɛ 38:22

Gáá pai ɉu tɔɔi a ɲɔ̨n da ɲąmą; yaa mąn, da nwɔ kɔ́kulááɠaa, da nu kpulu tamąąi tii pai kɛi bɔi; ŋą́ tulɔ kɛnɛ̨ pu di mɛ̨́i, da hɔ̨n gbuɠulu, da nwɔ̨n, ɛlɛɛ, da nwɔ̨n maɠa.

Lonon mo 10:33

Da diɛni di həɠə Yai-Laa nwɔ yeei ɓa, di hvóló haaɓa hiɛ kɛ. Yai-Laa nwɔ mįnɛ̨ kəhii ə kɛ di tɔwɔ diɛ li voló haaɓa hiɛi tii hu, ə gɛ ɓɛi mąąnɛ̨ɛ̨ diɛ daa pu laa, yɛ nąą lɛ diɛ.

Lonon mo 4:15

Ɓɛlɔwai nuą da kɛ di muhəɠə la, Aarɔn lonnii da di yee laa kulɔ a gee kaa kələ mąą kpinįn gɛɛ, mu hɛnŋąą kəlee. Yili pulu, Kehatə lonnii da pa kɛa di ɉəɠə, di hva tunwɔ̨n bɛlɛ́ mąąhəɠɛɛ ɓa; ə gɛ di hvo pa nəi haa. Gee kaa kələ nwɔ hɛnŋąą hu, yii Kehatə lonnii da ɉəɠə, ya ka tii.

Lonon mo 4:5

Da kɛi pa muwu muhəɠəi diɛ li, Aarɔn lonnii ɓə da pa, ɉəɠə ɓɛlai ŋɛ̨i bələi, di gulɔ, di mįnɛ̨ kəhi mɛ̨i kpulu.

Zasua 10:11

Di kɛɛ pui Israɛlə tɔwɔ diɛ Bɛtə-Horɔn yee yɛɛ, Yai-Laa ə hanwon gbuwulu kpɛa-kpɛa kulɔ yələi pələ yɛ bu diɛ, di həli kpɔ Azeka, di haa. Yiiɠaai haa ɉanwon gbuwuluɠaa yəi, di tamąą di tɛɛ yiiɠaai Israɛlə nuą di di paa a ɓɔwa diɛ.

M̀ɛni-lɛɛi 11:13

Nąąlɔwai tii hu kpɔlɔɔ, lɔi a kpɛlin gbɔ kɛnɛ̨, mɛlaɓoɔ ɉu pow, ɉeei tɔ̨nɔ̨, ə ɓuwɔ, nu waa nwun mɛ̨ihveelɛ di nwun na ə pili mɛ̨nįi tii hu. Yiiɠaai da lɛɛ a di hvúlú, di ɲɔw pələ, di mąąwiɛlaa tɛɛ yələkɔlɔn ɉu Yálá pɔ.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 12:1

Mɛ̨nį kɛnɛ̨ ta ə kɛ yələ kwəi, nɛ̨ɛ̨nu ta ɓə, mąą həɠə ə kɛ a hvóló, ɲąnįn ə ɓo gɔwɔ mu, ɛlɛɛ, tɔɔɓɔlɔ ə ɓo nwuɔ̨, mąą puɔ a pɛmɛ̨lɛ̨n-gɔw pow kɔ́w hveelɛ.

M̀ɛni-lɛɛi 16:1

Yili pulu, ŋį́ woo kɛnɛ̨ ta mɛ̨n yɛ həɠə Yálá hee pɛlɛ́ mu, yɛ kɛ malaka mɛ̨ihveelɛi tii diɛ: «'Ká li, 'ká Yálá ŋą liiŋąnwąną kpələ-kɔ́wɔ mɛ̨ihveelɛi tii hu ɓo lɔi mɛ̨i.»

M̀ɛni-lɛɛi 16:18

Ə kɛ lɔ tii, mąną-mąnąɠaa di kɛ, wooɠaa di tɔɔ, ɛlɛɛ, yələgbąnąąɠaa ə pola, ɛlɛɛ, lɔi ə kpɛlin ɉuwu ta ɓo, ɲɔ̨nwɔ̨mąn hvo ta kɛli ə həɠə kpɔ nu kan ŋą yɛnɛ̨ɛ̨ kɔwɔ tɔɔ yələ ɓa, ə həli la yiihu ɓa.

M̀ɛni-lɛɛi 16:21

Hanwon gbuwulu kpɛa-kpɛaa nwiaa yɛ kilə pow-nąąn, yɛ kulɔ yələi yɛ too nu kanŋaa diɛ, ɛlɛɛ, nu kanŋaa di Yálá lalan mɔ̨nɔ̨i tii mąą mɛ̨nį ɓa, mąąhɔlɔɓo, mɔ̨nɔ̨ yili mąąmįnį-mįnŋąąi kɛ kɛnɛ̨.

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

M̀ɛni-lɛɛi 4:1

Yili pulu, ŋį́ kɛɛ ta kaa: Pɛlɛ́ ta laa ə ɓoɔ yələkɔlɔn ɉu, ɛlɛɛ, nwoo tɔlɔɔi ŋą́ mɛ̨n, yɛ pələ ɓo mą́ą́, ə kɛ yɛ tulu woo, yɛ mą: «'Tɛ́ ɓɛ! Ɛlɛɛ, mɛ̨nįɠaai pai kɛi nąą pulu, ŋį́ nɛ yɛ́.»

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

M̀ɛni-lɛɛi 7:15

Yili ɓə gɛ, di kaa la tɔɔni Yálá ŋą tɔɔkpəlin liila, diɛ kwɛli hvilɛn mą a kpinį da hvóló, ŋą pɛlɛ́i mu. Ɛlɛɛ, nui tii heeni dɔɔkpəlin ɉu, gaa pai di lɔi ŋą həɠə-kə́lə́i mu.

M̀ɛni-lɛɛi 8:5

Malaka ə lansan kələn ɉɛn tii həɠə, ə nwɔ̨n ɉəɠə ɉaláá kulɔi ə naahvɛɛ la, ɛlɛɛ, ə bili lɔi mɛ̨i, ə kɛ a yələgbąnąą, a wooɠaa, a mąnąmąnąɠaa, da lɔi kpɛlinŋąą.

M̀ɛni-lɛɛi 8:7

Malaka dɔlɔɔ ə nwɔ tului hvɛɛ, hanwon da nwɔ̨n ɉumoɔ a ɲąmą, di pu lɔi mɛ̨i, lɔi ɓɛlaɓoɔ ɉu haaɓa, bələ tɔ̨nɔ̨ ə kələn, nwuluɠaa ɓɛlaɓoɔ ɉu haaɓa bələ tɔ̨nɔ̨ ə kələn, ɛlɛɛ, wɛlaɠaa di kələn.