M̀ɛni-lɛɛi 11:18 - Yálá laawoo hɛɓɛ (dc)

¹⁸ Hįi lɔiɠaa daa di kpɔwɔ liikələn di kwəi, kɛlaa, ə́ wɔ liiɲąnwąną aa too pono ɲą. Haa nuą kiti tee yələ ka, yɛ́ tínuąi a ə́ kwəi mɛ̨nį hukulɔ nuą, di hvɛla kulɔ yələ ka, ə pɛlɛ la nu mąąhəɠɛɛɠaa diɛ da nuąi da ɲɔw ə́ laa ɓa, bɛlɛɛɠaa da mąn gbɛa-kpɛaa mąn, a nuąi daa yɛnɛ̨ɛ̨ kala, di kala yələ.»

Yálá laawoo hɛɓɛ

¹⁸ Hįi lɔiɠaa daa di kpɔwɔ liikələn di kwəi, kɛlaa, ə́ wɔ liiɲąnwąną aa too pono ɲą. Haa nuą kiti tee yələ ka, yɛ́ tínuąi a ə́ kwəi mɛ̨nį hukulɔ nuą, di hvɛla kulɔ yələ ka, ə pɛlɛ la nu mąąhəɠɛɛɠaa diɛ da nuąi da ɲɔw ə́ laa ɓa, bɛlɛɛɠaa da mąn gbɛa-kpɛaa mąn, a nuąi daa yɛnɛ̨ɛ̨ kala, di kala yələ.»

Bible

¹⁸ Diai dífe Ɣâla-mɛni wɛ̂li nii dílii è ŋwàna kpɔ́ a ŋánaa, kɛ́lɛ, ílii-ŋwanai è pà, a da zaa-ƃelai dímɛni-ŋa-tee-tãi. Íyee-mu-ƃelai fela fé tãi a seri, diai díkaa a ílono-kɛ-ƃelai, da Ŋ̀âla-ƃelai da diai da yao ílaâi mai, nia-pɛlɛɛ kpaa máŋ núu kpaya-kpaya, Diai ǹɔii su karai, dísu kara tãi a seri.”

M̀ɛni-lɛɛi 11:18 ပူးပေါင်းရင်းမြစ်များ

Mąątɛ̨nɛ̨ 103:11

Bələi lɔ yələkɔlɔn nwɔ heeɓolaa kaa la lɔi ɓa, bələ lɔ ɓə nwɔ wɛlikɛmąąlaa kɛ̨nɛ̨ la ɲɔw mąą nuą diɛ.

Mąątɛ̨nɛ̨ 110:5

Ną́mu kaa ə́ ɓa-mįi-yee hu pələ, ə tɔɔɓɛlaa hu wolo a níiholi yələi

Mąątɛ̨nɛ̨ 147:11

Kɛlaa Yai-Laa a giliŋąhiɛ kpɔ a nɛlɛɛ, yɛ vilɛn, nuąi da ɲɔw mą diɛ a diɛi da di kilitɔɔ nwɔ kulɔ nwooɓa laa ɓa.

Mąątɛ̨nɛ̨ 2:5

Yili pulu, gaa pələ ɓoi diɛ a níi holiɛ, níi holi pələ kɛnɛ̨, gaa di hu pui diɛ, yɛ kɛ diɛ:

Mąątɛ̨nɛ̨ 85:9

Mɛ̨nįi Yai-Laa nwɔ́ Yálá kaa moi, nwə́li tɔɔi mą, yɛ «liilaa ə pa» nwɔ lɔi mɛ̨i, da nwɔ tələnmo nuąi mɛ̨i, Kɛlaa, di hvo kɛa pənə di hvo di yee lɔ di wɔ ɓowo mɛ̨nįi ta hu.

Ikilisiati 12:13

Mɛ̨nįɠaa kpɔ ɓo ɉɛɓɛ́i ŋɛ̨i hu, nwoo laa kulɔ ka: Yii mąąnɛ̨ɛ̨ nu lonnii di gɛ, ya ɓaa: Di Yálá mąąwiɛ, di nwɔ tɔn nwooɠaa pɔ mɛ̨nį kɛ, a lɛɛ nwoo mulaa. Mąąhɔlɔɓo, yili ɓə bɛliɛi nu lonnii diɛ.

Ikilisiati 8:12

Nɛ̨ŋɛ̨n ɉəɠəmun danɔ̨n gbən a pɛli ə mɛ̨nį ɲɔ̨n damąą bələ kulɔ, Kɛlaa yaamun, yɛ lamun yɛnɛ̨ɛ̨. Ɲą́ą́ gbį́nįi gílí kaa ɉu, gɛ diɛ: «Nuąi da ɲɔw Yálá ɓa, diɛ ɓə di kaa a lúwɔ́ lonnii, mąąhɔlɔɓo, diɛ ɓə Yálá nwɔ Heeɓolaa kɔ́lɔn.

Danîa 11:44

Kɛlaa, wɛlɛɛ kaa pai həɠəi hvóló həɠəi pələ həɠə, ə nu tamąą nwun na pili.

Danîa 7:26

Yili pulu ɓə Yálá kaa pai giti teei la, ə nwɔ yeetɛɛmąą kulɔ ɲəi, ə lɛɛ, ə nwun na pili.

Danîa 8:25

Gaa pai kɛi a ɲɛlɛɛ mɛ̨nįɠaa kɛi, yɛ pɛli mą da kpɛliɠaa ɓowoi. Nwɔ huɲąŋą kɛnɛ̨ laa hu, gaa pai nu tamąą paai, diɛi gaa di wɔ kwəi di mąą kwənąn ŋaai, yili pulu, gaa pai kɔ́ pɛlɛi tɔɔɓɛlaa di wɔ Tɔɔmun ma. Nąąlɔwai ɓə gaa pai tooi la, nui lɔpee ta laa hva kɛ ɉu.

Maafîu 5:12

'Ka ka kwəinɛ̨ɛ̨ ka ɓələn. Hvo gaai, ka hvɛla kɛnɛ̨i Yálá-taa. Bələ lɔ ɓə di gɛ la a Yálá kwəi mɛ̨nį hukulɔ nuą tɔlɔɔɠaa, diɛi kɛ ka tɔwɔ.»

Lukə 1:50

Yaa ɓə ɲɛ̨imąąwɛli kaa kaa ɲəi, a lɔwai kəlee, yɛ gɛ nwɛlikɛmąą nuą diɛ, ə mą kɛ, yiiɠaai da ɲɔw mą.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

M̀ɛni-lɛɛi 10:7

Kɛlaa, ɓɛlɔwai malaka mɛ̨ihveelɛnąą kaa pai nwɔ tului hvɛɛi la, a pa gɔwɔ tɔɔi yɛ nwɔ tului hvɛɛ, nąąlɔwai ɓə Yálá ŋą mɛ̨nį looŋąą pɔ mɛ̨nį a kɛ la, yɛ bələ ə wɔlɔ mo la ŋą tínuąi a gwəi mɛ̨nį hukulɔ nuą di laaləi.

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.

M̀ɛni-lɛɛi 13:10

Nui mąąnɛ̨ɛ̨ ə li luwɔlaa hu, gaa pai lii luwɔlaa hu. Nui mąąnɛ̨ɛ̨ di pa baa a ɓɔwa kwɛaa, ɓɔwa kwɛa lɔ ɓə pai baai. Nu mąąhəɠɛɛɠaa kąnąn mɛ̨nį laa na laa ɓa, ɲələ ka.

M̀ɛni-lɛɛi 13:16

Nu kəlee kpɔ, lɛapɛlɛɛ mąn, nu kpɛa-kpɛaa mąn, hɛn gɔw nąmu, yeehvowolomun, nui gbɔwɔ yee kɔnma, ɛlɛɛ, luwɔ, ə hɔlɔhima laa di mɛ̨i, ə gɛ, ə gɔlɔn ɉii kɛ di ɓa-mįi-yee ɓa, awala kɛ tii, di tɔwɔla.

M̀ɛni-lɛɛi 14:10

mąą nu yaa kpɛlimąn, gaa pai Yálá ŋą lííholi lɔɔi ta kpələi, yai da bu ŋą lííholi kpələ-kɔwɔi hu, di hva ɉumu, ɛlɛɛ, gaa lii mɔ̨nɔ̨ kɔlɔn ɉii nwɔ̨n maɠa hu, malaka mąąhəɠɛɛɠaa da Mɛlaa Lon di ɲɛ̨i ɓa.

M̀ɛni-lɛɛi 15:1

Ɛlɛɛ, ŋį́ laakpala mąą mɛ̨nį kɛnɛ̨ ta kaa yələ kwəi, ŋį́ malaka mɛ̨ihveelɛ kaa, mɔ̨nɔ̨ mɛ̨ihveelɛ yɛ ɓo di yəi, a gbəli-kpəli, mąąhɔlɔɓo, diɛ ɓə Yálá nwɔ lííholi naa kulɔi kaa di hu.

M̀ɛni-lɛɛi 15:7

Ɉuwɔ nąąn tii dɔ̨nɔ̨ ə hɛni kpələ-kɔ́wɔ mɛ̨ihveelɛ tɛɛ malaka mɛ̨ihveelɛi tii pɔ, naahvɛɛ a Yálái a vúlumąą ɲɛ̨n deei hvo mą, ŋą liiɲąnwąną.

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.

M̀ɛni-lɛɛi 19:18

əgɛ, ká tɔɔɓɛlaa huwɔ, kɔlaɠa nwun nąmįną huwɔ, ɲąąwooɓo kɛ nuą huwɔ, hooɠaa huwɔ, ɉoo mɛ̨i nuą huwɔ, nu kanŋaa huwɔ, nuąi di kpɔwɔ yee kɔnma da luwɔɠaa, lɛapɛlɛɛ, ɛlɛɛ, da nu kpɛa-kpɛa, di huwɔ mįi.»

M̀ɛni-lɛɛi 19:5

Ya ɓə, woo ta ə tɔɔ, yɛ həɠə dɔɔkpəlin ɉu, yɛ kɛ mą: «'Ká gu wɔɔ Yálái mąątɛ̨nɛ̨, káái a ŋą tínuą, káá ka ɲɔw mą, lɛapɛlɛɛ da nu kpɛa-kpɛaa!»

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.

M̀ɛni-lɛɛi 20:15

Ɛlɛɛ, nuąi kpɔ di laa hvo kɛ pɛ̨ɛ̨ li ɲɛnɛ̨ɛ̨ hɛɓɛ́ hu, di gəlee pili nwɔ̨n balayá hu.

M̀ɛni-lɛɛi 22:12

«'Ɓɛ kaa, gáá pai ɉu hvo kwɛa li, ɛlɛɛ, ŋą́ nu hvɛla kulɔ hɛn ə ɓo ɲéé ɲą, gɛ́ pa nu tɛitɛi hvɛla kulɔi yɛ bələi ə tuwɔ la.