M̀ɛni-lɛɛi 10:1 - Yálá laawoo hɛɓɛ (dc)

¹ Ɛlɛɛ, ŋą́ malaka takpɛli kaa, vaŋą kɛnɛ̨ɛ̨, ə həɠə yələi ə yɛɛ. Mąą yiliɛ a tulɔ kpinįn, mąąwiɛlaa həɛ dɔwɔla a gbəimiliin, ɲɛ̨ilaai ə ɓo yɛ, hvóló, ɛlɛɛ, gɔwɔɠaa di ɓo mu yɛ nwɔ̨n.

Yálá laawoo hɛɓɛ

¹ Ɛlɛɛ, ŋą́ malaka takpɛli kaa, vaŋą kɛnɛ̨ɛ̨, ə həɠə yələi ə yɛɛ. Mąą yiliɛ a tulɔ kpinįn, mąąwiɛlaa həɛ dɔwɔla a gbəimiliin, ɲɛ̨ilaai ə ɓo yɛ, hvóló, ɛlɛɛ, gɔwɔɠaa di ɓo mu yɛ nwɔ̨n.

Bible

¹ È kɛ̀ tí, ŋá Ɣâla-taa-kela kɛ́tɛ da kpɛni kàa gɛ̀ kùla Ɣâla-taa gɛ̀ ƃò ɣele-kɔlɔŋ kole su, gbeimɛlɛ kɛ́ ƃo ŋuŋ mɛi, ŋ̀ɛi kɛ́ɛ yɛ̂ɛ voloi, gɔ́ɔ kɛ́ ƃo yɛ̂ɛ wúru kpala kôya ƃe ŋɔŋ káa ma.

M̀ɛni-lɛɛi 10:1 ပူးပေါင်းရင်းမြစ်များ

Mąątɛ̨nɛ̨ 104:3

A nwɔ pɛlɛ́ɠaai tɔɔ yáɠaa mɛ̨i yələi pələ; yɛ tulɔ kpinįnŋaa kɛ a ɉiɛ wotolo; yɛ hiɛ kulɔ hvaŋą hu.

Mąątɛ̨nɛ̨ 97:2

Mąątinɛ̨ŋąąi a kpinį da tulɔ kpinįn, tələnmolaa da tɛ̨ą ɓə a nwɔ tɔɔ kpəlin kɔ́wɔ hvilɛn ɉɛn.

Lɛɛ gbɔwɔ ɓa 16:10

Ɓɛlɔwai Aarɔn ə kɛi bələ ɓo la Israɛlə lonnii kəlee diɛ, ə tinɛ̨n ə ɲɛ̨i hee nɔi pun ɉu pələ, ə Yai-Laa nwɔ mąąwiɛ kaa tulɔ kpinįn ɉu.

Wɛli 5:15

Gɔwɔ kaa yɛ pɛlɛ́ hɔlɔɔn yii dɔɔ a kawulu, Vilɛn ŋąą hɛni gbono mɛ̨i. Nwun nąn ŋąą mɛlaa mɛ̨i yɛ Liban yee, dɔɔ mɛ̨i kwɛa yɛ kpitili wulu.

Azaya 19:1

'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Azaya 54:9

Gáá gɛi lɔ yɛ Noe nwɔ ya mɛ̨nįi, ŋį́ gwɛla mɛ̨nįi tii hu, gɛ́ diɛ ya hva kɛa pənə hvo lɔi mɛ̨i kpulu yɛ Noe nwɔ tulɔi, gáá lɔ nwɔ̨nɔ̨ gwɛ́lai tii, gɛ́ kɛ vá kɛa níí holi ə́ pɔ, vá kɛa ə́ mąąɲɔw.

Woolaa 3:44

Yáá ə́ mąą kpįnįn gɛ a tulɔ kpįnįn ə gɛ, ku wɔ hvɛli wooɠaa di hvo pa həli yɛ́.

Izikiɛ 1:28

Ə kɛ yɛ gbəimiliin, yai a laa tulɔ kpinįn dɔwɔ, a tulɔ pu yələ. Gɛɛ pɔ̨nɔ̨i tii kɛ naa kwɛlɛ kəlee, gɛ pələ ka tii kɛ. Yai-Laa nwɔ mąąwiɛ gulɔ mąą, da gɛ pələ ka tii kɛ; ŋą́ nąą kaa, ŋą́ pɛlɛ níí ɓa, nɔi ɓa, ŋą́ woo ta mɛ̨n yɛ pələ ɓo mą́ą́.

Danîa 10:6

Gɔlɔ ɓa yɛ lən gbɔ yɛ kwɛni kwɛlɛɛ, ɲɛ̨ilaai yɛ lən yɛ malamala a gɛ, ɲɛ̨ikɔw yɛ ɓo yɛ kpalan nən, gɔwɔ da ɲeeɠaa yɛ kpɔlu yɛ da ɓala kwɛli pu. A kɛi hvaa, yɛ ɓo yɛ nu kpulu hvaa woo.

Danîa 7:13

Ɉįi tɔ̨nɔ̨i tii hu lɔ nwɔ̨nɔ̨, ŋą́ hɛn da kaa ə ɓo yɛ hulɔnu lon, yɛ ɓo tulɔ kpiliɠilin mɛ̨i, yɛ pa. Pai tii ə mo, ə mąą lɛɠɛ ɉulɔgolo pɔlɔ-pɔlɔ tii ɓa, ə lɛɛ, di mąą lɛɠɛ ma.

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Maafîu 17:2

Di lɛɛ lɔ laa, Jesus ɲɛ̨i laa mąą ə hvalin. Yɛ lən yɛ hvóló. Mąą həɠə ə kwələ yɛ kɛɛ pono.

Lukə 21:27

Yili pulu ɓa ɓə, da Nu Lon kaa la, ɉeɛ tulɔ kpiliɠilin mɛ̨i yɛ pa a huwalawala da mąąwiɛ kɛnɛ̨ɛ.

Gɛlaɠaa 26:13

Tɔɔmun! Gɛ́ɛ́ bələ pɔ, a hvoló haŋąnŋąą; ŋį́ kɛɛ pono ta kaa a həɠə yələi pələ, gwələ pələ yee tɛɛ hvóló nwɛi ɓa; nən ə mą́ą́ ə mą́ą́ pono, ə mą kɛ, kwa nuąi kɛ bələ pɔ.

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

M̀ɛni-lɛɛi 18:1

Yili pulu, ŋį́ malaka takpɛli kaa, yɛ həɠə yələi. Hvaŋą kɛnɛ̨ ta ə ɓo ɲəi, ɛlɛɛ, lɔi mɛ̨i ə pono a mąąɲįnɛ̨n.

M̀ɛni-lɛɛi 18:21

Ya ɓə, malaka ta ə kwɛni kpuwulu kɛnɛ̨ ta həɠə, ə ɓo yɛ kwɛną, ə bili gboloyá hu, yɛ mą: «Bələ ɓə di kaa pai Babilonə taalee pilii la a hvaŋą; di hva kɛa gaa.

M̀ɛni-lɛɛi 20:1

Ya ɓə, ŋį́ malaka ta kaa yɛ həɠə yələi pələ, nowa kpon ɉu kwɛa laaɓo kwɛli ə ɓo ɲee ɲą, ɛlɛɛ, da yɔwɔn nwiaa gɛnɛ̨ ta.

M̀ɛni-lɛɛi 4:3

Nui tii kɛ ɉu heeni gɛ pələ ə kɛ yɛ ɉaspə da sardoanə kúwɔ-kwɛnį. Dɔɔkpəlin tii mąątinɛ̨nŋąąi kɛ a gbəimiliin, yɛ lən yɛ emerodə kwɛni.

M̀ɛni-lɛɛi 5:2

Ɛlɛɛ, ŋą́ malaka hvaŋą kɛnɛ̨ɛ̨ ta kaa, yɛ pələ ɓo kpɔ a nwoo kɛnɛ̨ɛ̨, yɛ kɛ: «Gbɛɛ ɓə mąąlaa kaa ɲəi, yɛ pɛli ɉɛɓɛ́i ŋɛ̨i laaɓoi, ɛlɛɛ, ə gɔlɔn ɉɛnŋaa kulɔ mą?»

M̀ɛni-lɛɛi 8:13

Ya ɓə, ŋą́ ɲɛ̨́i hee, ŋį́ kúwɔ ta koon ɉu tin mɛ̨n kpɔ ɲələi kwɛa la, yɛ mo kpɔ a nwoo kɛnɛ̨, yɛ kɛ: «Kpalo-o, kpalo-o! Kpalo-o, aa ɓɛla lɔi da ɉu heeɓo nuą diɛ, malaka haaɓai daa lɛɛ pulu, diɛ pai di wɔɔ tuluɠaa hvɛɛi mąą mɛ̨nį ɓa!»