M̀ɛni-lɛɛi 1:6 - Yálá laawoo hɛɓɛ (dc)

⁶ ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!

Yálá laawoo hɛɓɛ

⁶ ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!

Bible

⁶ nyíi kâloŋ-laa kɛ̀ kúmɛni mai, é kúkɛ a Ŋɔɣâlai da Ǹâŋ ŋɔsâla láa soŋ-ƃelai, folo-laa da núu-mɛi-laa é kɛ́ ǹyêei wɔlɔ-wɔlɔ da wɔlɔ-wɔlɔ. É kɛ́ tí.

M̀ɛni-lɛɛi 1:6 ပူးပေါင်းရင်းမြစ်များ

Lɛɛ gbɔwɔ ɓa 19:6

Ka wɛi, gáá pai ka kɛi a nwɔ tɔɔlaa hu haláá laa həli nuą, a nu huwu mąąhəɠɛɛ.› Nwooɠaai mąąnɛ̨ɛ̨ ə́ mo Israɛlə lonnii diɛ, diɛ ka ti.»

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Lomaŋ 11:36

Gbala ə tɔɔ, hɛn gəlee a həɠə ɲee ɲą, ya ɓə gəlee pɛli, gəlee ə ɓo a nwɔɔ. Mąąwiɛ ə kɛ mą a yələ kəlee, kɛi a mo tii Yálá ə kɛ! Mįiną.

Lomaŋ 15:6

Ya ɓə a gɛ, ka wɔ kiliŋąhiɛ ə kɛ tanɔ̨n, woolaamąą hu, káá Yálá mąąwiɛ la, yai a gu Ną́mu Jesus Kristə Ną́n.

Filipə 2:11

ɛlɛɛ, hįi kəlee diɛ mo, diɛ kɛ: Jesus Kristə ɓə a Ną́mu, Ną́n Yálá ŋą mąąwiɛlaa hu.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Piɛrə dɔlɔɔ 5:11

Yaa ti ɓə ɉəɛ hɛn gəlee mɛ̨i a kwɛlan gəlee da nwɔɔ! Yaa lɔ ɓə a kɛ!

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Zûu 1:25

Yálá kɔw tanɔ̨n tii a gu ɓalomun, gu Nąmu Jesus Kristə laa hu, mąąwiɛ, kɛnɛ̨ laa, huwalawala da heeɓolaa ə kɛ mą, yiihu ə lɛɛ ɉu wɔ, Yálá ə kɛ!

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 20:6

Nwun na nɛ̨ɛ̨ nuą, da mąąhəɠə nuą ɓaa, diɛi pai kɛi nwun mo dɔlɔɔ tii hu. Di nwɛi, haa ŋą yee pɛli mąą hvo diɛ; di kaa pai kɛi a Yálá da Kristə di wɔɔ haláá laa hɛli nuą kpɛa-kpɛaa, da diɛni da tɔɔlaa kɛ gwɛlan nwaa tɔ̨nɔ̨i tii yee mu.

M̀ɛni-lɛɛi 4:11

«Oo! Ku Ną́mu, ku wɔɔ Yálá, yɛ́ ɓə ə́ mąąnɛ̨ɛ̨i ku, mąąwiɛlaa, kɛnɛ̨laa da hvaŋą laa kɛ yɛ́, mąąhɔlɔɓo, yɛ́ ɓə hɛn gəlee pɛli, Yɛ́ ɓə hvaa mą diɛ kɛ yɛnɛ̨ɛ̨, ɛlɛɛ diɛ yɛnɛ̨ɛ̨ kɛ.»

M̀ɛni-lɛɛi 5:10

Yáá di kɛ a tɔɔɓɛlaa da haláá laa həli nuą, a ku wɔ Yálái nwɔɔ. Ɛlɛɛ, di kaa pai tɔɔlaa kɛi lɔi mɛ̨i.»