M̀ɛni-lɛɛi 1:4 - Yálá laawoo hɛɓɛ (dc)

⁴ Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

Yálá laawoo hɛɓɛ

⁴ Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

Bible

⁴ Zɔ̂ŋ ŋɔworɛ̂-wooi è dɛ̀ɛ Kôrai-toli-kpɔŋ lɔ́ɔlu mɛi féerɛi pɔ́ naa Eesiai. Ƃɛlɛ-sêe é kɛ́ kâa da lii-sêe é kúla ǹúui yêei gáa naai, nyíi kɛ̀ naai, nyíi pâi kɛ̂i naai. Ƃɛlɛ-sêe é kɛ́ kâa da lii-sêe é kúla m̀ɔlêŋ lɔ́ɔlu mɛi féerɛi yêei nyíi-ŋai díkaa ŋɔkâloŋ-see-sɛŋ ŋ́ɛi-tuɛi.

M̀ɛni-lɛɛi 1:4 ပူးပေါင်းရင်းမြစ်များ

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Lɛɛ gbɔwɔ ɓa 3:14

Yálá yɛ Moisə ɓa: «Náá ɓaa a: ‹Yai Gaa Lɔ A Yaa›, yá li, yá kɛ diɛ, nui ŋɛ̨i naa ɓa a: ‹ƝĄ́Ą́ LƆ, ya ɓə dɔ́ɔ́ ka pɔ.›»

Azaya 11:2

Yai-Laa nwɔ Kilii kaa pai kɛi a naa mɛ̨i a yələ kəlee mɛ̨nį, gaa a mɛ̨nį hukpɛ kili da mɛ̨nį ɲąą kaa, yə ɓo a liɛwoo kili, da huwalawala kili, ya ɓə a Yai-Laa lɛ nuą diɛ, diɛ ɲɔw mą mąąwiɛ laa hu.

Azaya 41:4

Gbɛɛ ɓə a mɛ̨nį taaləi tii kɛ? Hvo kɛli nui nu huwu kəlee təli a gɔwɔ tɔɔi lɔwai, Ɲą́ą́, gáá a Yai-Laa, a dɔlɔɔ, bələ lɔ ɓə nwɔ̨nɔ̨ gáá pai kɛi laa ɲąąkpɛɛi lɔwai; ɲą́ą́ ɓə.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Zakari 3:9

Gwɛnii gáá dɛɛi Ɉosue pɔ, ka gaa, ɲɛ̨ikɔw mɛ̨ihveelɛ ɓə gwɛni tɔ̨nɔ̨i tii ɓa, ɲą́ą́ gbínii gáá pai mąą pɛ̨ɛ̨i, Yai-Laa Mɛ̨nį Kəlee ŋą Hééɓomun woo li; ɛlɛɛ, gáá pai nɔi nwɔ nɛ̨ŋɛ̨n gulɔi mą a hvoló tɔ̨nɔ̨.

Zakari 4:10

Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Zakari 6:5

Yɛ mą́ą́: «Hvaŋą nąąn ga tii, di kɛ tɔɔni lɔi kəlee Nąmu kwɛlɛ, di kɛɛ kɛa lii ka tii.»

Ɉaan 1:1

Gɛɛ Yálá hvo yɛnɛ̨ɛ̨ pɛli, tɔlɔɔ, woo ə gbɛa kɛ laa. Nwoo tii, ə kɛ Yálá pɔ, gaa a Yálá.

Gɛlaɠaa 19:10

Ə gɛ tii kwɛlan veelɛ yee mu. Gɛ pələi ti, nuą kpɔ kɛ Asi lɔi hu, ə kɛ a Ɉuifəɠaa, ə kɛ a Grɛkə, di pɛli gu Nąmu laawoo mɛ̨n ɉii.

Gɛlaɠaa 2:9

Yaan, nu taɠaa kaa gu lɔwai di həɠə: Partə lɔi hu, Medi lɔi hu da Elamə lɔi hu, daɠaa di həɠə Mesopotami lɔi hu, Ɉude lɔi hu da Kapadosə lɔi hu, daɠaa di həɠə Pɔn lɔi hu, da Asi lɔi hu,

Lomaŋ 1:7

Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Korɛntə dɔlɔɔ 1:3

Kuɔ gu Ną́n Yálá da gu Ną́mu Jesus Kristə di mɛ̨inɛ̨ɛ̨ da liilaa tɛɛ ka pɔ.

Korɛntə veelɛ 1:2

Kuɔ gu Ną́n Yálá da gu Ną́mu Jesus Kristə di mɛ̨inɛ̨ɛ̨ da liilaa tɛɛ ka pɔ.

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 16:5

Ɛlɛɛ, ŋą́ yáɠaa di wɔɔ malaka woo mɛ̨n, yɛ mą: «Ə́ haŋąąi, yɛ́i laa, yɛ́i pai kɛ laa, mąąhəɠəmun, mąąhɔlɔɓo, yáá ə́ wɔɔ kitii tee,

M̀ɛni-lɛɛi 2:12

Malakai gbɔn nwun na Pɛrgamə, hɛɓɛ́ kɛ ə dɛɛ mą: «Nui níikpa-kpa ɲąą liɛ kaa ɲəi, nwoo ka, yɛ:

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ:

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ:

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

M̀ɛni-lɛɛi 22:8

Ɲą́ą́ Ɉaan, ŋį́ mɛ̨nįɠaa tii mɛ̨n, ɛlɛɛ, ɲɛ̨́i ə tɔɔ ɉu. Yii kɛa ŋį́ gaa, ŋį́ mɛ̨n na, ŋį́ pɛlɛ níiɓa, əgɛ, ŋį́ gwɛli hvilɛn, malakai tii mɛ̨nįɠaa lɛ mą́ą́ gɔwɔ mu.

M̀ɛni-lɛɛi 3:1

Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

M̀ɛni-lɛɛi 8:2

Ɛlɛɛ, ŋą́ ɲɛ̨́i hee, malaka mɛ̨ihveelɛi kɛ tɔɔni Yálá lííla, ŋą́ di kaa. Di tulu mɛ̨ihveelɛ tɛɛ di pɔ.