M̀ɛni-lɛɛi 1:20 - Yálá laawoo hɛɓɛ (dc)

²⁰ Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

Yálá laawoo hɛɓɛ

²⁰ Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

Bible

²⁰ À kɛ̀ a noo-mɛnii gáa bɛmɛlɛŋ-kao lɔ́ɔlu mɛi féerɛi su nyíi-ŋai í díkàa náa-mii-yee ŋá da gôo-laŋpo see-sɛŋ lɔ́ɔlu mɛi féerɛi, bɛmɛlɛŋ-kao lɔ́ɔlu mɛi féerɛi ƃa Kôrai-toli-kpɔŋ lɔ́ɔlu mɛi féerɛi díkela-ŋai, ǹyaŋ laŋpo-see-sɛŋ lɔ́ɔlu mɛi féerɛi ƃa Kôrai-toli-kpɔŋ lɔ́ɔlu mɛi féerɛi.

M̀ɛni-lɛɛi 1:20 ပူးပေါင်းရင်းမြစ်များ

Lɛɛ gbɔwɔ ɓa 25:37

Ə́ wulɔ nwɔ̨n gbowo mɛ̨ihveelɛ pɛli, ə́ ɉee nwulɔ nwɔ̨n ɉee hɛn gɔn mɛ̨ihveelɛi tii nwuɔ̨, da kɛi lən, diɛ di tɔwɔ pələ pɔ̨nɔ̨.

Lɛɛ gbɔwɔ ɓa 37:23

Di nwɔ̨n ɉee hɛn mɛ̨ihveelɛ pɛli da nwɔ̨n ɉəɠə hɛnŋąą, ə mą kɛ nuwu kələ hɛnŋąą; gəlee ə ɓo a hɛni huwaa hva-hva.

Zakari 4:2

Ə mą́ą́ni kɛ, yɛ mą́ą́: «Lə ɓə ə́ kaa gaai?» Gɛ́ mą: «Gáá hɛn da kaai, nwɔ̨n ɉee hɛn da li, nąą kəlee kaa a hɛni; nwulɔ pui kaa ɲələi pələ. Nwɔ̨n gbowo mɛ̨ihveelɛ ə ɓo mɛ̨i, da ɉaláá mɛ̨ihveelɛ.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Lukə 8:10

Jesus ə di woo pulu pənə, yɛ diɛ: «Ká wɛi, Yálá-taa tɔɔlaa hu mɛ̨nį loɔɠaa kəlee, ka gɔlɔn. Nuą yiiɠaa tii di wɛi, ŋą mɛ̨nį ɓo diɛ hanwon ɉu, əgɛ, diɛ kɛɛ kaa, kɛlaa, di hva hɛn nɔpee ta mąąkpɛɛ, diɛ mɛ̨nį mɛ̨n, di hva ŋąą kaa.»

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

M̀ɛni-lɛɛi 1:16

Pɛmɛ̨lɛ̨n-gɔw mɛ̨ihveelɛ ə kɛ mamįiyee ɲą, ɛlɛɛ, líikpakpa kwɛa ɲąąliɛ, yɛ kulɔ na. Ɲɛ̨ilai yɛ lən yɛ hvóló a tɛ nwun ma.

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

M̀ɛni-lɛɛi 17:5

Laa ta pɛ̨ɛ̨ dɔwɔla, a mɛ̨nį hu kpinįɛ, diɛ kɛ mą: «Babilonə daa-lee kɛnɛ̨i, yai a nwɛlikɛ nɛ̨ąą, ɛlɛɛ, da mąąliɓi túwɔ́ɠaai kpɔ lɔi mɛ̨i, di lee.»

M̀ɛni-lɛɛi 17:7

Ya ɓə, malaka yɛ mą́ą́: «Lə mɛ̨nį ɓa ə́ kwəi aa pili yɛ́? Gáá pai nɛ̨ɛ̨nui tii, da ɉuwɔi tii nwun ganįn gaa mɛ̨ihveeɛ, ɛlɛɛ, mįnɛ̨ ə ɓo pow, ŋą mɛ̨nį hu kpinįɛ, hukulɔi yɛ́.

M̀ɛni-lɛɛi 2:1

Malakai gbɔn nwun na Efɛsə hɛɓɛ́ kɛ ə dɛɛ mą: «Nui bɛmɛ̨lɛ̨n-gɔw mɛ̨ihveelɛ kaa mamįiyee ɲą, yɛ hiɛ ɉɛni wulɔ nwɔ̨n mɛ̨ihveelɛ lɔwai, yɛ mą:

M̀ɛni-lɛɛi 2:12

Malakai gbɔn nwun na Pɛrgamə, hɛɓɛ́ kɛ ə dɛɛ mą: «Nui níikpa-kpa ɲąą liɛ kaa ɲəi, nwoo ka, yɛ:

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ:

M̀ɛni-lɛɛi 2:5

Ɓɛi ə́ too laa, ə́ kili hvilɛn nąą, ə́ tuwɔ pələ mąąhvalin, ɛlɛɛ, mɛ̨nį lɛlɛɛi ə́ kɛi gɛ tɔlɔɔ, 'ə́ gɛ. Yili hvo mą, gáá pai həlii yɛ́, ɛlɛɛ, yá wala ə́ túwɔ́ pələ mąą hvalin, gáá pai ə́ wɔɔ wulɔ nwɔ̨n ɉəɠəi ɉeei.

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ:

M̀ɛni-lɛɛi 3:1

Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ: