M̀ɛni-lɛɛi 1:13 - Yálá laawoo hɛɓɛ (dc)

¹³ ɛlɛɛ nwulɔ nwɔ̨n ɉee hɛn mɛ̨ihveelɛi tii lɔwai, ŋą́ nu ta kaa laa yɛ nu lon. Həɠə kwɛaa ɓə kɛ gwąną, ɉɛ̨ątɔɔ a hɛni kɔlɔ.

Yálá laawoo hɛɓɛ

¹³ ɛlɛɛ nwulɔ nwɔ̨n ɉee hɛn mɛ̨ihveelɛi tii lɔwai, ŋą́ nu ta kaa laa yɛ nu lon. Həɠə kwɛaa ɓə kɛ gwąną, ɉɛ̨ątɔɔ a hɛni kɔlɔ.

Bible

¹³ Laŋpo-see-sɛŋ-ŋai sama núu tɔnɔ è kɛ̀ naa gɛ́ɛ yɛ̂ɛ núu-kpune Ǹóŋ. È kɛ̀ a maa ɣiriɛ a yokpo kôya, gôo-bɛti ɣiriɛ geŋe lá.

M̀ɛni-lɛɛi 1:13 ပူးပေါင်းရင်းမြစ်များ

Lɛɛ gbɔwɔ ɓa 39:5

Ɉąąi yili yɛlii ti kɛ mą, da yaa di kanąn ŋąą kɛ di kee ɓa, diɛ ɓo a huwu tɔ̨nɔ̨, yɛ bələi Yai-Laa ə Moisə tí la.

Azaya 11:5

Tələnmolaa da tɛ̨ą, diɛ ɓə pai kɛi a, ɉąą yili hɛn.

Danîa 10:16

Kɛlaa, ŋą́ hɛn da kpɛli kaa, gɛ pələ ə ɓo yɛ nu, ə pa, ə ɲee hee náá wulun ma, gɛ́ tɛɠa pɛli hvaai. Nui ŋɛ̨i kɛ tɔɔni ɲɛ̨i tɔwɔ, ŋą́ mo mą, gɛ́ mą: «Nwɔ́ mɛ̨nį Nąmu, gɛɛ ɲɛ̨i ŋą́ą́ gaa, aa gwə́i pili mą́ą́, hvaŋą hvo kpɛli lɛɛ li ɲə́i.

Danîa 7:13

Ɉįi tɔ̨nɔ̨i tii hu lɔ nwɔ̨nɔ̨, ŋą́ hɛn da kaa ə ɓo yɛ hulɔnu lon, yɛ ɓo tulɔ kpiliɠilin mɛ̨i, yɛ pa. Pai tii ə mo, ə mąą lɛɠɛ ɉulɔgolo pɔlɔ-pɔlɔ tii ɓa, ə lɛɛ, di mąą lɛɠɛ ma.

Danîa 7:9

Ɲɛ́i ə lɛɛ lɔ laa, di tɔɔ kpəlinŋaa hvilɛn, hulɔgolo pɔlɔ-pɔlɔ. Ta ə pa ə hee ɉu. Ɉulɔgoloi tii mąą həɠə kwəlɛɛ kɛ yɛ wee kwələ, nwun nəɠa yɛ ɓo yɛ yee hunwɔ. Nwɔ tɔɔ kpəlin yɛ ɓo yɛ nwɔ̨n nən. Gɔwɔɠaa diɛ ɓo yɛ nwɔ̨n dəŋą.

Levetekɔ 8:7

Ə ɉəɠə mu həɠə too Aarɔn kwąną, ə ɉąą yili kɔ́lɔ yili nəŋəi, ə ɉəɠə kwɛa too gwąną, ə gilɛn ɉəɠə too gwąną, ə gilɛn ɉəɠə mɛ̨i həɠə ɓɛla kɛ mą, ə gbulɔn galan bulu.

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

M̀ɛni-lɛɛi 14:14

Ɛlɛɛ, ŋį́ ɲɛ̨́i hee, ŋą́ tulɔ kpinįn gwɛlɛɛ ta kaa, ɛlɛɛ, dulɔ kpinįn tii mɛ̨i pələ, nu ta ə kɛ laa, yɛ nu lon. Hɛni ɓɔlɔ ə ɓo nwuɔ̨, mɔ̨nun-dee ɓowa ɲąąliɛɛ ə ɓo ɲəi.

M̀ɛni-lɛɛi 15:6

ɛlɛɛ, malaka mɛ̨ihveelɛi tii mɔ̨nɔ̨ mɛ̨ihveelɛi ə kɛ di yəi, di kulɔ Yálá hee pɛlɛ́ mu; di mąą həɠə yɛ kwələ kpɔ pə-pə, yɛ lən, di hąą yiliɛ a hɛni.

M̀ɛni-lɛɛi 2:1

Malakai gbɔn nwun na Efɛsə hɛɓɛ́ kɛ ə dɛɛ mą: «Nui bɛmɛ̨lɛ̨n-gɔw mɛ̨ihveelɛ kaa mamįiyee ɲą, yɛ hiɛ ɉɛni wulɔ nwɔ̨n mɛ̨ihveelɛ lɔwai, yɛ mą: