M̀ɛni-lɛɛi 1:11 - Yálá laawoo hɛɓɛ (dc)

¹¹ yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

Yálá laawoo hɛɓɛ

¹¹ yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

Bible

¹¹ gɛ̀ mò, nyɛɛi, “Mɛnii ya gaâi, bɔ̃̀yɛ kɔlɔ ma í dɛ̀ɛ Kôrai-toli-kpɔŋ lɔ́ɔlu mɛi féerɛi dîɛ. Dɛ̀ɛ Ɛfesɛ, Simɛna, Pɛgamɔŋ, Tayatira, Saadi, Feledɛfia, da Leodisiɛ.”

M̀ɛni-lɛɛi 1:11 ပူးပေါင်းရင်းမြစ်များ

Azaya 30:8

'Li kɛa, mɛ̨nįi ŋɛ̨i pɛ̨ɛ̨ di ɲɛ̨i ɓa, hɛɓɛ́ hu, ə́ gɛ hveelɛ, tinąą mɛ̨nį ɓa, yɛ gili too di ŋą a yələ kəlee.

Ɉeremi 30:2

«Yai-Laa Israɛlə nwɔ Yálá woo ka, yɛ mą: Nwooɠaa kpɔ gáá moi yɛ́, di pɛ̨ɛ̨ hɛɓɛ́ hu.

Habakukə 2:2

Yai-Laa ə nwóó ɲąąpənə yɛ mą́ą́: Mɛ̨niɠaai ŋɛ̨i ŋį́ nɛ yɛ́, bɛ̨ɛ̨, bɛ̨ɛ̨ kpəlin mɛlaɠaa diɛ, bɛ̨ɛ̨ a ɉuponoɔ nu yɛ pɛli moi.

Gɛlaɠaa 16:14

Nɛ̨ąą ti dɔ̨nɔ̨ laa ɓaa kɛ a Lidi, a həɠə Tiatirə daai. Nįnį-kɔlɔ həɠə lɔwɔ́tɔɔmun ni, ə kɛli kwɛli hvilɛn Yálá ɓa. Nwəli tɔɔi kpɔ kɛ kpąą, gu Ną́mu aa kɛ hvaa mą, aa níi laa ɓo Polə woo tɔwɔ.

Gɛlaɠaa 18:24

Ɉuifə mun da, diɛ kɛ naa ɓaa Apɔlɔsə, gaa taa ɓaa Alɛsandri; aa kɛ pa Efɛsə daai. Mɛ̨nį kɔlɔnmun gɛnɛ̨ ta li kɛ, ə ɓo a Yálá lawoo hɛɓɛ́ kɔ́lɔnŋąą kpɔ kpąąn.

Gɛlaɠaa 20:17

Polə kɛɛ Milɛtə daai, gbɔn ŋɛ̨i gaa Efɛsə daai, ə ɉu kalanɉonŋaa təli.

Korɛntə dɔlɔɔ 15:32

Kɔ́ pɛlɛ mɛ̨nį huwɔ hvulúɠaa diɛ Efɛsə, lə kpɔ ɓə yili a ɉəli mą́ą́, akɛ ŋą́ mąn nɔ kɛ nu kanŋaa di wɔɔ kiliŋąhiɛ ɓa? Akɛ haaɓɛlaa di hva nwun, gu gu laa mįi, gu gu kpələ, hvo gaai, gwa tínąą haa.

Korɛntə dɔlɔɔ 16:8

Kɛlaa, gáá pai lɛɛi ɓɛ Efɛsə daai, ə lɛɛ la ɉu Pantəkotə lɔwai.

Ifisiɛŋ 1:1

Ɲą́ą́ Polə, Jesus Kristə nwɔ tímun, a Yálá liiɓa, gáá ɉɛɓɛ́i tɛɛ, nuąi Yálá aa di tolu, di laa mɛ̨nį ɓa Jesus Kristə la, diɛ;

Dutɛrɔnome 31:19

Yili ɓa tii, nwələi ŋɛ̨i pɛ̨ɛ̨ ka mąą mɛ̨nį ɓa, ə́ Israɛlə lonnii mąąkwɛli mą, ə kɛ di la a kɛla kwa diɛni ku lɔwai.

Kolosə 2:1

Gáá bɔ́, gɔ́ kɛnɛ̨i ŋɛ̨i gáá gɔi, ká gili kɔlɔn kaa diɛ, ka mąą mɛ̨nį ɓə gáá gɔi la, ə mą kɛ, Laodise nuą da nuąi kpɔ di hvo ni ɲɛ̨́ilaai kaa li.

Timote dɔlɔɔ 1:3

Mɛ̨nįi ŋį́ mąą liɛwoo kɛ yɛ́, gɛ́ɛ́ həɠəi Masedoanə lɔi hu, ya ɓaa: Ə́ lɛɛi ŋą́ mo Efɛsə, nwun ma, nuąi laa, diɛ laa na pələ takpɛli mąą kalan gɛ, ə́ di kpɛla mą.

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

M̀ɛni-lɛɛi 1:19

Mɛ̨nįɠaai ə́ ɲɛ̨i ə gaa, yiiɠaai kɛi yiihu, ɛlɛɛ, yiiɠaai pai kɛi yili nąą pulu, 'bɛ̨ɛ̨.

M̀ɛni-lɛɛi 1:2

yai moi yɛ ə gɛɛ tii kaa, hɛa hvo ɉu, Yálá laa woo li, ɛlɛɛ, gaa a Jesus Kristə ŋą kɛla woo.

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

M̀ɛni-lɛɛi 10:4

Yii kɛa tii ɲələgbąnąąɠaa woo ə tɔɔ, ŋą́ kɛ bɔ ŋą́ bɛ̨ɛ̨, ŋį́ woo ta mɛ̨n ɲələi, yɛ kɛ mą́ą́: Nwɛlɛɛi ɲələgbaąnąą mɛ̨ihveelɛi di mo, nɛɛ ə́ kwəi a loo mɛ̨nį, 'hvó bɛ̨ɛ̨.

M̀ɛni-lɛɛi 14:13

Ɛlɛɛ, ŋą́ woo ta mɛ̨n yələ pələ, yɛ kɛ mą́ą́: «'Bɛ̨ɛ̨, yɛ mą: ‹Nuąi daa haa yiihu gu Nąmu hu, di nwun na nɛ̨ɛ̨ ɓə!›» Yálá nwɔ Kilii yɛ mą: «Tɛ̨ą li! Da di hvįi tɔɔ di wɔɔ mɔ̨nɔ̨ɠaai diɛ, mąąhɔlɔɓo, di kɛ-mɛ̨nįɠaa hvilɛnŋąąi di pulu.»

M̀ɛni-lɛɛi 19:9

Malaka ta yɛ mą́ą́: «'Bɛ̨ɛ̨! Nwun na nɛ̨ɛ̨mun maa, nuąi di təliɛi mɛlaa lon ŋą hululɔ hɛlii ɓa!» Yɛ nwɔ̨nɔ̨ mą́ą́: «Yálá kpinįi woo li.»

M̀ɛni-lɛɛi 2:1

Malakai gbɔn nwun na Efɛsə hɛɓɛ́ kɛ ə dɛɛ mą: «Nui bɛmɛ̨lɛ̨n-gɔw mɛ̨ihveelɛ kaa mamįiyee ɲą, yɛ hiɛ ɉɛni wulɔ nwɔ̨n mɛ̨ihveelɛ lɔwai, yɛ mą:

M̀ɛni-lɛɛi 2:12

Malakai gbɔn nwun na Pɛrgamə, hɛɓɛ́ kɛ ə dɛɛ mą: «Nui níikpa-kpa ɲąą liɛ kaa ɲəi, nwoo ka, yɛ:

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ:

M̀ɛni-lɛɛi 2:24

«Kɛlɛɛ ka wɛi, kaai Tiatirə, kaai ka hvo kɛ lɔ li galan bələ ɲɔ̨nwɔ̨ɔ̨ tii hu, ɛlɛɛ, ká hvo nwɔ̨nɔ̨ ká yee too li ɓilihi ŋą mɛ̨nį loɔ kpon ɉu kwɛa tii hu, və́ pai tíɛ̨ wiaa takpɛli laai ka nwuɔ̨.

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ:

M̀ɛni-lɛɛi 21:5

Ɛlɛɛ, nui tii kɛ heeni dɔɔkpəlin ɉu, yɛ mą: «'Ɓɛ kaa, gáá mɛ̨nį kəlee pui nįnɛ̨ kɔlɔi.» Yili pulu, yɛ mą́ą́: «'Bɛ̨ɛ̨, yɛ mą: Nwooɠaa ŋɛ̨i kaa a mɛ̨nį leelee, ɛlɛɛ, a tɛ̨ą.»

M̀ɛni-lɛɛi 22:10

Yili pulu, yɛ mą́ą́: «Yálá kwəi mɛ̨nį hu wooɠaai ɉɛɓɛ́i ŋɛ̨i hu, 'hvó noo, mąąhɔlɔɓo, ɲələ aa lɛɠɛ.

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

M̀ɛni-lɛɛi 3:1

Malakai gbɔn nwun na Sardɛsə, hɛɓɛ́ kɛ ə́ dɛɛ mą: «Nui Yálá ŋą nįį mɛ̨ihveelɛi kaa ɲəi, ɛlɛɛ da bɛmɛ̨lɛ̨n-gɔw mɛ̨ihveelɛi, nwoo ka, yɛ: Ŋą́ ə́ kɛ-mɛ̨nįɠaa kɔ́lɔn, ə́ laa tɛɛi, diɛ kɛ ə́ kaa a ə́ hvúlu, kɛlaa, ə́ haai!

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

M̀ɛni-lɛɛi 3:4

Kɛlaa, ə mą kɛ tii, Sardɛsə ɓɛ li, nu tɛi-tɛiɠaa kaa laa, di hvo di wɔ həɠəɠaai kɔhɔɓo li. Di kaa pai kɛi bɔ́ həɠə kwələ hu, mąąhɔlɔɓo, mąąlaa kaa di yəi.

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ: