Markə 9:47 - Yálá laawoo hɛɓɛ (dc)

⁴⁷ Akɛ ə́ ɲɛ̨ikɔw tɔ̨nɔ̨ aa kɛi kɛ ə́ ə́ həɠə pələ ɓa, ə́ ə́ too nɛ̨ŋɛ̨ ɉu, gulɔ yɛ́ bili, viɛlaɓoɔi ə́ ɲɛ̨ikɔw ə lɛɛ yɛ́ tanɔ̨n ə́ li Yálá-taa, ə tɛɛ ə nąą kəlee ŋąąpɛliɛ ɓa diɛ ə́ pili ɉahanama nwɔ̨n ɉu,

Yálá laawoo hɛɓɛ

⁴⁷ Akɛ ə́ ɲɛ̨ikɔw tɔ̨nɔ̨ aa kɛi kɛ ə́ ə́ həɠə pələ ɓa, ə́ ə́ too nɛ̨ŋɛ̨ ɉu, gulɔ yɛ́ bili, viɛlaɓoɔi ə́ ɲɛ̨ikɔw ə lɛɛ yɛ́ tanɔ̨n ə́ li Yálá-taa, ə tɛɛ ə nąą kəlee ŋąąpɛliɛ ɓa diɛ ə́ pili ɉahanama nwɔ̨n ɉu,

Bible

⁴⁷ À kɛ̀ íŋɛi à gɛ̀ í sɔnyɔ̂ŋ kɛ́, gula yâ. M̀aa nɛ̃ɛ̂i í lí Ɣâla ŋɔkâloŋ-laai su a íŋɛi-gao tɔnɔ kpéŋ é tɛ́ɛ la íŋɛi-gao veerɛ kɛ́ɛ yâ í lí dɛ̂ƃele-taa, ŋ̀wɔ́lɔ-wɔlɔ ŋɔŋ su,

Markə 9:47 ပူးပေါင်းရင်းမြစ်များ

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Zôo 31:1

Kwa ɲɛ̨́i kɔ́w ku mįnɛ̨ həɠə, hvo halakpɛla kaa hįį.

Mąątɛ̨nɛ̨ 119:37

Ɲɛ̨́i həɠə ɲą́ą́koloon mɛ̨nįɠaa pulu! 'Pənə ə́ dóó nwų́nų kɔ́lɔi, əgɛ, ŋį́ ə́ liiɓa kɛ.

Maafîu 18:9

Akɛ ə́ ɲɛ̨ikɔw tɔ̨nɔ̨ a kɛi kɛ əí lan, əí too nɛ̨ŋɛ̨n ɉu, gulɔ yɛ́ ə́ bili kwɛala. Mąąhɔlɔɓo, viɛlaɓoɔi, ə́ ɲɛ̨ikɔw ə lɛɛ yɛ́ tɔ̨nɔ̨ ə́ li Yálá pɔɔli liilaa hu, ə tɛɛ ə́ nąą kəlee ɲą́ą́pɛliɛ ɓa diɛ bili ɉahanama nwɔ̨n ɉu.»

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.

Markə 9:43

Akɛ ə́ yee a kɛi kɛ ə́ ə́ həɠə pələ ɓa, ə́ ə́ too nɛ̨ŋɛ̨ ɉu, dee yɛ ə́ bili. Mąąhɔlɔɓo, viɛlaɓoɔi ə́ yee ə lɛɛ yɛ́ tɔ̨nɔ̨ ə́ li Yálá-taa,

Markə 9:46

ə tɛɛ ə́ nąą kəlee ŋąąpɛliɛ ɓa, diɛ ə́ pili ɉahanama nwɔ̨n ɉu yii hva luwun.

Lukə 14:26

«Nui gaa bɔ ə hvilɛn búlú, mąąnɛ̨ɛ̨ ə mą́ą́ mɛ̨nį hviɛlaɓo ə dɛɛ gaa nuą diɛ, ə dɛɛ nɛ̨ą ɓa da lonnii, ə dɛɛ gaayɔɠaa diɛ, ə mą kɛ gbɔwɔ kpinįi mąą mɛ̨nį. Nui a wala yili kɛ tii, a kɛ tii hva pɛli kɛi a nwɔ́ kalan non ta.

Ɉaan 3:3

Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Galatə 4:15

Gwəinɛ̨ɛ̨i tɔlɔɔ kɛ ká yəi, gaa mį? Mąąhɔlɔɓo, ŋą́ pɛli yili mąą kɛla hvaaɓoi a tɛ̨ą, gɛ́ diɛ: Ə li kpɔ kɛ a ká yee pɛlimąą mɛ̨nįi-yoo, ká li kpɔ kɛ, ká ɲɛ̨ikɔw kulɔ, ká dɛɛ bɔ́.