Markə 8:35 - Yálá laawoo hɛɓɛ (dc)

³⁵ Mąąhɔlɔɓo, nui a gbɔwɔ nɔw hviɛlaɓo ə dɛɛ mą́ą́ mɛ̨nį ɓa, a hvɛɠɛ la. Kɛlaa, nui a lənə gbɔwɔ ɓa mą́ą́ mɛ̨nį ɓa, da nwɛlɛɛ lɛlɛɛ mąą mɛ̨nį ɓa; mąą nui nii a ɓalo.

Yálá laawoo hɛɓɛ

³⁵ Mąąhɔlɔɓo, nui a gbɔwɔ nɔw hviɛlaɓo ə dɛɛ mą́ą́ mɛ̨nį ɓa, a hvɛɠɛ la. Kɛlaa, nui a lənə gbɔwɔ ɓa mą́ą́ mɛ̨nį ɓa, da nwɛlɛɛ lɛlɛɛ mąą mɛ̨nį ɓa; mąą nui nii a ɓalo.

Bible

³⁵ Ǹúui a ŋ̀wɛ̂lii é ŋɔfúlu-laai lâai kɛ̂i, a pâi ǹánîi, kɛ́lɛ ǹúui a ŋɔfúlu-laai làŋ ḿaa mɛni ma da Duŋ Lɛ́lɛɛi, a pâi zɔlɔ ƃôi.

Markə 8:35 ပူးပေါင်းရင်းမြစ်များ

Ikilisiati 3:6

Hɛn gwɛli yələ kaa mą, ɉɛn tii lan ɲələ yɛ ɓo mą. Hɛn naaikɛ yələ kaa mą, bili yələ yɛ ɓo mą.

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Maafîu 10:39

Nui a nɔw mąą liihɛlɛn ɉee, a hvɛɠɛla. Nui a mą́ą́ mɛ̨nį niihɛlɛn ɉee ə tɛɛ gbɔwɔ nɔw ɓa, a lɛɛ a vulú.»

Maafîu 16:25

Nui a nɔw hviɛlaɓo ə tɛɛ mą́ą́ mɛ̨nį ɓa, a hvɛɠɛ la. Kɛlaa, nui a mą́ą́ mɛ̨nį hviɛlaɓo ə dɛɛ nɔw ɓa, mąą nui nwɔ yɛnɛ̨ɛ̨ a lɛɛ ɲəi.

Maafîu 19:29

Ə lɛɛ, nui lɔpee a nwɔ pɛlɛ́i lɛɛ, ə nąn nonni hinąą da nąn nonni nɛ̨ą lɛɛ, ə nąn a wala kɛ tii ə nee lɛɛ, ə nonni da nwɔ hihɛn ɉaa kəlee lɛɛlaa náá mąą mɛ̨nį ɓa, a gbulu kɛnɛ̨ hɔlɔɓo, ə yɛnɛ̨ɛ̨ kpɛɛ hvo mą hɔlɔɓo Yálá yəi.

Markə 8:36

Akɛ nu ya yɛnɛ̨ɛ̨ hɛn gɔw kəlee hɔlɔɓo, ə ɉɔ̨nwɔ̨ kɛ a ə nwɔ yɛnɛ̨ɛ̨, yili dɔlɔ ɓaa a lə?

Lukə 17:33

Nui a nwɔ yɛnɛ̨ɛ̨ mąąkɔ̨nwɔ̨, a hvɛɠɛ a nįį; kɛlaa, nui a hvɛɠɛ a nwɔ yɛnɛ̨ɛ̨, nįį a ɓalo.

Lukə 9:24

Mąąhɔlɔɓo, nui a nɔ̨ɔ̨ mąąkɔ̨nwɔ̨, a hvɛɠɛ la. Kɛlaa, nui hva ɉaa mɛ̨nį niihɛlɛn ɉee, hva hvɛɠɛ a nɔ̨ɔ̨.

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Gɛlaɠaa 21:13

Kɛlaa, ə ku woo ŋąapənə yɛ kuɔ: «Lə mɛ̨nį ɓa ka káá wɔlɔi, káá níi yali gwə́i? Ɉɛ̨́ą yiliɛi, di ɲíli, ə mą kɛ di báá Ɉerusalɛmə gu Ną́mu Jesus laa mąą mɛ̨nį ba.»

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Korɛntə dɔlɔɔ 9:23

Ŋą́ yili kəlee kɛ nwɛlɛɛ lɛlɛɛ mąą mɛ̨nį ɓa, gɛ́ pɛli nwɔ́ɔ́ hɔlɔɓoi ɉu.

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Timote veelɛ 1:8

'Hvó kani kɛ ə́ kaa nwumɛ̨i gu Ną́mu mąą kɛla hvaa ɓoi, ɛlɛɛ, ɲą́ą́ ŋɛ̨i gaho ɲą mąą mɛ̨nį ɓa, 'hvó nwumɛ̨ a mą́ą́ mɛ̨nį. Kɛlaa, 'too bɔ́, gu nwɛlɛɛ lɛlɛɛ mąą mɔ̨nɔ̨ mį́i, gu kilitɔɔ la Yálá vaŋą ɓa;

Hebreu 11:35

Laa na laa háálai, nɛ̨ąąi di wɔ nuą daa kɛ haa, diɛ pənə diɛ nwun. Kɛlaa, nu taɠaa diɛ hvaa mą, diɛ di mɔ̨nɔ̨ɓo, diɛ di paa, ə gɛ, di pa yɛnɛ̨ɛ̨ hva kpɛɛ hɔlɔɓo di nwunŋąą pulu.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.