Markə 8:29 - Yálá laawoo hɛɓɛ (dc)

²⁹ Jesus yɛ diɛ: «Akɛti, kaan, ka kɛ kɛi diɛ gbɛɛ ɓa a ɲą́ą́?» Piɛrə ə nwoo pulu pənə yɛ mą: «Ə kaa a nwun mąąɓomun yaai Yálá ə dɔɔ; yaai da kɛ mą: Kristə.»

Yálá laawoo hɛɓɛ

²⁹ Jesus yɛ diɛ: «Akɛti, kaan, ka kɛ kɛi diɛ gbɛɛ ɓa a ɲą́ą́?» Piɛrə ə nwoo pulu pənə yɛ mą: «Ə kaa a nwun mąąɓomun yaai Yálá ə dɔɔ; yaai da kɛ mą: Kristə.»

Bible

²⁹ È dímarê kɛ̀ ŋɔ́nɔ, ǹyɛɛi, “Káaŋ kâa ŋ́gaa a gbɛ̂ɛ?” Pitɛ e zu tòo, ǹyɛɛ mai, “M̀asâya ƃa yá.”

Markə 8:29 ပူးပေါင်းရင်းမြစ်များ

Markə 4:11

Ə di woo pulu pənə yɛ diɛ: «Ka wɛi, kaa Yálá-taa tɔɔlaa hu mɛ̨nį lowuɔɠaa aa tɛɛ ka pɔ. Kɛlaa di wɛi, hvo tɛɛ li di pɔ, da mɛ̨n hanwon ɉu.

Lukə 9:20

Jesus ə di mąąni kɛ, yɛ diɛ: «Kaan, ka kɛ kɛi diɛ gáá aa gbɛɛ?» Piɛrə ə nwoo pulu pənə yɛ mą: «Ə́ kaa a Nwun mąąɓomun Yálá ə naakwɛlanmo.»

Ɉaan 11:27

Martə yɛ mą: «Oowei, Ną́mu, náái na gɛ́ diɛ: yɛ́ ɓə ə́ kaa a Nwun mąąɓomun Yálá ə naakwɛlanmo, yɛ́ ɓo a Yálá Lon, yii Yálá ə dɛɛ yɛnɛ̨ɛ̨.»

Ɉaan 4:42

Nɔi nuą di mo nɛ̨ɛ̨nui tii ɓa, diɛ mą: «Kwaa laa na, yii ŋɛ̨i ə́ mo kuɔ mąą mɛ̨nį ɓa; ə lɛɛ, da yiiɠaai kuɔ kpinįi ku mɛ̨n mąą mɛ̨nį ɓa. Yili pulu, kwaa gɔlɔn gbɔ a tɛ̨ą kuɔ: ya ɓə gaa a yɛnɛ̨ɛ̨ ɓalo mun.»

Ɉaan 6:68

Simɔn Piɛrə ə nwoo pulu pənə yɛ mą: «Ną́mu, gbɛɛ takpɛli ɓə kwa pɛli lii bɔ? Mąąhɔlɔɓo, nwooɠaai gaa ə́ la, da yɛnɛ̨ɛ̨ kpɛɛ hvo mą tɛɛ nu pɔ.

Ɉaan 6:69

Ku wɛi, kwaa laa na, kwaa gɔlɔn kuɔ ə́ kaa a Yálá nwɔ mąąhəɠɛɛ.»

Gɛlaɠaa 8:36

Di kɛɛ kɛa bələ pɔ, di həli kɛɛnąą ta, yálee yɛ ɓo laa, gbɛtɛgbuwului ti yɛ Filipə ɓa: «Yálee ka, lə mɛ̨nį ɓə a pɛli kpɛ̨ąn ɉii mą́ą́waa mɛ̨nį hu?»

Gɛlaɠaa 9:20

Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Piɛrə dɔlɔɔ 2:7

Káái ɓaa laa na nuą, ɓɛlɛlaa li káá, kɛlaa, kili walawala nuą di wɛi, gwɛnii bɛlɛ́ tɔɔ nuą di lənə ma, aa kɛ a bɛlɛ́ kɔ́wɔ hvilɛn gwɛni leelee,

Zɔ̂ŋ Maa-ŋuŋ 4:15

Nui lɔpee a mo yɛ kɛ: Jesus kaa a Yálá Lon, Yálá kaa mąą nu hu, ɛlɛɛ, yɛ ɓo Yálá hu.

Zɔ̂ŋ Maa-ŋuŋ 5:1

Nui lɔpee a laa na, yɛ: Jesus ɓə a Kristə, mąą nu kaa a Yálá lon; ɛlɛɛ, nui a Yálá wɛlila kɛ, yai a non gaamun a non tii Yálá ə gaa, nwɛlila kɛ.