Markə 8:11 - Yálá laawoo hɛɓɛ (dc)

¹¹ Farisiɛ̨ɠaa di pa da Jesus ni diɛ hɛa too, di kɛ bɔ di Jesus hon nwoo hu. Di mo Jesus ɓa diɛ mą: «Kpalo mɛ̨nį ta kɛ yii kwa gaa ku laa na kuɔ ə́ wɔ huwalawala a həɠə Yálá pɔ.»

Yálá laawoo hɛɓɛ

¹¹ Farisiɛ̨ɠaa di pa da Jesus ni diɛ hɛa too, di kɛ bɔ di Jesus hon nwoo hu. Di mo Jesus ɓa diɛ mą: «Kpalo mɛ̨nį ta kɛ yii kwa gaa ku laa na kuɔ ə́ wɔ huwalawala a həɠə Yálá pɔ.»

Bible

¹¹ Faresii-ŋai dí pà dí pɛ́lɛ sia toôi Zîsɛ lá. Dí kɛ̀ Ɣâla-taa ŋɛi-kɛ-maa kɔ́rîi Zîsɛ yêei a gɛ́ɛ dí zu-kɔɔ̂ŋ.

Markə 8:11 ပူးပေါင်းရင်းမြစ်များ

Lɛɛ gbɔwɔ ɓa 17:2

Nuą di hvaa pələ Moisə pɔ, diɛ kɛ mą: «Yá tɛɛ ku pɔ, ku ku kpələ la!» Moisə yɛ diɛ: «Ka káá hvaa pɛlɛi mą́ą́, lə mɛ̨nį ɓa? Lə mɛ̨nį ɓa, ka káá Yai-Laa hukɔɔn ɉii?»

Lɛɛ gbɔwɔ ɓa 17:7

Ə gɛɛnąą tii laa hee a: Masa da Meriba, yili mukulaa ɓaa: «hukɔɔn.» Mąąhɔlɔɓo, Yai-Laa hukɔɔn Israɛlə lonnii di mo di hvaa tee, mąą mɛ̨nį ɓa. Diɛ kɛ mą: «Akɛti, Yai-Laa kaa lɔ ku lɔwai ɓəi, a wala kɛ tii, hvo ɓɛ?»

Malasi 3:15

Kwaa gbaɠala kaa kɛa, nuąi da hilɛwoo tee, diɛ ɓə a lúwɔ́ lonnii. Nuąi da mɛ̨nį ɲɔ̨n gɛ, diɛ ɓə di yee la a hvólóon. Ə mą kɛ, di ka Yálá nwąną kɛi, mɛ̨nį ta hva kɛ a diɛ.»

Maafîu 12:38

Dɔ́n galamɔ̨ɔ̨ da Farisiɛ̨ taɠaa di kɛ Jesus ɓa: «Mąąkwɛli kɛmun, ku kaa bɔ, ə́ kpalo mɛ̨nį ta kɛ, ku gaa.»

Maafîu 19:3

Farisiɛ̨ taɠaa di kɛ laa di kɛ bɔ di Jesus hon nwoo hu. Di pa diɛ mą: «Akɛti, gu wɔ tɔ́n a hvaa mą nu ə nɛ̨ą kpɛ hɔn nɔpee gəlee mąą mɛ̨nį ɓa?»

Maafîu 21:23

Jesus ə lɔ Yálá hee pɛlɛ́ mu yɛ nuą kalan. Ɉaláá laa həli nwun nąmįną da Ɉuifə hulɔgoloɠaa di lɛɠɛ Jesus ɓa diɛ mą: «Mɛ̨nįɠaa ŋɛ̨i ə́ kaa gɛi, gbɛɛ ɓə mąąlaa tɛɛ ə́ pɔ?»

Maafîu 22:15

Farisiɛ̨ɠaa dɛ li di di nwun dɔɔ a pələi kpɔ da tɛɛ la di Jesus hon vaa woo hu.

Maafîu 22:18

Kɛlaa, Jesus ə di wɔ gbanalaa tii kaa, ə mo diɛ, yɛ diɛ: «Ka tɛ ɲɛ̨i mɛ̨nį kɛ nuą ŋɛ̨i, lə mɛ̨nį ɓa ka káá gɛi a ɉáátɛ pələ?

Maafîu 22:23

Voló tɔ̨nɔ̨i tii hu lɔ, nuą yiiɠaai da kɛ diɛ Sadusiɛ̨ɠaa, diɛ di hvo kɛ laa li haaɓɛlaa muhəɠə mɛ̨nį la, di pa di Jesus mąąlən gɛ, diɛ mą:

Markə 12:15

Kɛlaa, Jesus ə gɔlɔn gɛ yɛ, tɛ̨ą kaa di kwəi, diɛ now mą. Ə mo diɛ, yɛ diɛ: «Lə mɛ̨nį ɓa ka káá bɔ ka ŋą́ą́hɛŋi? Ni kɔ́wi tii ka kɛ nįįhɔ̨nwɔ̨ kulɔi la, ka pa a da bɔ́ ŋį́ gaa.»

Markə 2:16

Farisiɛ̨ɠaa di kɛ laa, daɠaa diɛ ɓo nwɔ̨nɔ̨ a tɔ́n galamɔ̨ɔ̨ɠaa. Di Jesus nwɔ kalan nɛai mąąni kɛ, diɛ diɛ: «Lə mɛ̨nį ɓa, Jesus da nįįhɔ̨nwɔ̨ kulɔ nuą, ə mą kɛ, túwɔ́ pələ ɲɔ̨n gɛ nuą di kaa kɔ̨nɔ̨n mįi gee ɓa?»

Markə 9:16

Jesus ə nwɔ kalan nɛai mąąni kɛ, yɛ diɛ: «Lə hea ɓə ka diɛni ka káá dooi?»

Lukə 10:25

Tɔ́n galamɔ̨ɔ̨ ta ə muhəɠə, əgɛ, ə Jesus hon vaa woo hu, ə mąąni kɛ yɛ mą: «Kalamɔ̨ɔ̨! Lə ɓə ŋą pɛli gɛi, ŋą yɛnɛ̨ɛ̨ hva kpɛɛi hɔlɔɓo Yálá-taa?»

Lukə 11:16

Nu taɠaa di kɛ bɔ di ɉon a gbąnąlaa, di mo mą diɛ mą: «Kwɛlɛɛn mɛ̨nį ta kɛ, yii a nɛ yɛ ə́ wɔ huwalawalai a həɠə yələi.»

Ɉaan 4:48

Jesus yɛ mą: «Ka hva pɛli laa na laa kɛi a kɛ ka hvo kpalo mɛ̨nįɠaa kaa li.»

Ɉaan 6:30

Diɛ nwɔ̨nɔ̨ mą, diɛ mą: «Kpalo mɛ̨nį lə kɛɛ ɓə ə́ kaa pai gɛi, ku laa ə́ la? Ə́ kɛ tíi ɓaa a lə?

Ɉaan 7:48

Galanɉonŋąą a wala kɛ tii Farisiɛ̨ɠaa lɔwai, nu tɔ̨nɔ̨ kpɛli aa mɔ̨ɔ̨ laa na?

Ɉaan 8:6

Nuąi tii kɛi yili kɛi, di kɛ bɔ di Jesus hon vaa woo hu; əgɛ; di mąą ɲąba lɔ. Kɛlaa, Jesus ə nwun vilɛn, yɛ hɛɓɛ́ pɛ̨ɛ̨ nɔi ɓa a ɲeekpiɛ.

Gɛlaɠaa 5:9

Nąąlɔwai Piɛrə ə mo mą, yɛ mą: «Lə mɛ̨nį ɓa, ka nu hveelɛ ka pɛli mɛ̨nį tɔ̨nɔ̨ ɓa, ə gɛ, ka Kili-Mąąhəɠɛɛ hukɔɔn? Nɛ̨ɛ̨nu, 'ə́ wəli tɔɔ, nuąi li ə́ hilɛ looi, daa gbɛa həli ɓɛ, yɛ́ kpɛli, di kaa pai lii a yɛ́.»

Korɛntə dɔlɔɔ 10:9

'Ka gu hvo gu Ną́mu ɲąąhɛn, yɛ pələi daɠaa di gɛ la, diɛn, kaalə ə gəlee nwun na pili.

Dutɛrɔnome 6:16

Ka hvə kɛa tɔɔ Yai-Laa ka wɔ Yálái la, yɛ bələi ka gɛ la Masa.