Markə 7:14 - Yálá laawoo hɛɓɛ (dc)

¹⁴ Yili pulu ə nu kpului tii təli, yɛ diɛ: «Ka kəlee ka ka wəli tɔɔ mą́ą́, ka nwóó ŋąą kaa.

Yálá laawoo hɛɓɛ

¹⁴ Yili pulu ə nu kpului tii təli, yɛ diɛ: «Ka kəlee ka ka wəli tɔɔ mą́ą́, ka nwóó ŋąą kaa.

Bible

¹⁴ Zîsɛ è ǹûai tòli ŋɔ́nɔ, é m̀ó dîa, ǹyɛɛi, “Kákelee ka ŋ́oo mɛ́ni ka táre zu.

Markə 7:14 ပူးပေါင်းရင်းမြစ်များ

Tɔɔɓɛlaa dɔlɔɔ 18:21

Eli ə mąą lɛɠɛ diɛ, yɛ diɛ: «Ka káá pai lɛɛi tɔɔi yai yai, ə lɛɛ la ɉu mįnɛ̨ lɔwai? Akɛ ka káá lɛɛi Yai-Laa gu wɔ Yálái pulu, ka lɛɛ bulu; akɛ ka káá hvilɛn ɉii Baalə pulu, ka hvilɛn bulu.» Kɛlaa, nuą di hvo pɛli woo ta ɓoi.

Tɔɔɓɛlaa dɔlɔɔ 22:28

Mise yɛ tɔɔmun ma: «Lii ə́ kaa moi, ya pənə ya pa, a kɛ tii Yai-Laa hvəi mɛ̨nį ɓo mą́ą́ gɛ́ mo. Yili pulu, yɛ diɛ: ‹Nu kəlee ə nwóó mɛ̨n.›»

Mąątɛ̨nɛ̨ 94:8

Kaai ka hupuɔ kaa nu kəlee lɔwai! 'Ka gɛ a nɛlɛɛ, kiliŋą pɛlɛ nuą, lə yələ ɓə ka káá pai mɛ̨nį kpaɠala kaai la?

Hanwon 8:5

Kaai ka hva mɛ̨nį ŋąą kaa, ka pa ŋį́ ka mąąkwɛli. Kaai ɓaa hupu nuą, ka pa ŋį́ ka nwun gɛ ka hu.

Azaya 6:9

Ə pənə yɛ mą́ą́: «'Lí, ə́ mo nuąi tii diɛ, yɛ́ diɛ: Ka ka wəli tɔɔ kpɔ a nɛlɛɛ, Kɛlaa ka hvo mɛ̨nį kpaɠala kaai, Ka ka ɲɛ̨i hee kpɔ a nɛlɛɛ, Kɛlaa, ka hvo hɛn da mąąkpɛɛ.

Ɉeremi 25:2

Yálá kwəi mɛ̨nį hukulɔ mun Ɉeremi ə nwoo tii hukulɔ Ɉuda lɔi hu nuą da Ɉerusalɛmə daai nuą kəlee diɛ, yɛ diɛ:

Maafîu 15:10

Yili pulu, ə nu kpului tii təli yɛ diɛ: «Mɛ̨nįɠaa ŋɛ̨i gáá moi kaa, ka ka wəli tɔɔ ka mɛ̨n a nəlɛɛ.

Markə 7:13

Bələ lɔ ɓə ka kɛ Yálá laawoo mąą pənəi la a ka wɔ huwula mɛ̨nįɠaa, kaa nuą kalan na. Pələ kpɔlɔɔ ɓə ka mɛ̨nį takpɛliɠaa mąą pənə la.»

Markə 7:15

Hɛn nɔpee nu a dɛ na, yili hva gɔhɔɓo. Kɛlaa, yii a kulɔ nu la, ya ɓə a nu kɔ́hɔɓo.

Lukə 12:1

Nąąlɔwai tii hu, nu kpulu kɛnɛ̨ di di ŋąąkpɔn Jesus kwɛlɛ, diɛ tɛ di kee ni kɔ́wɔ mɛ̨i. Jesus ə ɲɛ̨i haŋą tɔlɔɔ nwɔ kalan nɛai diɛ, yɛ diɛ: «Ka ka kpɔɔ mɛ̨i kaa Farisiɛ̨ɠaa di wɔ lɛɠɛ tɛ hɛn mąą mɛ̨nį ɓa. Yili mukulaa ɓaa: di wɔ hu hveelɛ laa.

Gɛlaɠaa 8:30

Filipə ə gilɛ həɠə ə mąą lɛɠɛ laa, ə Etiopi mun ti woo mɛ̨n yɛ Yálá kwəi mɛ̨nį hukulɔ mun Esai nwɔ hɛɓɛ́ nąą ta ɓo, ə mąąni kɛ yɛ mą: «Ɉɛɓɛ́i ŋɛ̨i ə́ kaa moi, ə́ kaa ɲąą kaai?»