Markə 6:20 - Yálá laawoo hɛɓɛ (dc)

²⁰ Herodə ə kɛi ɲɔ̨w Ɉaan ɓa. Mąąhɔlɔɓo, ə kɛ gɔlɔn yɛ Ɉaan kaa a nu mąąhəɠɛɛ, əlɛɛ, dəlimo. Herodə ə kɛi Ɉaan mɛ̨i kaa. Herodə aa kɛi kɛ Ɉaan woo mɛ̨n, gwəi ə kɛi pili mą. Kɛlaa, ə mą kɛ tii, nwoo mɛ̨n nwɛli ə kɛ lɔ mą.

Yálá laawoo hɛɓɛ

²⁰ Herodə ə kɛi ɲɔ̨w Ɉaan ɓa. Mąąhɔlɔɓo, ə kɛ gɔlɔn yɛ Ɉaan kaa a nu mąąhəɠɛɛ, əlɛɛ, dəlimo. Herodə ə kɛi Ɉaan mɛ̨i kaa. Herodə aa kɛi kɛ Ɉaan woo mɛ̨n, gwəi ə kɛi pili mą. Kɛlaa, ə mą kɛ tii, nwoo mɛ̨n nwɛli ə kɛ lɔ mą.

Bible

²⁰ kpɛ́ni fêi, Ɛɛlɔ è yào Zɔ̂ŋ ma. E gɔ̀lɔŋ a gɛ́ɛ è kɛ̀ a núu sã́a, gɛ́ ƃo a núu maa waa. Vé mɛni da kɛ́ ní la. Ɛɛlɔ a kâa ŋ̀wɛli é ŋ̀óli tɔ́ɔ ma a tãi kélee a kɛ̀ ɣâla-woo ƃôi, berei máŋ ŋ̀óoi ŋí è kɛ̀ la ma lii-sɛlɛŋ kpɛɛ́ pôlui.

Markə 6:20 ပူးပေါင်းရင်းမြစ်များ

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Tɔɔɓɛlaa veelɛ 13:14

Elise ə too a ɲɔ̨n, ɲɔ̨n tii ɓə ə lɛɛi ɉu. Israɛlə tɔɔmun Ɉoasə ə li bɔɔli, ə ɲɛ̨ilai pɛlɛ Elise ɲɛ̨ilai, yɛ wɔlɔ, yɛ kɛ Elise ɓa: «Ną́n! Ną́n! A Israɛlə nwɔ huwalawala da nwɔ hoo mɛ̨imun!»

Tɔɔɓɛlaa veelɛ 6:21

Yii lɔ Israɛlə tɔɔmun ə di kaa, yɛ Elise ɓa: «Nán! Ŋą́ di paa?»

Kɔlɔnikɔ Veerɛi 24:2

Ɉoasə ə túwɔ́ a ɉaŋąą Yai-Laa ɲɛ̨i ɓa, ɉaláá laa həli mun Yehoyada ŋą yɛnɛ̨ɛ̨ kəlee yee mu.

Kɔlɔnikɔ Veerɛi 26:5

Oziasə ə kɛi Yálá liiɓa kwɛli a yələ kəlee Ɉekariahu nwɔ yɛnɛ̨ɛ̨ kəlee yee mu, Ɉekariahu ɓə kɛi niɛwoo kɛ a Yálá nwɔ ɲɔwumąą laa. Yaan, yii kpɔ ə kɛi kulɔ nwoo ɓa da Yai-Laa di lɔwai, Yálá ə kɛi gɔ́ a nwun na nɛ̨ɛ̨.

Lɛɛ gbɔwɔ ɓa 11:3

Yai-Laa ə Israɛlə lonnii wɛli too Eziptə nuą diɛ. Yii ɓaa Moisə nwɛi, mąąwiai kɛ Eziptə nɔi nuą kəlee ɲɛ̨i ɓa, ə mą kɛ tɔɔmun nwɔ nu kpɛa-kpɛai da nɔi lonnii kəlee.

Izikiɛ 33:32

Ə́ kaa di ɲɛ̨i mu yɛ wɛli wələi nɛ̨ɛ̨nu a doo, mu heɛ a hvɛ́li woo nɛ̨ɛ̨. Da ə́ wooɠaa mɛ̨n gbɔ, kɛlaa, nu ta hva bɔ mɛ̨nį kɛ.

Danîa 4:18

Nwului tii kɛ nąą ɲąąnɛ̨ɛ̨ mąi, ma tamąą ɉu, nu kəlee kɔ̨nɔ̨n yɛ kulɔ ɉu, huwɔɠaa kəlee diɛ pa nįnįn mu, yələi nwɛ̨nįɠaa diɛ di taa tɔɔ ɉonwoɠaa hu;

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Danîa 5:17

Daniɛlə ə tɔɔmun nwoo ŋąąpənə yɛ mą: «Ə́ wɔ mɛ̨inɛ̨ɛ̨ hɛnŋaai tii lɛɛ ə́ yə́i, ə́ ə́ wɔ nu kpɔɔ laa hɛn tii tɛɛ nu takpɛli pɔ. Kɛlaa, ə mą kɛ tii, gáá ɉɛɓɛ́i ŋɛ̨i ɓoi, ə lɛɛ, ŋą́ ɉukulaa lɛ yɛ́.

Maafîu 14:5

Herodə ə kɛ bɔ ə Ɉaan paa, kɛlaa ə kɛi ɲɔ̨w Ɉuifəɠaa diɛ. Mąąhɔlɔɓo, nu kəlee di kɛi Ɉaan kaa yɛ Yálá kwəi mɛ̨nį hukulɔ mun.

Maafîu 21:26

Akɛ nwɔ̨nɔ̨ gwa kɛ mą «Nuą ɓə», yaan hvo kɛli gwa ɲɔ̨w nuą diɛ. Mąąhɔlɔɓo, nu kəlee laai na diɛ Ɉaan ə kɛ a Yálá kwəi mɛ̨nį hukulɔ mun.

Markə 11:18

Yii kɛa ɉaláá laa həli nuą nwun nąmįną da dɔ́n galamɔ̨ɔ̨ɠaa di nwoo tii mɛ̨n, di kɛi gɛ pələ kwɛli mą, əgɛ, di Jesus hon di baa. Kɛlaa, di kɛi ɲɔ̨w mą. Mąąhɔlɔɓo, nwɔ kalan gɛ pələ ə nu kəlee lii hon.

Markə 4:16

Pələ lɔ ɓə ga la nwɔ̨nɔ̨ daɠaa diɛ, da di yee hee Yálá laawoo mu, yɛ vanɲą lɔi tii. Da mɛ̨n, da di yee hee mu a kwəinɛ̨ɛ̨.

Ɉaan 5:35

Ɉaan ə kɛ yɛ labon daa dɔɔ yɛ lən. Ka kɛ bɔ ka da hɔlɔɓo, ka ɲąąnɛ̨ɛ̨ gulɔ.

Gɛlaɠaa 2:12

Di kəlee di kwəi ə pili diɛ, yii kpɔ kɛ mąąnɛ̨ɛ̨ di di kiliŋąhiɛ mą, di hvo kɛ gɔlɔn. Di kɛi mo di kee lɔwai diɛ kɛ mą: «Yii mukulaa ɓaa lə?»

Gɛlaɠaa 5:24

Ɓɛlɔwai di nwoo hukulɔi ti kɛ la, Yálá hee pɛlɛ́ ɲąąwooɓo nuą da ɉaláá laa həli nuą kpɛa-kpɛa diɛ, di kwəi ə pili diɛ, yii kɛ di mo gɛlaɠaa mąą mɛ̨nį hu, di hvo kɛ gɔlɔn. Di kɛi di kee mąąni kɛ, diɛ kɛ mą: Di gɛ pələ kɛ ləi diɛ kulɔ?