Markə 4:39 - Yálá laawoo hɛɓɛ (dc)

³⁹ Jesus ə ɲɛ̨ilaaɓo, ə haŋą vaŋa ɓa, yɛ ɲá ɓa: «'Kɔlɔ haa yɛ́.» Vaŋa ə kpəla ma. Kɛɛ mąą ə haa kpɔ tin.

Yálá laawoo hɛɓɛ

³⁹ Jesus ə ɲɛ̨ilaaɓo, ə haŋą vaŋa ɓa, yɛ ɲá ɓa: «'Kɔlɔ haa yɛ́.» Vaŋa ə kpəla ma. Kɛɛ mąą ə haa kpɔ tin.

Bible

³⁹ Nya ƃe Zîsɛ è ŋ̀ɛi lá ƃò ǹyɛɛ vãai mai, “Ye ímɛi sáa!” Ǹyɛɛ ǹya-ɣiliŋ mai, “Ye see tɔ̀ɔ!” Vãai è kpèra, ǹyái é sée tɔ̀ŋ, naa mɛi é kɛ́ sáa.

Markə 4:39 ပူးပေါင်းရင်းမြစ်များ

Zôo 38:11

Gɛ́ mą: «Yá pa, ə́ kpɛlai ka, 'hvo nąą mąą tɛɛ, ə́ wɔ kpɔwɔ ŋąą kɛnɛ̨ laa kpɛlai ka.»

Mąątɛ̨nɛ̨ 107:29

Ə dulɔ hvaŋą kɔ́lɔ haamą, ɲá ə mɛ̨i haa.

Mąątɛ̨nɛ̨ 148:8

Nwɔ̨n da hanwon, luwú-luwú da nąląąn, tulɔ hvaŋą, kaai ka nwoo pɔ mɛ̨nį kɛ;

Mąątɛ̨nɛ̨ 29:10

Yai-Laa a heeɓolaa kɛ yánwąną mɛ̨i, Yai-Laa kaa a heeɓomun a yələ kəlee mɛ̨nį.

Mąątɛ̨nɛ̨ 65:7

Yá yeeɠaa hee kpɔ tin-tin, a ə́ hvąŋą, yɛ́ ə́ hɛ̨ą yili a huwalawalalaa.

Mąątɛ̨nɛ̨ 89:9

Yai-Laa Mɛ̨nį Kəlee ŋą Hééɓomun Yálá! Gbɛɛ ɓə nwalaa yɛ yɛ́-o, Yai-Laa! Tələnmo mɛ̨nį lɔ ɓə ə́ mąątínɛ̨n ŋąą la nąą kəlee.

Lɛɛ gbɔwɔ ɓa 14:16

Ə́ wɛi, ə́ wɔ tunwɔ̨n tɛ yələi, ə́ gboloyá kɛlɛ la, pələ ə laa ɉu, nuą di tɛɛ la a di kɔ́wɔ mąą kpalaa.

Lɛɛ gbɔwɔ ɓa 14:22

Israɛlə lonnii di gboloyá teen a di kɔ́wɔ mąą kpalaa, gboloyá tɔɔ di yee kəlee hu yɛ hįi.

Hanwon 8:29

ɓɛlɔwai ə kɛi gboloyá ɲɛn dɔɔ la, yii mąą hvo nɛ̨ɛ̨li hvo lan mɛ̨i, gɛɛ lɔi kpon ɉeei,

Ɉeremi 5:22

Yai-Laa yɛ diɛ: Ka hvo bɔ ka hvo mɛ́lɛ kɛ mą́ą́, ka hva ɲɔw mą́ą́. Ɲą́ą́ ŋɛ̨i gboloyá ɲɛn dɔɔ a ɲɛa kɔ́w, ɛlɛɛ, gboloyá hvo pai lagin ɉii ɲɛn tii mɛ̨i a Yələ ta, ə mą kɛ lii tii yɛ pa a vaŋa, hva ɲɛn tii mąą teen; gboloyá a huluun, kɛlaa, hva ɲɛn tii mąą tɛɛ.

Woolaa 3:31

Gbalai tɔɔ, Yai-Laa hva gili kulɔ nwɔ nuąi hu a yələ kəlee.

Nahumə 1:4

A tómą gboloyá mɛ̨i, yili ə kpala, ə tɛɛ yaɠaa kpala. Basan da Karmɛlə da yohva, Liban lɔwɔ a yohva.

Maafîu 8:26

Jesus ə ɲįnąąɓo, ə di woo ŋąąpənə yɛ diɛ: «Ee kə! Ka wɔ laa na laa tiikpə ɓə ee! Lə mɛ̨nį ɓa ka káá ɲɔ̨wi?» Ŋąąɓa, ə muhəɠə, ə haŋą vaŋą ɓa da ɲa, yɛ diɛ: 'Ka kpəla ma! Vaŋą da ɲa di kpəla kpɔlɔɔ tii ma, kɛɛ mąą ə haa kpɔ tin.

Markə 4:38

Jesus ə kɛ laa ni gələn gbon ŋą yɛ yii, nwun naa ɓɔlɔ kpinįn da mɛ̨i. Nwɔ kalan nɛai di lɛɠɛ mą, di nwun; diɛ mą: «Mąąkwɛli kɛmun! Gu haa hiɛ ka oo! Yili hvo ə́ lii kulɔi yɛ?»

Markə 9:25

Jesus ə nu kpulu kaa diɛ pa mą, ə haŋą ɲįnɛ̨n tii ɓa, yɛ mą: «'Ɲįnɛ̨n! Yɛ́i ə kaa nokoloi ŋɛ̨i pulu, hva gɛ hvo hvaa, hvo mɛ̨nį mɛ̨n, gɛ́ ə həɠə bulu. 'Hvo kpɔ kɛa pənə hvo hvilɛn bulu.»

Lukə 4:35

Jesus ə haŋą kpɔ ɲį́nɛ̨n tii ɓa a nwanąąi, yɛ mą: «Ə́ laa pilɛ, ə́ həɠə nui ŋɛ̨i pulu!» Ɲinɛ̨n tii ə ɉulɔnui tii hu kpɛlin, ə doo nu kəlee ɲɛ̨i ɓa, kɛlaa, hvo nąą ta kɛ mą; ə həɠə bulu.

Lukə 4:39

Jesus ə lɛɠɛ mą, ə nwun ɉɛlɛn mɛ̨i, ə haŋą gɔlɔ kələn mąą tii ɓa, nɛ̨ɛ̨nui tii kɔ́lɔi ə pono. Ə muhəɠə yɛ di kɔ̨nɔ̨n gɛ.

Lukə 8:24

Galan nɛa di lɛɠɛ Jesus ɓa, di nwun, diɛ mą: «Kalamɔ̨ɔ̨, kalamɔ̨ɔ̨! Gu nwun na pili hiɛ ka! Ku nwun mąąɓo!» Jesus ə ɲɛ̨ilaa ɓo, ə haŋą vaŋąi tii ɓa, da ɲá, yɛ di: «Ka ka kɔ́lɔ haa kaa!» Vaŋą da ɲá di di kɔ́lɔ haa diɛ, kɛɛ mąą ə haa kpɔ tin.