Markə 3:27 - Yálá laawoo hɛɓɛ (dc)

²⁷ «Nu hva pɛli lɔi huwalawala mun ɲei bɛlɛ́n hvo ɲei hɛn gɔw həɠə, akɛ hvo ɉuwalawala mun tii yili li. Akɛ ya ɲili, ya pɛli ə ɲei bələn ɉɛnŋąą kəlee həɠə a ə wɔ.

Yálá laawoo hɛɓɛ

²⁷ «Nu hva pɛli lɔi huwalawala mun ɲei bɛlɛ́n hvo ɲei hɛn gɔw həɠə, akɛ hvo ɉuwalawala mun tii yili li. Akɛ ya ɲili, ya pɛli ə ɲei bələn ɉɛnŋąą kəlee həɠə a ə wɔ.

Bible

²⁷ “Núu da fa pɔ̂ri wála-wala nuu da ŋɔpɛ́rɛ wôloi é m̀u é sãâi síɣe, fɛ̂ɛ nɔ́ a fúlɔi é ŋ̀wála-walai nuui ɣíri, gɛ̀ ní, a pɔ̂ri ŋɔpɛ́rɛi wôloi é m̀u sãai siɣe.

Markə 3:27 ပူးပေါင်းရင်းမြစ်များ

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Maafîu 12:29

Nu ya pɛli ə huwalawala mun yəi hɛnŋąą həɠə pələ kɛ ləi ɲəi, akɛ hvo ɲili li hvo naa, yili pulu, yɛ tɛɠa pa gwɛlin ɉəɠəi a ə́ wɔ!

Ɉaan 12:31

Yiihu, ɲɛnɛ̨ɛ̨ ŋɛ̨i kiti teei lɔwai a həli, di kaa pai gití kalai ɉu tɔɔmun ma, di gbɛ.

Lomaŋ 16:20

Ɉu hvo kɛa kwɛa li Liilaa-Yálá, yɛ pa ɓilihi nwun nwoloi ka kɔ́wɔ mu. Gu Ną́mu Jesus nwɔ mɛ̨inɛ̨ɛ̨ ə kɛ ka pɔ!

Kolosə 2:15

Ə ɲąąwooɓolaa da hvaŋąlaa di mąąkpoloon, ə di too nu kəlee ɲɛ̨i ɓa. Ə di pu gɔwɔ mu, a ŋą kolɔwa hvaŋą.

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.