Markə 2:17 - Yálá laawoo hɛɓɛ (dc)

¹⁷ Jesus ə di woo mɛ̨n, ə mo diɛ yɛ diɛ: «Nuąi di kɔ́lɔi ponoɔ̨, di mąąkpaan və hali kɛmun mą. Hvo kɛli ɲɔ̨n gɛ nuą ɓə di mąąkpaan gaa hali kɛmun mą. Və́ kɛ pa li tələnmo nuą kwɛli mɛ̨nį ɓa, hvo kɛli túwɔ́ pələ nwɔn gɛ nuą.»

Yálá laawoo hɛɓɛ

¹⁷ Jesus ə di woo mɛ̨n, ə mo diɛ yɛ diɛ: «Nuąi di kɔ́lɔi ponoɔ̨, di mąąkpaan və hali kɛmun mą. Hvo kɛli ɲɔ̨n gɛ nuą ɓə di mąąkpaan gaa hali kɛmun mą. Və́ kɛ pa li tələnmo nuą kwɛli mɛ̨nį ɓa, hvo kɛli túwɔ́ pələ nwɔn gɛ nuą.»

Bible

¹⁷ Zîsɛ è m̀ɛni é m̀o dîa ǹyɛɛi, “Diai díkɔlɔ̂i ponoɔɔ̂i dífa sále kɛ́-nuu kɔ̀ri. Kɔlɔ-ƃela nɔ́ ƃa sále kɛ́-nuu kɔ̀ri. Fé pá ní a gɛ́ɛ ŋá tɔ̃yâ-ƃela tóli, fɛ̂ɛ sɔnyɔ̂ŋ-ƃela.”

Markə 2:17 ပူးပေါင်းရင်းမြစ်များ

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Lukə 15:29

Kɛlaa, non ə nwoo pulu pənə yɛ mą: ‹Ə́ wəli tɔɔ, aa kɛ a kwɛlan damąą, gɛ́ koló kɛ yɛ́, və́ ta ə́ woo pili li. Kɛlaa yaamun, hvo takpɛli ɓolu lon dɛɛ li bɔ́, kwa mɛ́laa ku hvo mį́į́ a kwəinɛ̨ɛ̨.

Lukə 15:7

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a ɉɔn mąąhvalin, kwəinɛ̨ɛ̨ kɛnɛ̨ a kɛ Yálá-taa, nui tii mąą mɛ̨nį ɓa, ə tɛɛ telmo nuą pow mɛ̨inąąn kɔ́w mɛ̨inąąn ɓa, diɛi di hɔn mąąhvalin mɛ̨nį niihɛlɛn və diɛ.»

Lukə 16:15

Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Lukə 19:10

Nuą yiiɠaai di piliɛ kɛ, Nu Lon ə pa di kwɛli mɛ̨nį ɓa, əgɛ, di ɓalo.»

Ɉaan 9:34

Diɛ mą: «Yɛ́i di ə́ kaa, ə́ ɓo a nɛ̨ŋɛ̨n dee teei, yɛ́ ɓə yɛ́ ə́ ku kalan?» Di di yee hee mą, di bili ɲɛnɛ̨ɛ̨ pələ.

Ɉaan 9:40

Farisiɛ̨ɠaa tii kɛ gwɛlɛ, yii kɛa di nwoo tii mɛ̨n, diɛ Jesus ɓa: «Akɛti, kuɔ kpɛli mąn, ku kaa mɔ̨ɔ̨ ɲɛ̨ipu nuą?»

Gɛlaɠaa 20:21

Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.